ဝါခေါင်လပြည့် မေတ္တာအခါတော်နေ့...
{မေတ္တာဘာဝနာဖြင့် ကျင့်သုံးနေထိုင်နည်း}
မေတ္တာသုတ်ဖြစ်ပေါ်လာခြင်းကို အကြောင်းပြုပြီးတော့ပဲ မေတ္တာအခါတော်နေ့ဆိုတာ ပေါ်ပေါက်လာခြင်းဖြစ်၏။ ဇာတ်လမ်းကို အကျဉ်းပြောရမယ်ဆိုရင် မြတ်စွာဘုရားလက်ထက်တော်အခါက ရဟန်းတော်ငါးရာတို့ဟာ မြတ်စွာဘုရားထံမှ ကမ္မဌာန်းတရားကို ယူဆောင်၍ တောအုပ်တစ်ခုတွင် ၀ါဆိုဝါကပ်တော်မူခဲ့ကြ၏။ ရဟန်းတော်များ၏ သီလတန်ခိုးကြောင့်နေရာဖယ်ပေးကြရတဲ့ နတ်အချို့က အမျိုးမျိုးခြောက်လှန့်ကြသောကြောင့် တရားကိုဖြောင့်အောင် နှလုံးမသွင်းနိုင်ဘဲ စိတ်ဓာတ်တွေခြောက်ခြားပြီး ၀ါတွင်းကာလမှာပင် မြတ်စွာဘုရားရှိရာ သာဝတ္တိပြည် ဇေတ၀န်ကျောင်းတော်သို့ ပြန်သွားခဲ့ကြ၏။
မြတ်စွာဘုရားက မေတ္တာလက်နက်ကို ယူဆောင်ပြီး တောအုပ်သို့ ပြန်သွားကြရန် တိုက်တွန်းပြီး မေတ္တာသုတ်ဒေသနာကို ဟောကြားပေးလိုက်၏။ တောအုပ်သို့ပြန်ရောက်သောအခါ ရဟန်းတော်တို့၏ မေတ္တာဓာတ်ကြောင့် နတ်များက ချစ်လာကြပြီး အေးချမ်းစွာ တရားအားထုတ်ခွင့်ရခဲ့ကြ၏။ ရဟန်းတော်ငါးရာတို့ဟာ ထိုတောအုပ်မှာပင် ၀ါခေါင်လအတွင်း ဒုတိယ၀ါ ကပ်တော်မူကြပြီး မေတ္တာတရားကို ပွားများ၍ ၀ိပဿနာတရားကို ဆက်လက်အားထုတ်ကြရာ ၀ါမကျွတ်မီ ရဟန်းတော်များအားလုံး ရဟန္တာ ဖြစ်တော်မူသွားကြ၏။ ဒါကတော့ မေတ္တာသုတ်ရဲ့ ဇာတ်လမ်းအကျဉ်းဖြစ်၏။
တဖန် မေတ္တာသုတ်တစ်ခုလုံးရဲအဓိပ္ပါယ်ကို ခြုံငုံကြည်မယ်ဆိုရင် ငြိမ်းအေးသောနိဗ္ဗာန်ကို ဉာဏ်ဖြင့်သက်ဝင်၍နေလိုသော အကျိုးစီးပွား၌ လိမ္မာသောသူသည်သက္ကာ ဥဇူစ သုဟုဇူ သုဝစော စဿမုဒု အနတိမာနိ = ကျင့်စွမ်းနိုင်ရမည်။ကိုယ်နှုတ်ဖြောင့်မတ်ရမည်။စိတ်နေစိတ်ထား ကောင်းစွာဖြောင့်မတ်ရမည်။ဆိုဆုံးမလွယ်ရမည်။စိတ်ထားနူးညံ့ သိမ်မွေ့ရမည်။လွန်ကဲတက်ကြွသော မာန်မာနမရှိရ စသည်အားဖြင့်မေတ္တာဘာဝနာပွားများရာ၌ ကြိုတင်ကျင့်ရမည့် အချက် (၁၅) ချက်ကို ပြုကျင့်ရမည်။
ထို့နောက် ယေ ကေစိ ပါဏဘူတတ္ထိ၊တသာ ဝါ ထာဝရာ ဝ နဝသေသာ။ဒီဃာ ဝါ ယေဝ မဟန္တာ၊
မဇ္ဈိမာ ရဿကာ အဏုက ထူလာ စသည်ဖြင့် မင်းကွန်းဆရာတော်ကြီး ထုတ်နှုတ်ရေးသားဖွဲ့သီအပ်သော လုံးစုံများစွာ၊ သတ္တဝါ ချမ်းသာကိုယ်စိတ်မြဲပါစေ၊ ဥပါဒ်ရန်ဘေး၊ ကင်းစင်ဝေး၊ ငြိမ်းအေးကြပါစေ စသောလင်္ကာဖြင့် အစဉ်အတိုင်းမေတ္တာဘာဝနာပွားများရမည်။
ထို့သို့မေတ္တာဘာဝနာပွားရာ၌ ဘယ်လိုစိတ်ထားနဲ့ပွားရမှာလဲဆိုရင် ...
