- အကျိုးရှိတဲ့ အလုပ်
🍀🌻🍀🌻🍀🌻🍀🌻
မှန်မှန် တရားထိုင်ပါက
ဓမ္မလမ်းစဉ်တစ်လျှောက်
ထိုက်သင့်သော တိုးတက် ပွင့်လင်းမှုကို
ရရှိကြလိမ့်မည်ဖြစ်၏။
အိမ်ထောင် ရှင်တို့မှာ
ပလိဗောဓတွေ များခြင်းကြောင့်
ကမ္မဋ္ဌာန်းအလုပ် လုပ်ရန် အခက်
အခဲတွေ ရှိသည်မှန်ပါ၏။ လူ့ဘောင်ကို
စွန့်ခွာခဲ့ပြီးသော ရဟန်းတော်
များမှာပင် ဤ အလုပ်ကို
မှန်မှန်လုပ်ဆောင်ရန်
မတတ်နိူင်ကြကြောင်း
ပြောပြကြပါသည်။
မည်သို့ပင်ဖြစ်စေ အခက်အခဲ
အမျိုးမျိုးကြားမှပင်
ကမ္မဋ္ဌာန်းအလုပ်ကို လက်မလျှော့ဘဲ
နံနက် ညဥ့် မှန်မှန်
အားထုတ်သင့်ကြပါသည်။
ကျွန်ုပ်တို့သည် ကိုယ်လက်ကျန်းမာ
ကြံ့ခိုင်ရေးအတွက် ယောဂနည်းဖြင့်
လည်းကောင်း၊ အနှေးပြေးခြင်း၊
လမ်းလျှောက်ခြင်းဖြင့်လည်းကောင်း
လုံးပန်းကြ၏။ လေ့ကျင့်ခန်း ပုံမှန်
မလုပ်ပါက ခန္ဓာကိုယ်သည်
ပျော့ညံ့ကာ ရောဂါများကို
ဖိတ်ခေါ်ဘိသကဲ့သို့ ရှိတတ်ပေသည်။
ကိုယ်လက် လှုပ်ရှားမှု ပုံမှန်လုပ်ဖို့
လိုအပ်သည်ထက် ပိုမို၍
စိတ်လေ့ကျင့်ခန်းများ ပုံမှန်လုပ်ဖို့
လိုအပ်ပါ၏။
စိတ်ကို အလုပ်မပေးခဲ့လျှင်
ပျော့ညံ့ကာ ကိလေသာတို့ကို
လမ်းဖွင့်ပေးသကဲ့သို့ ရှိတတ်ပါသည်။
ဝိပဿနာသည် စိတ်လေ့ကျင့်ခန်းပင်
ဖြစ်ပါ၏။ နံနက်၊ ညဥ့်
ကမ္မဋ္ဌာန်းထိုင်ခြင်းဖြင့် စိတ်၏
ကျန်းမာ ကြံ့ခိုင်မှုကို ရသဖြင့်
ကမ္မဋ္ဌာန်းထိုင်ချိန်သည် အချိန်ကို
အလဟဿ ကုန်ရခြင်း
မဟုတ်ချေ။
ကျွန်ုပ်တို့ ကျင်လည်နေကြရသော
ဘဝသည် ရှုပ်ပွေ ထွေပြား၍
သောကပွားစရာ အတိ ရှိနေပါ၏။
စိတ်တည်ငြိမ် အေးဆေးမှု ရရှိရန်
မလွယ်ခြင်းကြောင့်
“လူတစ်စု ပူမှုက ဆယ်ကုဋေ"
ဆိုသလို ရှိတတ်ကြပါ၏။
သန့်စင်သော ဓမ္မကို မတွေ့ရ
သူတို့သည် ကမ္မဋ္ဌာန်း
အလုပ်၏ တန်ဖိုးကို
မသိတတ်ကြသူများဖြစ်ရာ
ကံမကောင်း
အကြောင်းမလှသူများ ဖြစ်ကြ၏။
တရားဓမ္မ နာကြားဖူးပါလျက်
တရားနှင့်အညီ ကျင့်ကြံ နေထိုင်ခြင်း
မပြုသူတို့မှာ ပိုမို၍ပင်
ကံဆိုးသူများ ဖြစ်ကြ၏။
ပတ္တမြားကို လက်ဝယ် ရရှိထားပါလျက်
ကျောက်စရစ်ခဲ ကဲ့သို့
အသုံးဝင်ပုံ မသိတတ်သဖြင့်
ပစ်ပယ် ထားကြခြင်းဖြစ်ပေရာ
၎င်းတို့လောက် ဆုံးရှုံးခြင်းမျိုး
အဘယ်မှာရှိတော့ အံ့နည်း။
