လောကဝိဒူဂုဏ်တော်

.     လောကဝိဒူဂုဏ်တော်

    🌺🌺🌺🌿🌿🌿🌺🌺🌺

.  လောကသုံးပါး

သတ္တလောက= သက်ရှိသတ္တဝါအပေါင်း။

သြကာသလောက = သတ္တဝါတို့ တည်နေရာဘုံဌာန။

သင်္ခါရလောက = ရုပ်၊နာမ်တရားအားလုံး။

သတ္တလောကကို သိတော်မူပုံ

***********🙏🙏🙏***********

ယနေခေတ်မှီဖွင့်ဖြိုးတိုးတက်သောခေတ်ကြီး၌ သိပ္ပံပညာရှင်များ နေအကြောင်း၊လကြောင်း ၊ စကြာဝဠာကမ္ဘာကြီးအကြောင်းကို ခေတ်မှိနည်းပညာအထောက်အကူဖြင့် တော်တော်များများ သိမြင်နေကြပါပြီ။ လူ၊သတ္တဝါတို့၏ မျိုးရိုးဗီဇ၊ မျိုးပြန့်ပွားမှု၊စသော သတ္တဝါတို့၏ ဖြစ်တည်မှုကိုလည်း သပ္ပံပညာအထောက်အကူဖြင့်သိကြပါပြီ။ သို့သော် တိတိကျကျတော့မဟုတ် အချိန်အခါအားလျှော်စွာ ပြောင်းလဲမှုမျိုးကား၊ ကွဲပြားခြားနာမှုမျိုးကား ရှိနေသေးပြန်ပါတယ်။

ဘုရားရှင်တို့ကား ထိုသိမှုမျိုးထက်သာလွန်၍ “ ဤသူသည် စရိုက်အမျိုးမျိုးတွင် မည်သည့် စရိုက် လွန်ကဲနေတယ်” ဟု လူပုဂ္ဂိုလ်တို့၏ အတွင်းစရိုက်အထိ သိပါတယ်၊ သဒ္ဓါစသော ဣနေန္ဒြငါးမျိုးတွင် မည်သည့် ဣနြေ္ဒက ထက်သန်နေသည်ကို လည်းကောင်း သိတော်မူပါတယ်။

လူပုဂ္ဂိုလ်တို့၏ အတွင်းဓာတ်ခံ စရိုက်ကို သိရေးမှာ ဘုရားရှင်များအရာသာဖြစ်ပါတယ်။ တစ်ခါက ပညာအရာ ထူးချွန်သော အရှင်သာရိပုတ္တရာမထေရ်သည်ပင် စရိုက်နှင့်ပတ်သတ်၍ တရားပေးလွဲဖူးပါတယ်။

မထေရ်မြတ်ကား တပည့် ရဟန်းငယ်တစ်ပါးကို “ ငယ်ရွယ်သူတို့မှာ ရာဂအဖြစ်များတတ်၏ ဟု တွေးကာ အသုဘကမ္မဋ္ဌာန်း ပေးခဲ့ရာ တပည့်ရဟန်းမှာ နိမိတ်မျှပင်မထင် ခရီးမရောက်ဖြစ်ဖူးပါတယ်။ ထိုရဟန်းငယ်ကို ဘုရားရှင်ထံခေါ်သွားပြီး အကြောင်းစုံကို လျှောက်ထားရာ ထိုရဟန်း၏ ဓာတ်ခံကို ဘုရားရှင် ဆင်ခြင်တော်မူသောအခါ အလှအပ ကြိုက် တတ်သော သဘောကို တွေ့ရ၍ အသုဘနှင် မလျှော်သည်ကိုတွေ့ရပါတယ်။

ဘုရားရှင်က ဆက်လက်ဆင်ခြင် လိုက်သောအခါ ဘဝ ငါးရာတိုင်တိုင်ရွှေပန်းတိမ်သည် ဖြစ်ခဲ့သည်ကို မြင်ရပြန်ပါတယ်။ ထိုရဟန်းလေးဓာတ်ခံနှင့်ကိုက်ညီမယ့် ရွှေပဒုမ္မာကြာပန်းကြီး ဖန်ဆင်းပေပြီး လောဟိတကမ္မဋ္ဌာန်း စိးဖြန်းစေသောအခါ မကြာမီမှာပဲ စတုတ္ထဈာန်ကို ရခဲ့ပါတယ်။ ထို့နောက်ပဒုမ္မာကြာပန်း ညှိုးနွမ်း ရိယော်ပုံကို ဖန်းဆင်းပြသောအခါ အနိစ္စစသော သဘောပေါက်ကာ ရဟန္တာဖြစ်သွားခဲ့ပါတယ်။

