လိုအပ်မယ်ထင်ရင် ရှယ်ယူထားပါ
÷÷÷÷÷÷÷÷÷÷÷÷÷÷÷÷÷÷÷÷÷÷
နေမိဇာတ်တော်
~~~~~~~~~~
ရှေးသရောအခါက မိထီလာပြည်၌ တရားနှင့်အညီမင်းပြုသော မဃဒေ၀မည်သောမင်းသည် ဖြစ်ပေါ်ခဲ့၏။ ထိုမင်းသည် ဥပုသ်နေ့တိုင်း သီလဆောက်တည်လေ့ရှိ၏။ မိမိခေါင်း၌ ဆံပင်ဖြူတစ်ချောင်း ပေါက်ခဲ့သော ပြောပြရန် ဆတ္တာသည် (ဆံညှပ်သမား)အား မှာထားလေ၏။ နှစ်များစွာကြာသောအခါ ဆတ္တာသည်သည် မင်းကြီးခေါင်း၌ ဆံဖြူတစ်ချောင်း ပေါက်နေသည်ကို မွေးညပ်ဖြင့်နှုတ်၍ မင်းကြီးအား ပြသလေ၏။
မင်းကြီးလည်း ထိုဆတ္တာသည်အား ရွာဆုပေး၍ သားတော်ကြီး အိမ်ရှေ့မင်းသားကို ခေါ်ပြီး “ချစ်သား၊ ငါ့အား သေမင်းတမန်များသည် ဖြစ်ပေါ်၍ လာလေပြီ၊ ငါသည် လူ့လောက၌ ကာမဂုဏ်တို့ကို ခံစားပြီးဖြစ်၍ နတ်ကာမဂုဏ်တို့ကို ရှာရန် အချိန်တန်ပြီ၊ သင်သည် နိုင်ငံကိုအုပ်ချုပ် မင်းလုပ်လော့” ဟု မိန့်ကြား၍ ထီးနန်းကို လွှဲအပ်လေ၏။ ခေါင်း၌ ဆံဖြူတစ်ချောင်းပေါက်လျှင် တော်ထွက် တရားရှာမှီးခြင်း ဟူသော ကျင့်ဝတ်ကို စဉ်လာမပျက် ဆက်လက် လိုက်နာရန်နှင့် မင်းကျင့်တရားနှင့်အညီ တိုင်းပြည်အုပ်ချုပ် မင်းလုပ်ရန်လည်း သွန်သင်ဆုံးမခဲ့လေ၏။
မဃဒေ၀မင်းသည် ထိုနေ့မှစ၍ ဖန်ရည်ဆိုးသော အ၀တ်ကို ၀တ်ဆင်ကာ မဃဒေ၀ဥယျာဉ်တော်၌ အရပ်ဆယ်မျက်နှာတို့သို့ ဗြဟ္မ၀ိဟာရတရားဖြင့် ဖြန့်ကျက်၍ နေထိုင်တော်မူ၏။ ထိုမင်းသည် ကလေးသူငယ်ဘ၀ဖြင့် နှစ်ပေါင်းရှစ်သောင်း လေးထောင်၊ အိမ်ရှေ့မင်းအဖြစ်ဖြင့် နှစ်ပေါင်းရှစ်သောင်း လေးထောင်၊ ပြည့်ရှင်မင်းအဖြစ်ဖြင့် နှစ်ပေါင်းရှစ်သောင်းလေးထောင်၊ ရသေ့ရဟန်းအဖြစ်ဖြင့် နှစ်ပေါင်း ရှစ်သောင်းလေးထောင်နေပြီး ကွယ်လွန်သောအခါ ဗြဟ္မပြည်သို့ လားရောက်ရလေ၏။
