ကုသိုလ်ပြုတိုင်း
************
နတ်တွေကို အမျှပေးဝေပါ
*******************
ကုသိုလ်ကောင်းမှုတွေပြုပြီး နတ်တွေကို
အမျှပေးဝေရင် နတ်တွေက လူတွေကို
ပြန်စောင့်ရှောက်တယ်ဆိုတာ
`မဟာပရိနိဗ္ဗာနသုတ်´ မှာလည်း မြတ်စွာဘုရားက
ဂါထာလေးတွေနဲ့ သေချာဟောပြထားတာပါ။
နတ်တွေကို အမျှဝေရင် ကိုယ့်အတွက်
ကောင်းကျိုးဖြစ်စေတာတော့ အမှန်ပါပဲ။
ကိုယ်က သူတို့ကို မမြင်ရ မကြားရပေမယ့်
နတ်တွေကတော့ ကိုယ်ပြုနေတာတွေ
ကိုယ်ပြောနေတာတွေကို မြင်နေ ကြားနေတာပါ။
သေးသေးဖွဲဖွဲ ကုသိုလ်လေးတွေကအစ
နတ်တွေကို အမျှပေးဝေရမှာပါပဲ။
သေးပေမယ့် သာဓုခေါ်ရတဲ့နတ်မှာတော့
ကောင်းကျိုးကြီးကြီး ရသွားတော့တာပါ။
ကိုယ်အမျှပေးဝေလို့ စည်းစိမ်တိုးသွားတဲ့နတ်တွေက
ကိုယ့်ကို ပစ်မထားပါဘူး။ အခွင့်သင့်တဲ့တစ်နေ့မှာ
ပြန်ကူညီမှာပါ။
ဒီတော့ ဘယ်ကုသိုလ်ပြုပြု နတ်တွေကို
အမျှပေးဝေတာတော့ အကောင်းဆုံးပါပဲ။
ဘုရားပန်းကပ်တာဖြစ်ဖြစ်၊ ဆီးမီးပူဇော်တာပဲဖြစ်ဖြစ်
အမျှဝေလို့ရပါတယ်။ နောက်ဆုံး ကိုယ့်မိတ်ဆွေကို
ကော်ဖီတိုက်တာလေးကိုလည်း အမျှဝေလို့ရတာပါပဲ။
ကုသိုလ်ပြုလို့လည်း ကောင်းကျိုးတွေဖြစ်၊
နတ်တွေကို အမျှဝေလို့လည်း ကောင်းကျိုးတွေဖြစ်နဲ့
ကောင်းကျိုးတွေ ဆင့်နေတော့တာပါ။
`ကုသိုလ်မပြတ် ဖြစ်ပါစေ´ ဆိုတဲ့
မဟာစည်ဆရာတော်ဘုရားကြီးရဲ့ သြဝါဒအတိုင်း
ကုသိုလ်တွေ မပြတ်ဖြစ်နေရင် အကုသိုလ်ဖြစ်ခွင့်လည်း
နည်းနေတော့တာပါ။ ကုသိုလ်ပြတ်ချိန်ကို
အကုသိုလ်က ချောင်ထဲက ချောင်းနေတာပါ။
ကုသိုလ်ပြတ်မှ သူကဝင်လို့ရမှာပါ။
ဒါကြောင့် ကုသိုလ်မပြတ်ဖြစ်နေရင် အကုသိုလ်ကို
တားထားရာလည်း ရောက်ပါတယ်။
ဘာပဲပြောပြော ကုသိုလ်တွေ မပြတ်စေဘဲ
ပြုတဲ့ကုသိုလ်တိုင်းကို နတ်တွေကို
အမျှပေးဝေ လိုက်ဖို့ပါပဲလေ။
ဆရာတော် အရှင်ရာဇိန္ဒ
(ရဝေနွယ် -အင်းမ)
Phyo thu
Credit. To. ရွတ်ဆိုပွားများ ဂါထာတော်များ
No comments:
Post a Comment