🕯ကိလေသာမီး၊ ညီးညီးလောင်ပြီ။
⏳တွန်းလှန်နိုင်ငြား အားမရှိပြီ။
🔥 မီးကိုလွတ်ရေး၊ ထွက်ပြေးကြံစည်၊
⌛️ အချိန်ကုန်သွား၊ အင်အားမရှိပြီ။
🍃🍂🍃🍂🍃🍂🍃🍂🍃🍂
ဤလင်္ကာကလေးကို သတိထားကြည့်ပါ။
ငယ်ရွယ်စဉ် တရားအားထုတ်မှုမရှိသောသူသည် အသက်ကြီးမှ တရားအားထုတ်လေတော့၊ ကိလေသာတွေကို မကျော်နိုင်တော့ဘူး။ ကြိုးစားအားထုတ်ပေမဲ့ ဝီရိယတင်လို့ မတက်တော့ဘူး။ သဒ္ဓါနှင်လို့ မရတော့ဘူး။ စိတ်ကလည်း မပါ့တပါနဲ့၊ ကိလေသာကသာ အနိုင်ယူပြီး တရားအသိမဖြစ်တော့ဘူး။ အသိဉာဏ်ထိုင်းမှိုင်း၊ မောဟတွေက တနေ့တခြား ထူပြောပြီး ဘယ်လောက်ပင် ထိုင်မှတ်နေပေမယ့် မောင်ထိုင်၊ မယ်ထိုင်က များလာကုန်ပြီ။
အချိန်တွေကုန်လာသလောက် ဉာဏ်အရည်အသွေးတွေက ထင်သလောက်မပေါ်၊ ထင်သလောက်မကိန်းတော့ဘူး။
ထိုင်တော့ထိုင်နိုင်ပေမယ့် ဉာဏ်သတ္တိတွေ ဖြစ်မလာတော့ဘူး။
မောဟ၊ ဒိဋ္ဌိတွေကသာ များပြားလာနေလေတော့ မဂ်၊ ဖိုလ်၊ နိဗ္ဗာန်သို့ အသိဉာဏ်ညွတ်လို့မရတော့ပြီ။
ဒါကြောင့်မို့ ရဟန်းဖြစ်ဖြစ်၊ လူဖြစ်ဖြစ် မည်သူမဆို ကျန်းမာပြီး သဒ္ဓါတရားတင်လို့ရနေချိန်မှာ ကိုယ်ပိုင်တရားအသိထူး မပေါ်၊ပေါ်အောင် ကြိုးစားအားထားကြပါဟု တိုက်တွန်းလိုက်ပါရစေ။
☸️ မြောက်ဦးဆရာတော် ☸️
No comments:
Post a Comment