သားတော်မင်းမှစ၍ ရှစ်သောင်းလေးထောင်သော မင်းတို့သည် မဃဒေ၀မင်းကြီး၏ နည်းလမ်း၊ သွန်သင်ဆုံးမချက်နှင့်အညီ မင်းပြု၍ မိထီလာပြည်သည် နှစ်ပေါင်းများစွာ စည်ပင်ဝပြောလျှက် ရှိခဲ့ပေ၏။ ဆံဖြူတစ်ပင် ပေါက်သည်နှင့် အိမ်ရှေ့စံကို နန်းလွှဲအပ်၍ မိမိတို့အတွက် သံသရာရိက္ခာထုပ်ကို ကိုယ်စီထုပ်ပိုး သွားနိုင်ကြလေ၏။
လူတို့၏ ပထမအရွယ်သည် ပညာရှာမှီးခြင်းဖြင့် ကုန်ဆုံးစေခြင်းကို ထိုမင်းသားတို့သည် ပြုမူဆောင်ရွက် နိုင်ခဲ့ကြ၏။
အချိန်တန်အရွယ်ရောက်လို့ ဒုတိယအရွယ်မှာ တာဝန်ထမ်းဆောင်ဖို့ အချိန်ကျစဉ်မှာလဲ သူတို့သည် တာဝန်ကျေပွန်ခြင်းဖြင့် မိထီလာပြည်ကြီးကို သာယာဝပြော စေခဲ့၏။ တတိယအရွယ် တရားရှာရမည်အချိန် ဆံပင်ဖြူတစ်ချောင်း ပေါက်တယ်ဆိုရင်လဲ သေမင်းတမန် အမိန့်တော်ဟုခံယူလျှက် တရားဘာဝနာဘက်၌ စိတ်ကိုညွှတ်စေကာ သားတော်ကြီးကို ထီးနန်း လွှဲအပ်ကာ တောထွက်ရဟန်းပြုခြင်းဖြင့် ဗြဟ္မပြည်သို့ တက်လှမ်းနိုင်ခဲ့ကြ၏။
မဃဒေ၀မင်း၏ လမ်းစဉ်နှင့် ထိုလမ်းစဉ်အတိုင်း လိုက်နာဆောင်ရွက်သော ရှစ်သောင်း လေးထောင်သော မင်းအပေါင်းတို့၏ စိတ်ဓာတ်သည် ချီးကျူးစရာပင် ဖြစ်၏။ နေမိမင်း လက်ထက်အထိ ရှစ်သောင်း လေးထောင်သောမင်းတို့သည် မိထီလာပြည်၏ အစဉ်အလာကို ထိန်းသိမ်နိုင်ခဲ့ကြလေ၏။
နေမိမင်း၏သားတော် ကဠာရဇနက မင်းလက်ထက်တွင်ကား ဘိုးဘေးတို့၏ အစဉ်အလာသည် ပျက်၍သွားတော့၏။ ဆံဖြူတစ်ခေါင်းလုံးပေါက်သော်လည်း ထီးနန်းမစွန့် တောမထွက်ပဲ အသက် ထက်ဆုံး မင်းစည်းစိမ်ကို ခံစားလျှက် နေတော့၏။ ထိုမင်းအား မိထီလာပြည်၏ အဆုံးစွန်သောမင်းဟူ၍ ပိဋကတ်တော်၌ မှတ်တမ်းပြုထားလေ၏။
(မှတ်ချက်။ ထို မဃဒေ၀မင်း သည်လည်းကောင်း၊ သားစဉ်မြေးဆက် နေမိမင်းသည်လည်းကောင်း ၂ ပါးလုံးသည် ဂေါတမမြတ်စွာဘုရား အလောင်းအလျာများဖြစ်သည်ဟု မှတ်သားရပါသည်)
