"ကောင်းရာကိုရောက် သေချာပေါက်"
~~~~~~~~~~~~~~~~~~
သဒ္ဓါတရားဟာ သံသရာခရီးသွားတွေရဲ့
မိတ်ဆွေကောင်းဖြစ်လို့
လက်မလွတ်တမ်းဆုပ်ကိုင်ထားရမယ့်
တရားဗျ...။
သဒ္ဓါတရားလက်လွန်သွားရင်
လူ့သန္တာန်မှာ
ကုသိုလ်ဝင်ပေါက်ပိတ်သွားတတ်တယ်...။
သံသရာခရီးသည်တွေဖြစ်ကြတဲ့
မိမိတို့ဟာ သံသရာခရီးကို
လျှောက်လှမ်းကြည့်တဲ့အခါ
လိုရာခရီးကိုလွယ်လွယ်ကူကူ
ချောချောမွေ့မွေ့နဲ့ရောက်ချင်တယ်ဆိုရင် -
(၁)သဒ္ဓါတရားဆိုတဲ့
မိတ်ဆွေကောင်းနဲ့ပေါင်း
(၂)ဒါနရိက်ခာထုပျကို
လုံလောက်အောင်ယူ
(၃)သီလလမ်းကြောင်းအတိုင်း
ဖြောင့်ဖြောင့်တန်းတန်းသွား
(၄)သမာဓိအဖော်ကိုခေါ်
(၅)သတိနဲ့စူးစိုက်
(၆)ပညာနဲ့ အကောင်းအဆိုး
အကြောင်းအကျိုးကိုမြင်အောင်ကြည့်
ဒါဆိုရင် မိမိတို့လိုရာခရီးကို
သေချာပေါက်ရောက်ပြီ...။
🌷တိပိဋကယောဆရာတော်ဘုရားကြီး🌷
credit...
No comments:
Post a Comment