မေတ္တာဆိုတာ

-   မေတ္တာဆိုတာ …
ချစ်တာ မဟုတ်ဘူး။
သူတစ်ပါးတို့အား ဒုက္ခမပေးဘူးဆိုတဲ့စိတ်ထား။
သူတစ်ပါးတို့အတွက် ကောင်းကျိုး ဆောင်ရွက်
မယ်ဆိုတဲ့စိတ်ထား။

-   ကရုဏာဆိုတာ…
ဘယ်သူကိုမျှ မညှင်းဆဲဘူး။
ဘယ်သူ ဒုက္ခ ရောက်ရောက် ငါကူညီ
စောင့်ရှောက်မယ် ဆိုတဲ့စိတ်ထား။

-   ဥပေက္ခာဆိုတာ…
မျက်နှာလွှဲ ခဲပစ်လုပ်တာမဟုတ်ဘူး။
ဟန်ချက်ညီအောင်နေတာ။
ကြောက်တဲ့ဘက်လည်း ရောက်ပြီးတော့
မတုန်လှုပ်နဲ့။
ကြိုက်တဲ့ဘက်လည်း ရောက်ပြီးတော့
မတုန်လှုပ်နဲ့။
အဲဒီအစွန်းနှစ်ခု လွတ်အောင် ရှောင်ပြီး
အလယ်ကနေသွားတာ။

ဥပေက္ခာ ဆိုတဲ့ပုဒ်ကို အဘိဓမ္မာမှာ
"မဇ္ဈတ္တာကာရ လက္ခဏာ" လို့ ဖွင့်တယ်။
"မဇ္ဈတ္တ" ဆိုတာ Middle Wayပဲ။

အတွေးမှန်ဖို့ရန် …
စွန့်လွှတ်ဖို့ တွေးပါ။ 
သူတစ်ပါး အကျိုးစီးပွား ဆောင်ရွက်ဖို့တွေးပါ။
သူတစ်ပါးရဲ့ ဒုက္ခကို ပယ်ဖျောက်ဖို့ 
စောင့်ရှောက်ဖို့ တွေးပါ။
အတွေးသုံးပါး အဲဒါကို "သမ္မာသင်္ကပ"
လို့ ခေါ်တယ်။

ကောင်းတယ် အကျိုးရှိတယ်ဆိုတဲ့ အလုပ်သည် 
စိတ်ကောင်းရှိတဲ့အခါမှ လုပ်ဖြစ်တာ။
မကောင်းဘူး အကျိုးမရှိဘူးဆိုတဲ့ အလုပ်သည် 
စိတ်ကောင်းမရှိတဲ့အခါတိုင်း လုပ်ဖြစ်တယ်။
ဒါကြောင့် စိတ်ကောင်းထားတယ်ဆိုတာ
အဓိပ္ပါယ် သိပ်ရှိပါတယ်။

လူ့ဘဝဆိုတဲ့ ဘဝကောင်းတစ်ခုကို ရရှိနေချိန်မှာ            
အကျင့်ကောင်းတွေနဲ့ တိုးတက်အောင် လုပ်ကြ။
ဘဝကောင်းကို မသိရင် အကျင့်ကောင်း
ကိုလည်း မကျင့်မိတတ်ဘူး။

လူသားအားလုံးရဲ့ ပန်းတိုင်ဟာ
ဝိသုဒ္ဓိနဲ့ ဝိမုတ္တိပါပဲ။
Purification - သန့်ရှင်းစင်ကြယ်ခြင်းကို
"ဝိသုဒ္ဓိ" လို့ ခေါ်တယ်။

Liberation - လွတ်မြောက်ခြင်းကို
"ဝိမုတ္တိ" လို့ ခေါ်တယ်။

သန့်ရှင်းစင်ကြယ်ခြင်း - Purification 
လွတ်မြောက်ခြင်း - Liberation
ရဖို့အတွက် ဘာလုပ်ရမလဲဆိုရင် …
We must follow the dhamma.
ဓမ္မကို လိုက်နာကျင့်သုံးရမယ်။

ဓမ္မကို လိုက်နာကျင့်သုံးတဲ့ပုဂ္ဂိုလ်ဟာ 
သန့်ရှင်းသွားတယ်။ 
သန့်ရှင်းလို့ရှိရင် လွတ်မြောက်သွားတယ်။

မိမိကိုယ်တိုင် နိဗ္ဗာန်ရောက်ဖို့ထက် မိမိကြောင့် 
သူတစ်ပါး စိတ်သောက မဖြစ်အောင် နေတတ်ဖို့ 
ပိုအရေးကြီးတယ်။
အဲဒါ မြင့်မြတ်သော လူစွမ်းကောင်းတို့ရဲ့
စိတ်ထားပဲ။

သီတဂူဆရာတော်ဘုရားကြီး
#credit
kn(မြတ်ဗုဒ္ဓ၏ သာသနာမှ ပြန်လည်တင်ဆက်သည်)