တစ်ရံရောအခါ ဝိဒေဟရာဇ်တိုင်း၊ မိထီလာပြည်၌ မဃဒေဝမင်း စိုးစံသည်။ ထိုမင်းသည် တရားတော်၌ မွေ့လျော်သည်။ အသက်ကြီးရင့်၍ ဆံပင်ဖြူလာလျှင် ရဟန်းပြု၍ တောထွက်မည်ဟု ဆုံးဖြတ်ထားသည်။ ဆံပင်၊ မုတ်ဆိတ်တို့ကို ပြုပြင်ပေးသော ဆတ္တာသည်အား မိမိ၏ ဆံပင်ဖြူလာလျှင် လျှောက်ထားရန် မှာကြားထားသည်။ တစ်နေ့သောအခါ ဆတ္တာသည် သည် မင်းကြီး၏ ဦးခေါင်း၌ ဆံပင်ဖြူ တစ်ပင်ကို တွေ့မြင်သည်။ ထိုအခါ “အရှင်မင်းကြီး- ဦးခေါင်းတော်၌ ဆံပင်ဖြူ တစ်ပင် တွေ့မြင်ပါသည်” ဟူ၍ လျှောက်ထားသည်။
မင်းကြီးလည်း သားတော် အိမ်ရှေ့မင်းသားကို ထီးနန်းပေးအပ်လိုက်သည်။ မိမိနည်းတူ “ဆံပင်ဖြူကို မြင်တွေ့လျှင် တောထွက်ပါ”ဟူ၍ မှာကြားသည်။ ထို့နောက် ထီးနန်းကို စွန့်သည်။ ရဟန်းပြု၍ တောထွက် သွားလေသည်။ ဤသို့လျှင် သား၊ မြေး၊ မြစ် အဆက်ဆက်တို့သည် ထီးနန်းကို စိုးစံကြသည်။ ဆံပင်ဖြူသောအခါ တောထွက်ကြသည်။ ထိုမဃဒေဝမင်းမှ ရှစ်သိန်း သုံးသောင်း တစ်ထောင် ကိုးရာ ကိုးဆယ်မြောက်သော မင်းသည် မိထိလာပြည်၌ ဆက်လက် စိုးစံသည်။ ထိုမင်းတွင် နေမိကုမာရ အမည်ရှိသော သားတော် တစ်ပါးရှိသည်။ ထိုနေမိ မင်းသားသည် ငယ်ရွယ်စဉ်မှစ၍ အလှူပေးသည်။ သီလ ဆောက်တည်သည်။
ရှေးအစဉ်အလာအတိုင်း ခမည်းတော်သည် ဆံပင်ဖြူသောအခါ တောထွက်သည်။ ထိုအခါ နေမိမင်းသား သည် ထီးနန်းကို ဆက်ခံရသည်။ နေမိမင်းသည် တိုင်းပြည်ကို မင်းကျင့်တရားနှင့် အညီ အုပ်ချုပ်သည်။ ထို့အပြင် မြို့တံခါးလေးခုနှင့် မြို့လယ်တို့၌ အလှူမဏ္ဍပ် ငါးခု ဆောက်သည်။ အလှူမဏ္ဍပ် တစ်ခုစီတွင် အသပြာ တစ်သိန်း ကျစီဖြင့် နေ့စဉ်ပေးလှူသည်။ ငါးပါးသီလကို အမြဲ စောင့်ထိန်းသည်။ ဥပုသ်ကို လပြည့် လကွယ်နေ့တိုင်း ဆောက်တည်သည်။ တိုင်းသူပြည်သားတို့ကို ကုသိုလ် ကောင်းမှုပြုရန် တိုက်တွန်းသည်။
နေမိမင်း၏ အဆုံးအမကို နာယူကြသူတို့သည် ကွယ်လွန်သောအခါ နတ်ပြည်သို့ ရောက်ကြလေသည်။ ဤတွင် နတ်ပြည်မှာ နတ်ဦးရေ တိုးပွားစည်ကားနေ၏။ ငရဲပြည်ကား ခြောက်ကပ်နေသည်။ တစ်နေ့တွင် နေမိမင်းကြီးသည် အလှူပေးခြင်းနှင့် သီလ ဆောက်တည်ခြင်းတွင် မည်သည်က ပို၍ အကျိုးကြီးကြောင်း စဉ်းစား တွေးတောကာ ဆုံးဖြတ်မရနိုင်အောင် ရှိလေသည်။
