ဘုရားရှင်အား တစ်ကြိမ် ဦးချရခြင်း အကျိုး
******************************
©©©©©©©©©©©©©©©©
တစ်ခါတော့…
ဘုရားရှင်ဟာ နံနက်မိုးသောက်ထတဲ့အချိန်မှာမဟာကရုဏာသမာပတ်ဝင်စားရင်း
စဏ္ဍာလတင်းကုပ်မှာနေတဲ့ သက်တမ်းကုန်နေတဲ့အဘွားအိုတစ်ယောက်ကို သွားမြင်တော်မူပါတယ်။
သူ့နာမည်က စဏ္ဍာလီတဲ့။
စဏ္ဍာလီ အမည်ရှိတဲ့ အဘွားအိုဟာ
အခုမနက်ခင်းမှာပဲ သေတော့မယ်။
ပြီးတော့ ဘာကုသိုလ်မှလည်း မရှိတဲ့အတွက်
ငရဲလည်းကျမယ်တဲ့။
ငရဲမကျစေချင်တဲ့အတွက် ဘုရားရှင်ဟာ
သံဃာပေါင်းများစွာခြံရံပြီး
ရာဇဂြိုဟ်မြို့ထဲကို ဆွမ်းခံကြွတော်မူပါတယ်။
အဲဒီအချိန်မှာ အဘွားအိုကလည်း မြို့ပြင်အထွက်လမ်းမှာဘုရားရှင်နဲ့ မျက်နှာချင်းဆိုင် တည့်တည့်တိုးနေတော့
တာပေါ့။
မြတ်စွာဘုရားရှင်ကလည်း
အဘွားအို ရှေ့ဆက်သွားမရပဲ ရှိခိုးကန်တော့
ဖြစ်သွားအောင်ရှေ့တည့်တည့်ကနေ ပိတ်ရပ်ထားတော်မူပါတယ်။
ဒါပေမဲ့…အဘွားအိုက ဘုရားရှင်ကို ရှိမခိုးဘူးတဲ့။
ဒီအတိုင်းပဲ ပေပြီး ရပ်နေတယ်။
ဒီအခါမှာ…
အရှင်မောဂ္ဂလာန်က ဂါထာနှစ်ဂါထာနဲ့ ဘုရားရှင်ကို ရှိခိုးဖို့ အဘွားအိုကို တိုက်တွန်းပါတယ်။
စဏ္ဍာလီဒါယိကာမကြီး…
အခြံအရံ အကျော်စောရှိတော်မူသော
ဂေါတမမြတ်စွာဘုရား၏ ခြေတော်ကို ရှိခိုးလော့။
အမြတ်ဆုံးဣသိ ဖြစ်တော်မူသော မြတ်စွာဘုရားသည် သင့်ကိုသာလျှင်ချီးမြှောက်တော်မူခြင်းငှာ ရပ်တည်တော်မူ၏။
တာဒိဂုဏ်(လောကဓံနှင့် ကြုံသော်လည်း
တုန်လူပ်ခြင်းမရှိ သည်းခံနိုင်ခြင်း)နှင့် ပြည့်စုံတော်မူသောပူဇော်အထူးကို ခံယူတော်မူထိုက်သော မြတ်စွာဘုရား၌
စိတ်ကို ကြည်လင်စေလော့။
လျှင်မြန်စွာ လက်အုပ်ချီ၍ ရှိခိုးလိုက်လော့။
သင်၏ အသက်သည် အလွန်တိုတောင်းလှ၏ တဲ့။
အရှင်မောဂ္ဂလာန်က
ဘုရားရှင်ရဲ့ ကြည်ညိုဖွယ်ရာ ဂုဏ်တွေကိုလည်းဟောပြပါတယ်။
သူတစ်ခဏအတွင်း သေရတော့မယ်ဆိုတာကိုလည်းတန်ခိုးနဲ့ မြင်အောင် ပြလိုက်ပါတယ်။
အဲဒီတော့မှ အဘွားအိုဟာ…
ဘုရားရှင်ကို ကြည်ညိုမြတ်နိုးစွာနဲ့ ဦးချရှိခိုးပါတယ်။
ထိခြင်းငါးပါးနဲ့ ရှိခိုးပြီးတော့ အဘွားအိုဟာ
