🙏 အကုသိုလ်ကြောင့် ဖြစ်ရတဲ့ကုသိုလ် 🙏
~~~~~~~~~~~~~~~~~~~~~~~~~
ရှေးတုန်းက သူငယ်ချင်းနှစ်ယောက် လယ်ယာလုပ်ငန်းကို လုပ်ကိုင်ကြတယ်။ မောတဲ့အခါသောက်ဖို့ဆိုပြီး ရေဘူးတစ်ယောက်တစ်ဘူးစီ ယူလာကြတယ်။ မောတဲ့အခါ ရေသောက်လိုက် ပြီးရင် ထယ်ထွန်လိုက်နဲ့။
အဲ့ဒီမှာ ထူးခြားတာက အခြားသူငယ်ချင်းတစ်ယောက်က သူ့ရေဘူးရေကုန်မှာစိုးလို့ သူ့ သူငယ်ချင်းရေဘူးကို ခိုးသောက်တယ်။ခိုးခိုးသောက်ပြီး တစ်နေကုန်အလုပ်တွေလုပ် ညနေကျတော့ နှစ်ယောက်အတူ ရေချိုးကြတာပေါ့။
ရေမိုးချိုးပြီးတော့ ရေခိုးသောက်တဲ့လူက သူ့ကိုယ်သူ စဉ်းစားတယ်၊ငါ ဒီနေ့ ဘာမဟုတ်တာတွေ လုပ်ခဲ့လဲလို့ စဉ်းစားတဲ့အခါ သူ့သူငယ်ချင်းရေဘူးကို ခိုးသောက်တာ သွားတွေ့တယ် အဲမှာဘယ်လိုစဉ်းစားပြန်လဲဆိုတော့ -
" ငါ ဒီနေ့ မဟုတ်တာ လုပ်ထားတယ် ရေခိုးသောက်တယ်ဆိုတာ မကောင်းဘူး အကုသိုလ်ပဲ " ဒီအကုသိုလ်ကိုကြည့်ပြီး သံဝေဂဥာဏ်တွေ ဖြစ်လာတယ်။
" ေဩာ် ဒီအကုသိုလ်တွေ ကြီးထွားလာရင် အပါယ်ဒုက္ခတော့ ရောက်ရတော့မှာပဲ ဒီအကုသိုလ်တွေကို နှိမ်မှပဲ " ဆိုပြီး " သူ့ကိုယ်သူ ငါမဟုတ်တာတွေ တော်တော်လုပ်တဲ့ အကောင် "လို့ သူ့စိတ်ကို မကျေမနပ်ဖြစ်ပြီး သင်္ခါရတရားတွေရဲ့အပြစ်တွေမြင်ပြီး ဆင်ခြင်လိုက်တာ ပစ္စေကဗောဓိဥာဏ်ရင့်တဲ့ပုဂ္ဂိုလ်ဆိုတော့ အဲ့ဒီနားမှာတင် ဆင်ခြင်ရင်းနဲ့ ပစ္စေကဗုဒ္ဓဖြစ်သွားတယ်။
ရေအခိုးခံရတဲ့ သူ့သူငယ်ချင်းက ရေချိုးပြီးကုန်းပေါ်တက်လာတော့ " သူငယ်ချင်းပြန် ပြန်ရအောင်ကွာ " လို့ ဆိုတော့ " သူငယ်ချင်း ငါပြန်မလိုက်တော့ဘူး ငါ ပစ္စေကဗုဒ္ဓဖြစ်သွားပြီ " လို့ဟြေတော့ -
ဟိုလူက "သူငယ်ချင်း မင်း မဟုတ်တရုတ်တွေ လျှောက်မဟြေနဲ့ကွာ၊ ပစ္စေကဗုဒ္ဓဆိုတာ မင်းလိုမှ မဟုတ်တာ " လို့ဆိုတယ်၊ ဒါဆိုရင် ဘယ်လိုလဲ လို့မေးတော့ - " ပစ္စေကဗုဒ္ဓဆိုတာ ခေါင်းတုံးနဲ့ သင်္ကန်းနဲ့ သပိတ်နဲ့ မင်းလိုလူဝတ်ကြီးနဲ့ မဟုတ်ဘူးကွ " လို့ ဟြေလိုက်တယ်။