ဤသို့ တွေးကြံသည်ကို သိကြားမင်း သိရှိသောအခါ လူ့ပြည်သို့ ဆင်းသက်လာသည်။ နေမိမင်းကြီးရှေ့၌ ကိုယ်ထင်ပြလျက် “အရှင်မင်းကြီး အလှူပေးခြင်းထက် သီလ စောင့်ခြင်းက ပို၍ အကျိုးကြီးပါသည်” ဟု ဟောပြောသည်။ ထို့နောက် တာဝတိံသာ နတ်ပြည်သို့ ပြန်ကြွသွားလေသည်။
ထိုအကြောင်းကို တာဝတိံသာနတ်ပြည်ရှိ နတ်များ သိရှိကြသောအခါ နေမိမင်းကြီးကို ဖူးတွေ့လိုသော ဆန္ဒများ ဖြစ်ပေါ်လာကြသည်။ သို့ဖြင့် နေမိမင်းကြီးကို နတ်ပြည်သို့ ပင့်ဆောင် ပြသပါရန် သိကြားမင်းအား တောင်းပန်ကြသည်။ သိကြားမင်းလည်း နတ်တို့ အလိုကို လိုက်လျောသည်။ မာတလိနတ်သားအား “နေမိမင်းကြီးကို ပင့်ဆောင်လော့” ဟူ၍ စေခိုင်းသည်။ မာတလိနတ်သားသည် သိန္ဓောမြင်း တစ်ထောင်ကသော ဝေဇယန္တာ ရထားဖြင့် နေမိမင်းကြီးကို လာရောက်ခေါ်သည်။ မိထိလာ ပြည်သူတို့ အံ့သြကာ ရင်သပ်ရှုမော ကြည့်ရှုကြသည်။
မာတလိသည် နေမိမင်းကြီးကို ပင့်ဖိတ်သည်။ မင်းကြီးလည်း နတ်ပြည်ကို မရောက်ဖူးသဖြင့် ဝမ်းမြောက် ဝမ်းသာ လက်ခံလိုက်သည်။ ပြည်သူတို့နှင့် နန်းတွင်းသူ နန်းတွင်းသားတို့အား “မကြာမီ ငါ ပြန်လာခဲ့မည်။ ကုသိုလ်ကောင်းမှုတို့ကိုသာ မမေ့မလျော့ဘဲ ပြုကြပါ” ဟူ၍ မှာကြားသည်။
မာတလိက နေမိမင်းကို နတ်ပြည်ကြွဖို့ ရထားထက်ပင့် လာပြီး နတ်ပြည်ကိုသွားရာ လမ်းနှစ်လမ်း ရှိတယ်။ တစ်လမ်းက ငရဲလမ်း တစ်လမ်းက နတ်လမ်းဖြစ်တယ်။ ဘယ်လမ်းက သွားချင်သလဲ လို့မေးတယ်။ နေမိ မင်း က ငါဟာ ငရဲဘုံရော၊ နတ်ဘုံရော မမြင်ဖူးဘူး….။ မြင်ဖူးအောင် နှစ်လမ်းလုံးက သွားချင်တယ်လို့ ပြောတယ်။ မာတလိ က ငရဲလမ်းရော နတ်လမ်းရော တစ် ပြိုင်နက်တည်း သွားလို့မဖြစ်ဘူး။ ဘယ်လမ်းကဦးစွာ ကြွလိုပါသလဲ လို့မေးတော့ နေမိမင်း က ငရဲလမ်းကို ဦးစွာသွားမယ်လို့ ပြောတယ်။ ဒါကြောင့် မာတလိနတ်သား ဟာ ဝေဇယန္တာ ရထားကို ငရဲလမ်းက ဦးစွာနှင်တယ်။
