"သုံးဆယ့်ရှစ်ဖြာမင်္ဂလာ"
၁။လူမိုက်ဆိုလျှင် ရှောင်သွေလွဲလို့၊မမှီဝဲနဲ့
ကင်းအောင်နေ။
ပညာရှိကိုအရှည်တွဲလို့ မှီဝဲဆည်းကပ်
နည်းယူစေ။
သုံးပါးရတနာမိဘများနှင့်ဆရာသမားကို
ပူဇော်လေ။
ချမ်းသာကိုပေး ဆက်ဆံရေး
မြော်တွေးသုံးချက်ပေ။
အဲဒါမှ....ဗုဒ္ဓဝါဒ... ကမ္ဘာ့မင်္ဂလာတွေ။
၂။ကုသိုလ်၊ပညာ၊ဥစ္စာရဖို့ သင့်ရာဒေသ
အမြဲနေ။
ရှေးကတင်ကြိုပြုခဲ့ဖူးသည့် ကောင်းမှူ အထူး
ရှိပါစေ။
မိမိကိုယ်ကိုကောင်းအောင်ထိန်းလို့မတိမ်းစေနဲ့
ဆောက်တည်လေ။
ဥစ္စာကိုပေး နေထိုင်ရေး မြော်တွေးသုံးချက်ပေ။
အဲဒါမှ...ဗုဒ္ဓဝါဒ...ကမ္ဘာ့မင်္ဂလာတွေ။
၃။တတ်ကောင်းတတ်ရာဟူသမျှကို
ကြားမြင်သုတရှိပါစေ။
အိုးအိမ်ထူထောင် ဝမ်းစာရေးနဲ့၊
အသက်မွေးဖို့ အတတ်သင်လေ။
လူနှင့်ဆိုင်ရာကျင့်ဝတ်များကို ၊
ကောင်းစွာသင်ကြားနားလည်စေ။
မှန်ကန်ယဉ်ကျေးချို သာအေး
ဆိုရေးတတ်ပါစေ။
အဲဒါမှ....ဗုဒ္ဓဝါဒ...ကမ္ဘာ့မင်္ဂလာတွေ။
၎။မြင်းမိုရ်ရွှေတောင် မိဘကြွေးကို ၊
ကောင်းစွာဆပ်ပေး ဝတ်ကျေကျေ ။
ကြွေးသစ်ချကာ သားနှင့်မယား ၊
မြှောက်စားချီးမြင့် ဝတ်ကုန်စေ။
အလုပ်တာဝန် မလစ်ဟင်းနဲ့
အပြစ်ကင်းကောင်လုပ်ပါလေ။
စည်းစိမ်ကိုပေး ပြုစုရေး၊
မြော်တွေးသုံးချက်ပေ။
အဲဒါမှ....ဗုဒ္ဓဝါဒ...ကမ္ဘာ့မင်္ဂလာတွေ။
၅။သုံးတန်စေတနာ ဖြူ စင်လန်းလို့ ၊
ပေးကမ်းဝေမျှ လှူ နိုင်စေ။
ကိုယ်နှုတ်စိတ်ကြံမပြစ်မှားနဲ့၊
သုစရိုက်တရားကိုကျင့်ပါလေ။
ဆွေမျိုးတွေကို ပစ်မထားနဲ့ ၊
သင်္ဂဟတရားနှင့်ချီးမြှောက်လေ။
သန့်စင်ပြစ်မျိုး လူထုကျိုး၊
သယ်ပိုးဆောင်ရွက်စေ။
အဲဒါမှ....ဗုဒ္ဓဝါဒ...ကမ္ဘာ့မင်္ဂလာတွေ။
၆။မကောင်းမှူ တွေ ဟူသမျှကို ၊
မတွေ့ခင်က ရှောင်ကြဉ်လေ။
တွေ့ကြုံလာလျှင် မလွန်ကျူးနဲ့၊
အထူးသဖြင့်စောင့်စည်းနေ။
အရက်သေစာ မသောက်စားနဲ့ ၊
မှောက်မှားတတ်တဲ့အရာပေ။
လုပ်ကိုင်ပြောကြား သတိထား၊
တရားမမေ့စေ။