အဲ့ဒီအချိန်မှာ သူက သတိရပြီး ခေါင်းကို ပွတ်လိုက်တာနဲ့ တစ်ပြိုင်ထဲ လူ့အသွင်ပျောက်ပြီး ရဟန်းအသွင်ရောက်သွားတယ်၊ သပိတ်ကိုလွယ်လျက် ပရိက္ခရာရှစ်ပါးအစုံနဲ့ ကောင်းကင်ပေါ်ပျံတက်ပြီး သူငယ်ချင်းကို နှုတ်ဆက်ပြီး ထွက်သွားတယ်။
အဲ့ဒါဘာတုန်းဆိုရင် အကုသိုလ်ကနေ ကုသိုလ်ဖြစ်သွားတာ၊ ကိုယ့်ရဲ့အကုသိုလ်ကို ရု့ှဆင်ခြင်တာ။ နောက်တစ်ခါ လူတစ်ယောက်ဟာ ဒေါသဖြစ်တယ်၊ " ေဩာ် ဒေါသဆိုတာ မကောင်းပါလားအကုသိုလ်ပါလား " လို့ ဒေါသရဲ့အပြစ်တွေကို ဆင်ခြင်လာတယ်။ အဲ့လိုဆင်ခြင်တော့ ကုသိုလ်တွေဖြစ်တယ်။
"ဒေါသဖြစ်တုန်းက အကုသိုလ် အပြစ်တွေမြင်ပြီဆင်ခြင်တာက ကုသိုလ်။"
ဒါကြောင့်မို့ မြတ်စွာဘုရားက စိတ္တာနုပဿနာမှာ ဒီလိုဟောထားတာ " သရာဂံ ဝါ စိတ္တံ သရာဂံ စိတ္တန္တိ ပဇာနာတိ၊ သဒေါသံ ဝါ စိတ္တံ သဒေါသံ စိတ္တန္တိ ပဇာနာတိ " တဲ့။
ကိုယ့်စိတ်လေးဟာ တဏှာရာဂနဲ့တွဲနေရင် တဏှာရာဂနဲ့တွဲနေတယ်ဆိုတာ သိရမယ်တဲ့ဒေါသနဲ့တွဲနေရင်လဲ ဒေါသနဲ့တွဲနေတယ်ဆိုတာ သိရမယ်တဲ့။
သိတယ်ဆိုတာ အာရုံဟြတာကို ဟြေတာ
ကြည့်လေ။ " ေဩာ် ငါ့စိတ်လေးက တဏှာရာဂနဲ့တွဲနေပါလား " တဏှာရာဂဆိုတာ အကုသိုလ်၊ သိပြီး ဆင်ခြင်လိုက်တာက ကုသိုလ်။
တဏှာရာဂဆိုတဲ့ အကုသိုလ်ကြောင့် သိခြင်းဆိုတဲ့ ကုသိုလ်တရားတွေ ဖြစ်လာတယ်။ ဒါဟာ အကုသိုလ်ကြောင့် ဖြစ်ရတဲ့ကုသိုလ်ပါပဲ။
---------------------------
သတ္တဝါများစွာ ဘေးရန်ကွာ ချမ်းသာကြပါစေ။
မေတ္တာရေးချမ်း ကိုယ်စီဖြန်း ငြိမ်းချမ်းကြပါစေ။
သက်ရှည်ကျန်းမာ စိတ်ချမ်းသာ လိုရာဆန္ဒပြည့်ပါစေ။
ပါမောက္ခချုပ်ဆရာတော်ဒေါက်တာနန္ဒမာလာဘိဝံသ၏ ပဋ္ဌာန်းမြတ်ဒေသနာတော်မှ ဓမ္မဒါနအဖြစ် ပူဇော်အပ်ပါ၏ဘုရား။
🌷ဓမ္မဒါနအဖြစ်🌷
Than Kyaw Oo
~~~~~~~~~~~
(2016)
No comments:
Post a Comment