သည် ငရဲကြီးတွေက မြေကြီး အတွင်းက ငရဲတွေ မဟုတ်ဘူး။ ကောင်းကင် မှာမြေပြင် မှာတည် နေကြ တဲ့ကြိမ်ပိုက် ငရဲ ခွေးစား ငရဲစတဲ့ ဥဿဒ ငရဲများ ကိုဆိုလိုတယ်။ မာတလိနတ်သား ဟာ ငရဲဘုံ ကိုပြ ပြီးတော့ နတ်ဘုံ ရှိရာ ကောင်းကင် ထက် ကို ရထား ကို ဦးလှည့်ပြီးတော့ မောင်း တယ်။ နတ်လမ်းခရီးမှာ ဗရဏီ နတ်သမီးဗိမာန် သောဏဒီနိ နတ်သားဗိမာန်၊ ဖာလ်ဗိ မာန်၊ မြ ဗိမာန်၊ ကြောင်မျက်ရွဲ ဗိမာန်စသည်တို့ကိုပြနေတုန်း သိကြားမင်းထံ ကအထောက်တော်ရောက်ခဲ့လို့ တာဝတိံသာသို့ ရှေးရှုပြီး ရထားကိုနှင်ခဲ့တယ်။
ရထား ဘယ်ရောက်လာ သလဲဆိုတော့ မြင်းမိုရ်တောင်ကို ရံပြီးတည်နေတဲ့ တောင်စဉ် ၇ ထပ်ဆီ ရောက်လာတယ်။ အဲဒီအခါ နေမိမင်းက သည်တောင်တွေ က ဘာတောင်တွေခေါ်ပါသလဲ လို့မေးတော့ မာတလိနတ် သားက သုဒဿနော တရ၀ီကော၊ ဤသ ၀ရော ယုဂန္ဓရော၊ နေမိန္ဒရော ၀ိနတကော၊ အဿကဏ္ဍော ဂီရိဗြဟ္မာစသော ဂါထာဖြင့် သုဒဿန စတဲ့ တောင်စဉ် ခုနှစ်ထပ် ဖြစ်ကြောင်း ပြောကြားပြီး တောင်စဉ် ခုနှစ်ထပ်မှ တစ်ဖန် စတုမဟာရာဇ် ဘုံ များ ကို ပြသတယ်။ ပြီးမှ တာဝတိံသာနတ်ပြည်ကို တက်တယ်။
၇ ရက်မြောက်သောနေ့မှာ လူ့ပြည်ပြန်လာပြီး နတ်ပြည်၊ ငရဲပြည်အတွေ့အကြုံများကို ပြန်လည်ဟောပြောတယ်။ တစ်နေ့ ဆတ္တာသည်က မင်းကြီးရဲ့ ဆံကေသာကိုရှင်းလင်းပေးရာမှ ငွေကေသာတစ်ပင် ရှင်သန်နေကြောင်း လျှောက်ကြားလေတော့ ဆတ္တာသည်ကြီးကို ဆုတော်ငွေများနှင့်အတူ မြို့စားရာထူး အပ်နှင်းလိုက်တယ်။ နောက် ရ ရက်အတွင်းမှာဘဲ သားတော်ထံ ထီးနန်းအပ်နှင်း၍ လျှော်သင်္ကန်းကိုဝတ်လျက် ရဟန်းပြုကာ ဘ၀ဆုံးတိုင် တရားအားထုတ်ခဲ့လေတော့သည်။
ဓမ္မမိတ်ဆွေများအားလုံး နိဗ္ဗာန်၏
အထောက်အပံ့ဖြစ်ကြပါစေ...။
မျိုးဆက်သစ်အရှင်(ဖိုလေးလုံး)စုစည်း၍ဓမ္မဒါနပြုပါသည် ။