မာတာယထာ နိယံပုတ္တ
မာယုသာ ဧကပုတ္တ မနုရက္ခေ၊
ဧဝမ္ပိ သဗ္ဗဘူတေသု၊
မာနသံ ဘာဝယေ အပရိမာဏံ။
မိခင်သည် ရင်၌ဖြစ်သော တစ်ဦးတည်းသော သားကို အသက်ရှင်စေရန် အသက်နှင့်လဲ၍ အစဉ်စောင့်ရှောက်ဘိသကဲ့သို့ ဤအတူပင် သတ္တဝါခပ်သိမ်းတို့၌ အတိုင်းအရှည်မရှိသော မေတ္တာစိတ်ကို ပွားများရမည်။
မေတ္တာပို့ရာမှာ နယ်ပယ်ကျဉ်းကျဉ်းလေးထဲမှာပဲပို့ရမှာလား၊ မဟုတ်ပါ ။
မေတ္တဉ္စ သဗ္ဗလောကသ္မိံ၊
မာနသံ ဘာဝယေ အပရိမာဏံ။
ဥဒ္ဓံ အဓော စ တိရိယဉ္စ၊
အသမ္ဗာဓံ အဝေရ မသပတ္တံ။
အထက်ဘ၀ဂ် အရူပဗြဟ္မာ့ဘုံတိုင်အောင်၊ အောက်အ၀ီစိအပါယ်ဘုံတိုင်အောင်၊ အလယ်အလတ် လူ့ဘုံ၊ နတ်ပြည်ခြောက်ထပ်၊ ရူပဗြဟ္မာ့ဘုံ အပါအ၀င် နေရာမလပ် အကျိုးအနန္တများပြားလှသော၊ အတိုင်းအဆပမာဏ မရေတွက်နိုင်သော မေတ္တာစိတ်ကို ပွားများနိုင်ကြပါစေ၊ အပိုင်းအခြားလွတ်ကင်း ကျဉ်းမြောင်းခြင်းမရှိ၊ ကိုယ်တွင်းဘေးရန်လဲ မရှိ၊ ပြင်ပရန်သူလဲ မရှိပဲ အေးချမ်းစွာ နေနိုင်ကြပါစေသတည်း.. ဟု အကန့် သန့်မရှိ ပို့သနိုင်၏။
ထိုင်လျက်သာ မေတ္တာပို့ရမှာလား၊ မဟုတ်ပါ။
တိဋ္ဌံ စရံ နိသိန္နော ဝ၊
သယာနော ယာဝတာဿ ဝိတမိဒ္ဓေါ။
ဧတံ သတိံ အဓိဋ္ဌေယျ၊
ဗြဟ္မမေတံ ဝိဟာရ မိဓ မာဟု။
ငိုက်မျဉ်းခြင်းကင်း၍ ရပ်နေသမျှ သွားနေသမျှ ထိုင်သမျှ လျောင်းနေသမျှ ကာလပတ်လုံး ဤ (မေတ္တာနှင့် ယှဉ်သော) သတိကိုပွားများအံ့ဟု ဆောက်တည်နိုင်၏၊ ဒီလိုမေတ္တာနှင့်နေသောသူကို ဤသာသနာတော်၌ မြတ်သောနေခြင်း (ဗြဟ္မဝိဟာရ)ဟူ၍ မြတ်စွာ ဘုရားတို့ ဟောတော်မူခဲ့ကြကုန်၏။
ထိုသို့မေတ္တာဘာဝနာစီးဖြန်းရာမှ ဝိပဿနာဘာဝနာသို့လည်း ကူးပြောင်းနိုင်၏။
ဒိဋ္ဌိဉ္စ အနုပဂ္ဂမ္မ
သီလဝါ ဒဿနေန သမ္ပန္နော၊
ကာမေသု ဝိနေယျ ဂေဓံ၊
န ဟိ ဇာတုဂ္ဂဗ္ဘသေယျ ပုန ရေတိ။
