"ကံကုသိုလ်" နှင့် "ဥာဏ်ကုသိုလ်"
========***=======
ခြေတစ်လှမ်း ကုဋေတစ်သန်း
တန်တယ်ဆိုတာ ဘယ်ကမလဲ။
နေ့တိုင်း လျှောက်နေကြတာ..
ကုဋေသန်းပေါင်းတွေ မနည်းတော့ဘူး။
တရားနှလုံးမသွင်း သတိလက်လွတ်ဖြစ်တိုင်း
ကုဋေတစ်သန်းမကတန်တဲ့ ဉာဏ်ကုသိုလ်တွေ
ဆုံးရှုံးသွားပြီ။
ငွေလေး တစ်ထောင် တစ်သောင်းပါတဲ့
ပိုက်ဆံအိတ်ကျပျောက်တော့ ငိုလိုက်ကြတာ၊
နှမြောလိုက်ကြတာ၊ ရှာလိုက်ရတာအမော။
ကုဋေသိန်းပေါင်းများစွာ တန်တဲ့
ကုသိုလ်ပျောက်ဆုံးကုန်တာတော့...
ငိုရမှန်း နှမြောရမှန်း မသိကြပါလား။
သတိပဋ္ဌာန်တရား အားထုတ်တာဟာ
"ဉာဏ်ကုသိုလ်"အလုပ် လုပ်တာပဲ။
"ကံကုသိုလ်"က သုံးဆယ့်တစ်ဘုံ
ချမ်းသာပဲ ပေးနိုင်တယ်။
"ဉာဏ်ကုသိုလ်"ကြီးကတော့
မနှိုင်းဆနိုင်တဲ့....
အကျိုးထူး နိဗ္ဗာန်ချမ်းသာကြီး ရစေတယ်။
(ရွှေဥမင် ဆရာတော်ဘုကြီး၏ ဆုံးမဩဝါဒ)
No comments:
Post a Comment