ဘုရားရှင်၏ သတ္တဝါတို့ရဲ့ ဝါသနာစရိုက်ကို အခြေခံကျကျသိတော်မူခြင်းဟာ မြတ်စွားဘုရားရဲ့ ကြည်ညိုဖွယ်ရာ လောကဝိဒူဂုဏ်တော်ပင်ဖြစ်ပါတယ်။

သြကာသလောကကို သိတော်မူပုံ

***************🙏🙏🙏*************

ခုခေတ်သိပ္ပံပညာရှင်များကား ကမ္ဘာမြေကြီးနှင့် အလားသဏ္ဍန်တူသော အင်္ဂါဂြိုဟ်စသော လူတို့နေနိုင်သော ဂြိုဟ်များကို ရှာဖွေတွေရှိပြီးဟုဆိုကြ၏။ တချို့လည်း ငွေကြေးအကုန်အကျခံကာ အာကာသစခန်းသို့ သွားရောက်လေ့လာသူများလည်း ရှိကြ၏။ သို့သော် ယနေ့သိပ္ပံရှင်များ သိသော အသိကား အကန့်အသတ်ရှိ၏ ။

ဘုရားရှင်တို့၏ သြကာသလောကကိုသိပုံကား သိပ္ပံပညာအထောက်အကူဖြင့် လိုက်ကြည့်နေစရာမလို ၊ တစ်ထိုင်းတည်းဖြင့် သြကာလောကတစ်ခုလုံးကို သိတော်မူ၏။

စာပေးကျမ်းဂန်အရ.. ယခု လူတို့နေထိုင်သော နေရာကား ၊ တောင်ကျွန်းဖြစ်၏။ လူများ မရောက်၊မမြင်နိုင်သော အနောက်ကျွန်း၊ အရှေ့ကျွန်း၊မြောက်ကျွန်းများလည်းရှိသေးပြန်ပါတယ်။

   ကျွန်းကြီးလေးကျွန်းအလယ်၌ မြင့်မိုရ်တောင်ကြီးနှင့် တောင်ရံခုနှစ်လုံးရှိပါတယ်။ မြင့်မိုရ်တောင်ကို ပတ်ဝိုင်းလျှက်သိဒါသမုဒ္ဒါရှိပြန်ပါတယ်။ ကျွန်းကြီးလေးကျွန်တည်ရာ ကမ္ဘာကိုပတ်လျှက် စကြာဝဠာတောင်းကြီးများလည်း ကားဆီးလျှက်ရှိပြန်ပါတယ်။ မြင့်မိုရ်တောင်ထိပ်၌ တာဝတိံသာနတ်ပြည်ရှိ၍ ၊ ယုဂန္ဓိုလ်တောင်ထိပ်မှာ စတုမဟာရာဇ်နတ်ဘုံ ရှိပြန်ပါတယ်။ တာဝတိံသာမှအထက်မှာ ယာမာစသော နတ်ပြည်လေးဘုံ အဆင့်ဆင်တည်ရှိပြီးဗြဟ္မာ့ဘုံ နှစ်ဆယ်လည်း တည်ရှိပါတယ်။

မြေအောက်၌ကား ငရဲရှစ်ထပ်၊ ပြိတ္တာ၊တိရစ္ဆာန် အသုရကာယ်တို့ကား ဘုံးသီးခြားမရှိကြ။ လူဘုံး၌သာနေကြရပါတယ်။ဤသုံးဆယ့်တစ်ပုံတည်ရာ ကမ္ဘာလောကကို စကြာဝဠာဟုခေါ်ပါတယ်။