လူ့ဘဝကို ရရှိခြင်းသည်
အလွန်အရတော်သော ရခြင်းကြီး
ဖြစ်ပါသည်။ လူသားသာလျှင်
ကိုယ့်ကိုယ်ကို စိစစ် ဝေဖန်နိူင်၍
စိတ်၏ နက်ရှိုင်းရာ အရပ်ရှိ
ကိလေသာတို့ကို အမြစ်ပြတ်
သုတ်သင် နိူင်စွမ်းရှိ၏။
တိရစ္ဆာန်တို့ကား ဤသို့
ပြုလုပ်နိုင်ခြင်း မရှိကြပါ။ လူသား
ဖြစ်စေဦး ဝိပဿနာနည်းကို
မသိကြလျှင် စွမ်းဆောင်နိူင်မည်
မဟုတ်ချေ။
လူ့ဘဝလည်း ရရှိထား၍၊ ဝိပဿနာ
အကျင့်ကိုလည်း ရရှိထား၍
ကျင့်ကြံ အားထုတ်နည်းကိုလည်း
သိထား ပြီးလျှင် အကျိုးကျေးဇူးသည်
ရတန်သလောက် ရရှိခဲ့ပြီးဖြစ်၏။
သို့ပါလျက် ဤအကျင့်ကို
ဆက်လက် အားထုတ်ခြင်း မပြုဘဲ
လမ်းခုလတ်မှာ ရပ်တန့်၍
နေခဲ့ငြားအံ့။ ထိုသူကား အရှုံးကြီး
ရှုံးခဲ့လေပြီ။ မွဲတေနေသူသည်
ရွှေအိုးကို ရပါလျက်
တန်ဖိုး မသိယောင်ဖြင့်
ပစ်ပယ်ထားမည် ဆိုလျှင်
ထိုသူသည် ငမွဲဘဝသို့ ပြန်၍
ရောက်ရသကဲ့သို့ပင်တည်း။
ငတ်မွတ်သူသည်
စားကောင်း သောက်ဖွယ်ကို
ရရှိပါလျက် သုံးဆောင် ခံစားခြင်း
မပြုခဲ့သော် ငတ်မြဲ
ငတ်နေသကဲ့သို့ပင်တည်း။
ရောဂါရသူသည် ရောဂါပျောက်ဆေး
တွေ့ပါလျက် ဆေးကိုပစ်ပယ်ကာ
ရောဂါ မပျောက်နိူင်သကဲ့သို့ပင်တည်း။ဧရာမ ဆုံးရှုံးမှုကြီး
ဖြစ်ပါသည်။ ဤအမှားမျိုးကို
ရှောင်သင့်ကြပါ၏။
ကျွန်ုပ်ထံသို့ ယောဂီဟောင်းအချို့
ရောက်ရှိကြပြီးလျှင်"ကျွန်တော်တော့
တရားထိုင်တာ ရပ်ထားလိုက်ရပြီ။
မတတ်နိူင်ဘူးလေ။
အလုပ်တွေက ပိနေတာကိုး"ဟု
ပြောပြတတ်ကြပါသည်။
အလုပ်များခြင်းသည်
လုံလောက်သော
ဆင်ခြေဟု မယူဆပါ။
ကျွန်ုပ်တို့သည် အစားအစာကို
နေ့စဉ် နှစ်ကြိမ် သုံးကြိမ်
စားသောက်ကြသည် မဟုတ်လော။
အလုပ်များလွန်း၍ အစားအသောက်
အတွက် အချိန် မရနိူင်သော
နေ့များရှိပါသလား။
ဤကမ္မဋ္ဌာန်းအလုပ်သည် စိတ်ကို
ကြံ့ခိုင် သန်စွမ်းစေပါသည်။
ကြံ့ခိုင် သန်စွမ်းသော စိတ်သည်
ကိုယ်လက် ကြံ့ခိုင် သန်စွမ်းမှုထက်
ပို၍ အရေးကြီးပါသည်။
ဤအချက်ကို အမှတ်မထားလျှင်
မိမိအတွက် အန္တရာယ်ရှိပါသည်။
ဤသို့ လျစ်လျူ ပြုမထားသင့်ပါ။
အလုပ်မည်မျှပင် များစေကာမူ
ဝိပဿနာ အလုပ်ကို အပြတ်မခံ
သင့်ပါ။ တစ်နေရာတည်းမှာ
သတ်မှတ်ထားသည့် အချိန်အတိုင်း
အားထုတ်ရန် အကြောင်း
မညီညွတ်ခဲ့ပါလျှင် ရှိပါစေတော့။