သူ့အတွက် တစ်ပင်တစ်ပန်းကြွလာတဲ့
ဘုရားရှင်ကို ကြည်ညိုမြတ်နိုးစွာနဲ့ လက်အုပ်ချီပြီး
ကြည်ညိုနေပါတယ်။
ဒီလောက်ဆိုရင် နတ်ပြည်ရောက်ဖို့
လုံလောက်ပြီဆိုတာကို သိသွားတဲ့ ဘုရားရှင်ဟာသံဃာများနဲ့ အတူ
ရာဇဂြိုဟ်မြို့ထဲသို့ ဆွမ်းခံကြွသွားတော်မူပါတယ်။
ဘုရားရှင်ကြွပြီး ခဏအတွင်းမှာပဲ
သားဇောကြောင့် ဒေါသဖြစ်နေတဲ့ နွားမတစ်ကောင်အတင်းဝင်ဝှေ့လို့
အဘွားအိုဟာ သေပွဲဝင်ရရှာပါတယ်။
ဒါပေမဲ့…
သေခါနီး ဘုရားရှင်ကို ရှိခိုးတဲ့ကုသိုလ်
ကြောင့် လူရဲ့ အသက်နဲ့ဆိုရင်
နှစ်ပေါင်း သုံးကုဋေနဲ့ အနှစ်ခြောက်သန်းအသက်ရှည်တဲ့တာဝတိံသာနတ်ဘုံကို ရောက်သွားပါတယ်။
နတ်ဘုံရောက်ရောက်ခြင်း
ငါ ဘာကုသိုလ်ကြောင့် ရောက်ရတာလဲဆိုတာပြန်ဆင်ခြင်ကြည့်လိုက်တော့
ဘုရားရှင်ကို ရှိခိုးတဲ့ ကုသိုလ်ကြောင့်ဆိုတာ
သူ သိသွားတယ်တဲ့။
သူ ဒီလိုရှိခိုးဖြစ်အောင် တိုက်တွန်းဟောကြားပေးတဲ့အရှင်မောဂ္ဂလာန်ရှိရာကို
သူ့ဗိမာန်ကြီးပါ သယ်ဆောင်ရောက်လာပြီး
ကျေးဇူးတင်စကား လျှောက်ထားပါတယ်။
( ဝိမာနဝတ္ထုပါဠိတော်၊ စဏ္ဍာလီဝိမာနဝတ္ထု )
ဒီသာဓကကိုထောက်ပြီး…
သေခါနီးဘုရားရှင်ကို တစ်ခဏတာ ကြည်ညိုရှိခိုးတဲ့ကုသိုလ်လေးတောင်
ဒီလောက်ကောင်းကျိုးတွေ ပေးသေးရင်
သူတော်ကောင်းတို့လို နေ့စဉ်ကြည်ညိုရှိခိုးနေကြတဲ့သူတွေဆို
ဘယ်လောက်ထိများ ကောင်းကျိုးတွေရလိုက်မလဲတွေးပြီးတော့
ရတနာသုံးပါးကို ကြည်ညိုကိုးကွယ်ပူဇော်ကြပါလို့တိုက်တွန်းရင်း…
အရှင်ဇဝန - မေတ္တာရှင်(ရွှေပြည်သာ)
သင်လူတစ်ယောက်ဖြစ်ပြီလား စာအုပ်မှ -
မြတ်စွာဘုရား
ဗုဒ္ဓေါ လောကေ သမုပ္ပန္နော
ဟိတာယ သဗျဗပါဏိနံ
မြတ်စွာဘုရားသည်
လောက၌ သတ္တဝါအားလုံးတို့၏
အကျိုးစီးပွား အလို့ငှာ ပွင့်တော်မူ၏။
(မြတ်ဗုဒ္ဓ)
သဗျဗဒါနံဓမျမဒါနံဇိနာတိ
Credit/;
မေတ္တာဖြင့်...
အရှင်ပုည(ဝကုန်း)
"တန်ဘိုးရှိလှ တရားမြတ် ဆောင်ယူတတ်က
တန်ဘိုးမဖြတ်နိုင်၊ဖတ်,ရှု,မှတ်ထား၊ဆောင်
ထားပါ"
နှလုံးသားမှာ ဘုရားတည်ကြမည်။
No comments:
Post a Comment