ဤကမ္ဘာတွင်ကား ဆက်လျှက် စကြာဝဠာများက မရေတွက်နိုင်အောင် များပြလှပါတယ်။

သို့သော် ဘုရားရှင်တို့ကာ မရေတွက်နိုင်သော စကြာဝဠာကို သွားရောက်ကြည့်ရှုစရာမလိုပဲ ဉာဏ်တော်ဖြင့် သိမြင်တော်မူပါတယ်။

သင်္ခါရလောကကို သိတော်မူပုံ

************🙏🙏🙏************

သတ္တ၊ဩကာသ တို့ကာ အမည်ပညတ်မျှသာ ၊ တကယ်ထင်းခြားရှိသည်ကားမဟုတ် ၊ တကယ်ထင်ရှားရှိသော ပရမတ် ဓာတ်သားများအပေါ်ကို ခေါ်ဝေါ်သမုတ်

ထားခြင်းမျှသာဖြစ်ပါတယ်။ ရုပ်ကလာပ်၊နာမ်ကလာပ်အဖွဲ့ စည်းပေါင်း ကုဋေများစွာ ပေါင်းစပ်နေသောအရာကို ဩကာသလောက ( ဘုံ) ဟုခေါ်ဆိုခြင်းဖြစ်ပါတယ်။

သတ္တလောက၊ ဩကာသလောကိုသိသည်ဆိုသော တန်ခိုးကြီးပုဂ္ဂိုလ်များပင် သင်္ခါရလောကို သိရန်ကား မစွမ်းနိုင်ပါ။ သာသနာ၌တရားဘာဝနာပွားများသော ယောဂီများကာ ဝိပဿနာဉာဏ်ဖြင့် ရုပ်၊နာမ်တို့၏ အဖြစ်၊အပျက်ကိုကား မြင်နိုင်ပါတယ်။ သို့သော် မလွတ်းတမ်းတစ်ခုစီး မြင်ရခြင်းမဟုတ်၊ ထင်ရှားဖြစ်ပေါ်လာရာ ရုပ်၊နာမ်းများကိုသ ာ သိမြင်ခြင်းဖြစ်ပါတယ်။ ပစ္စေကဗုဒ္ဓါ ဘုရားရှင်များပင် ရုပ်နာမ်တို့၏ တစ်စိတ် တစ်ဒေသကို သိတော်မူပါတယ်။ ထိုအရှင်တို့ကား ကိုယ့်သန္တာန်ရှိ တရားစုကိုသာ သိတန်သလောက် သိကြ၍ သူတစ်ပါးသန္တာန်ရှိ ရုပ်နာမ်၊ပြင်ပ တော၊တောင်၊ရေ၊မြေ စသောရုပ်တို့ကိုကား မသိနိုင်ကြပါ။

ဘုရားရှင်ကား တခုစီ အလွန်လျင်မြန်စွာဖြစ်ပျက်နေသော ရုပ်၊နာမ်တရားတို့ကိုလည်း ခွဲခွဲခြားခြား သိမြင်ပါတယ်။ ကလာပ်စည်းတစ်ခုစီက ရုပ်များကိုလည်း ခွဲခြားသိနိုင်ပါတယ်။ အကြောင်းအမျိးမျိုး သတ္တိအဖုံဖုံကိုလည်း ခွဲခြားသိပါတယ်။ မိမိသူတပါး၊ အတွင်း၊အပြင်၊သက်ရှိ/သက်မဲ့မရွေး အားလုံးသော လောကဓာတ် အမျိုးမျိုးကို ခွဲခြားဝေဖန်ကာ သိတော်မူပါတယ်။

အဘိဓမ္မာဒေသနာတော်ကြီးကား မြတ်စွာဘုရား၏ အတုမရှိသော ဓာတုဗေဒဆရာမြတ်အဖြစ်ကို

ပြတော်မူပါတယ်။

ထို့ကြောင့်မြတ်စွာဘုရားအား လောကအားလုံးကိုသိတောမူသော “လောကဝိဒူ” ဂုဏ်တော်နှင့် အားရလေးစား စွား ကြည်ညိုပူဇော်ရမည်ဖြစ်ပါတယ်။

ကျမ်းညွှန်း

ဓမ်မပဒ၊ သုဝဏ်ဏကာရတ်ထရေဝတ်ထု 

Credit..