နှစ်ဆယ့်လေးနာရီ ကာလအတွင်း
နှစ်ကြိမ်တော့ မပြတ်တမ်း
တရား ထိုင်သင့်ပါသည်။
အလွန့်အလွန် မအားလပ်သော
အခြေအနေ မျိုးတွင်ပင်လျှင်
တရားရှုမှတ်ခြင်းကို လုပ်နိူင်ပါသည်။
ထိုအခါမျိုးတွင် မျက်စိ ပိတ်ထား၍
ရှုမှတ်ရန် အခွင့်မသာလျှင်
ဖွင့်ထားသော မျက်စိများဖြင့်ပင်
စိတ်ကို ကိုယ်တွင်းမှာ ထား၍
ရှုမှတ်နိူင်ပါသည်။ သူများ
အထင်ကြီးအောင် လူကြားထဲမှာ
လာပြီး တရားမှတ်နေသည်ဟု
ဘေးလူအထင် မလွဲစေရန်လည်း
ဆင်ခြင်၍ လုပ်သင့်ပါသည်။
တစ်ယောက်တည်း မျက်စိမှိတ်၍
တရားရှုမှတ် ရခြင်းလောက်တော့
ကျေနပ်ဖွယ် မကောင်းစေကာမူ
စိတ်ကို လွတ်ထားသည်နှင့် စာလျှင်
ဤနည်းသည် တော်ပါသေးသည်။
အဘယ့်ကြောင့် ဆိုသော်
စိတ်အေးချမ်းမှု ရနိူင်၍
စိတ်လေ့ကျင့်မှုဖြင့်
တည်ငြိမ်မှု အထိုက်အလျောက်
ဖြစ်စေသောကြောင့် ဖြစ်ပါသည်။
စိတ်သည် ဝိပဿနာနှင့် ကင်းဝေးလျှင်
ပျော့ညံ့သွားပါသည်။
ပျော့ညံ့သော စိတ်သည် ဒုက္ခကို
ဖြစ်စေပါ၏ ။ ဘာကြောင့်
ဖြစ်စေသနည်း ဆိုလျှင်
ထိန်းမထားသော စိတ်သည်
သူ့ပကတိ သဘောအရ
လောဘ၊ ဒေါသတို့ကို
ဖြစ်စေခြင်းကြောင့်ပင် ဖြစ်ပါသည်။
ကျွန်ုပ်တို့မှာ ရတောင့် ရခဲလှစွာသော
လူ့ဘဝကိုလည်း ရကြပြီ။
အံ့ဖွယ်ကောင်းစွာသော ဓမ္မနှင့်လည်း
တွေ့ဆုံကြရပြီ။
ဝိပဿနာ၏ အကျိုးကျေးဇူးကို
ခံစား ရသဖြင့် ဝိပဿနာတရား
ကိုလည်း ယုံကြည်ကြပြီ။
သို့ပါလျက်နှင့်ပင် ကမ္မဋ္ဌာန်း
အလုပ်ကို ဆက်လက် မလုပ်ဘဲ
နေကြကုန်၏။
ဤသို့ မေ့လျော့စွာ နေခြင်းကို
မပြုသင့်ပါ။
နေ့စဉ် နှစ်ကြိမ် တရားရှုမှတ်ခြင်းသည်
မိမိအကျိုးကို နားလည်ပြီး
လုပ်ခြင်းသာဖြစ်ပါ၏။
ဤကမ္မဋ္ဌာန်းသည်
အလွန် အကျိုးကြီးပါသည်။
ကမ္မဋ္ဌာန်း တရားနှင့် ပြည့်စုံသူသည်
နေ့စဉ် နေထိုင်မှု ဘဝ၍ ကမ္မဋ္ဌာန်း တရားက ကျေးဇူးပြုပုံကို
လက်တွေ့ သိရှိ ထားပေသည်။
တရားလမ်းစဉ်အတိုင်း
လျှောက်လှမ်းရာ၌ လှမ်းတိုင်း
လှမ်းတိုင်းသော
ခြေလှမ်းတို့သည် ပန်းတိုင်ဆီသို့
တစ်စထက် တစ်စ နီးကပ်၍
လာနေပေသည်။
တရား အားထုတ်ခြင်းကား
အားထုတ်နိူင်သမျှ
အကျိုး ရှိသည် သာတည်း။
အကျိုးမဲ့ဟူ၍ လုံးဝ မရှိချေ။
ဆရာကြီး ဦးဂိုအင်ကာ
No comments:
Post a Comment