အဲဒါမှ...ဗုဒ္ဓဝါဒ...ကမ္ဘာ့မင်္ဂလာတွေ။
၇။အသက်ဂုဏ်ဝါ ကိုယ့်ထက်ကြီးက
ဆည်းကပ်ခစားရိုသေလေ။
မာနတံခွန် ဂုဏ်မကြွနဲ့ ၊ကိုယ့်ကိုနိမ်ချ
အမြဲနေ။
လောဘအပို လိုမလိုက်နဲ့
ကိုယ့်ထိုက်တာနဲ့ကျေနပ်လေ။
ကိုယ့်ပေါ်ပြုဖူး သူ့ကျေးဇူး ၊
အထူးသိတတ်စေ။
ကောင်းကျိုးဆင့်ပွား၊မြတ်တရား၊
နာကြားမပြတ်ပေ။
အဲဒါမှ....ဗုဒ္ဓဝါဒ...ကမ္ဘာ့မင်္ဂလာတွေ။
၈။ဝတ်စားနေထိုင် ရန်ခပ်သိမ်းကို၊
စိတ်ကိုချုပ်ထိန်း သည်းခံလေ။
ကျိုးကြောင်းပြညွှန်ဆုံးမစကား
ပြောကြားလာက နာလွယ်စေ။
သူမြတ်ပုဂ္ဂိုလ်ဟူသမျှ ၊မကြာခဏ
တွေ့ဆုံလေ။
သဘာဝတွေး မှန်ကန်ရေး၊
ဆွေးနွေးမပြတ်ပေ။
အဲဒါမှ...ဗုဒ္ဓဝါဒ...ကမ္ဘာ့မင်္ဂလာတွေ။
၉။လောကီအာရုံ ဇိမ်ယစ်မူးလို့၊
အပျော်မကြူးနဲ့ခြိုးခြံလေ။
မေတ္တာဗြဟ္မစိုရ် လက်ကိုင်သုံးလို့၊
သူမြတ်ကျင့်သုံး ယွင်းမသွေ။
လေးပါးသစ္စာ ဥာဏ်မြင်ကြည့်လို့၊
အမှန်သိအောင်ကြိုးစားလေ။
ဒုက္ခလွတ်ကင်း နိဗ္ဗာန်ချဉ်း၊
အလင်းပေါက်နိုင်စေ။
အဲဒါမှ....ဗုဒ္ဓဝါဒ...ကမ္ဘာ့မင်္ဂလာတွေ။
၁၀။ဆင်းရဲ ချမ်းသာ သဘာဝ၊
တွေ့ကြုံ နေကြလူတိုင်းပေ။
ကောင်းဆိုးနှစ်တန် အစုံတွဲလို့
တလှည့်စီလှည့်အမြဲနေ။
လောကဓံကြုံ မဖြုံ တမ်းပေါ့ ၊
မတုန်စမ်းနဲ့စိတ်ခိုင်စေ။
သောကကိုထိန်း ရမ္မက်သိမ်း၊
အေးငြိမ်းချမ်းသာနေ။
အဲဒါမှ....ဗုဒ္ဓဝါဒ...ကမ္ဘာ့မင်္ဂလာတွေ။
🌷သုံးဆယ့်ရှစ်ဖြာမင်္ဂလာကုံးကို၊
လိုက်နာကျင့်သုံးပန်သူတွေ။🌷
🌷စီးပွားချမ်းသာ ကျက်သရေတိုးလို့
ကောင်းကျိုးစည်ပွင့်တဝေဝေ။🌷
🌷ဘေးကင်းရန်ကွာ ချစ်သူပေါလို့
စိတ်ရောကိုယ်ရောချမ်းသာမလေ။🌷
🌷ပြောဆိုကြံဆ ဆောင်သမျှ
အောင်ရမည်ကြိမ်းသေ။🌷
🌷အဲဒါကြောင့် ပန်ကြဆင်ကြ
မင်္ဂလပန်းခိုင်တွေ။🌷
"သုံးဆယ့်ရှစ်ဖြာမင်္ဂလာတရားတော်နှင့်အညီ
ကျင့်ကြံနေထိုင်နိုင်ကြသောပုဂ္ဂိုလ်ထူး၊ပုဂ္ဂိုလ်မြတ်
များဖြစ်ကြပါစေ။...."
🌷ပို့သမေတ္တာရပါစေ🌷
No comments:
Post a Comment