ထိုမေတ္တာကမ္မဋ္ဌာန်း စီးဖြန်းသောသူသည် သက္ကာယဒိဋ္ဌိသို့လည်း မကပ်ရောက်မူ၍ လောကုတ္တရာသီလရှိသည်ဖြစ်လျက် သောတာပတ္တိမဂ်ဥာဏ်အမြင်နှင့် ပြည့်စုံသည်ဖြစ်၍ ဝတ္ထုကာမတို့၌ တပ်မက်တွယ်တာမှုကို ပယ်ဖျောက်သည်ရှိသော် အမိဝမ်း၌ တဖန်ပဋိသန္ဓေနေ ခြင်းသို့ မရောက်တော့ပေ (ရဟန္တာဖြစ်သွား၏ )ဟု ဟောကြားတော်မူခဲ့၏။
ခုလိုမေတ္တာပွားခြင်းဖြင့်ရရှိနိုင်တဲ့အကျိုးတွေက(၁၁) မျိုးရှိ၏။
ယဿာနုဘာဝတော ယက္ခာ၊
နေ၀ ဒေဿန္တိ ဘီသနံ၊
ယဥှိ စေ၀ါနုယုဉ္ဇန္တော၊
ရတ္တိန္ဒိဝ မတန္ဒိတော။
၁။ ချမ်းချမ်းသာသာ အိပ်ပျော်ခြင်း၊
၂။ ရွှင်ရွှင်ပြပြ အိပ်ရာနိုးခြင်း၊
၃။ မကောင်းသော အိပ်မက်ဆိုးများ မမက်ခြင်း၊
၎။ ပတ်ဝန်းကျင်မှ လူများ၏ချစ်ခင်မှု ရရှိခြင်း၊
၅။ လူမှတပါး အခြားသော ပရလောကမှပုဂ္ဂိုလ်များ ချစ်ခင်ခြင်း၊
၆။ ဘုန်းတန်ခိုးကြီးမားသော နတ်ဗြဟ္မာများ စောင့်ရှောက်မှု ခံရခြင်း၊
၇။ မီးဘေး၊ အဆိပ်ဘေး၊ ဒုတ် ၊ ဓားလက်နက် မှန်သမျှ မထိရောက်နိုင်၊
၈။ ကမ္မဋ္ဌာန်းတခုခုကို အာရုံပြုလျင် စိတ်တည်ကြည် သမာဓိရလွယ်ခြင်း၊
၉။ မေတ္တာစိတ်ကြောင့် အမြဲတမ်း မျက်နှာကြည်လင်နေခြင်း၊
၁၀။ သေခါနီးဝယ် ကြည်ကြည်လင်လင် ရွှင်ရွှင်ပြပြ သေနိုင်ခြင်း၊
၁၁။ ယခုဘ၀တွင် မဂ်ဖိုလ်မရလျင်တောင် မေတ္တာဈာန်ဖြင့် ဗြဟ္မာ့ပြည်ရောက်ရှိနိုင်ခြင်း တို့ဖြစ်၏။
တရားချစ်ခင်သူတော်စင်တို့တွေလဲ ခုလို မေတ္တာအခါတော်နေ့မှာ မေတ္တာသုတ်လာ မေတ္တာဖြင့် ကျင့်သုံး နေထိုင်နည်းတွေကိုကျင့်သုံခြင်း၊ ရွတ်ဖတ်ခြင်း၊ ကျင်ကြံကြိုးကုတ်အားထုတ်ခြင်းဖြင့် မေတ္တာဓာတ်တွေဖြန့်ဝေနိုင်ကြပါစေ။
မဇ္ဈိမ စာသင်သား
17.08.2016.
Copy...
No comments:
Post a Comment