❝ ဥပေက္ခာ ❞
°°°°°°°°°°°°°°°
ဥပေက္ခာရဲ့ သဘောက အင်မတန် မှ မြင့်မြတ်တယ် နော်။
လူတစ်ယောက်ရဲ့ စော်ကားမှုကို အမှတ်မထားဘူး၊ချီးမွမ်းမှုကိုလည်း အမှတ်မထားဘူး။
လုပ်သင့်တာကိုပဲ လုပ်ပေးတယ်၊ကူညီပေးတယ်..
ဥပေက္ခာနဲ့ ခွင့်လွှတ်နိုင်ရမယ်။
လောကလူတွေဟာ ခွင့်မလွှတ်နိုင်ကြဘူးနော်။
ခွင့်မလွှတ်နိုင်တာဟာ မာနကြောင့်ပဲ။
ဥပေက္ခာတရားဆိုတာ ခွင့်လွှတ်နိုင်စွမ်းတဲ့
စွမ်းအားသတ္တိ ရှိတယ်။
တစ်ဦးတစ်ယောက်က ဘာတွေပဲလုပ်လုပ် အဲဒီ အလုပ်ပေါ်မှာ မှတ်သားမထားဘူး၊ ကိုယ် လုပ်သင့်တာကိုပဲ လုပ်သွားတယ်။
ဒါကို ဥပေက္ခာလို့ ခေါ်တာနော်။
တချို့က အဓိပ္ပါယ် ပြောင်းပြန်လုပ်ပြီး ဥပေက္ခာကို ပြောကြတယ်။
မတည့်တဲ့လူတစ်ယောက်ကို ဥပေက္ခာ ရှူထားတယ်။
ခေါ်လဲ မခေါ်ဘူး ပြောလဲမပြောဘူး ..
ဒီလိုပစ်ထားတာကို ဥပေက္ခာလို့ ဒီလို ထင်ကြတယ်။
ဥပေက္ခာရဲ့ သဘောက အင်မတန်မြင့်မြတ်တယ်နော်။
လူတစ်ယောက်က ကိုယ့်အပေါ်မှာ စော်ကားမော်ကား ပြောတဲ့စကား သူ့ရဲ့လုပ်ရပ်တွေကို အမှတ်မထားဘဲ ကိုယ်လုပ်သင့်တယ်လို့ ထင်ရင် လုပ်ပေးတယ် ကူညီပေးတယ်။
လူတစ်ယောက်ရဲ့ စော်ကားမှုကို အမှတ်မထား ဘူး၊ချီးမွမ်းမှုကိုလည်း အမှတ်မထားဘူး။
လုပ်သင့်တာကိုပဲ လုပ်ပေးတယ်။
လောကလူသားတွေဟာ ကိုယ့်ကို ချီးမွမ်းလို့ရှိရင် ပိုလုပ်ပေးတယ်။
ကိုယ့်ကို ကဲ့ရဲ့ရင် ပစ်ထားတယ်။
အဲဒါ ဥပေက္ခာမဟုတ်ဘူး။
ဥပေက္ခာရဲ့ သဘောက ချီးမွမ်းခြင်း ကဲ့ရဲ့ခြင်း ဒီနှစ်ခုစလုံးအပေါ်မှာ အမှတ်မထားဘဲ စိတ်ထဲမှာ သိမ်းမထားဘဲ လုပ်သင့်တဲ့ အလုပ်ကို လုပ်ပေးတာ။
စိတ်ပြောင်းလဲမှု မရှိဘူး။
မေတ္တာ ခန္တီတို့ရဲ့ လုပ်ငန်းတွေကို သူကဆက်လက် လုပ်ပေးတယ်။
အဲဒါကို ဥပေက္ခာလို့ ဒီလိုခေါ်တာနော်။
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ
**ပါချုပ်ဆရာတော်
**KhinSandarSoeHtut
**တရားမှတ်စု
No comments:
Post a Comment