ကုသိုလ်​/ အကုသိုလ်​၏အကျိုး

ကုသိုလ် / အကုသိုလ်၏အကျိုး
•••••••••••••••••••••••
အာရုံ ၆ မျိုးကို ( ၁ ) အနိဋ္ဌာရုံ - မလိုလားမနှစ်သက်အပ်သောအာရုံ
( ၂ ) ဣဋ္ဌာရုံ - လိုလားနှစ်သက်အပ်သောအာရုံ ၊ ( ၃ ) ဣဋ္ဌမဇ္ဈတ္တာရုံ
( ၄ ) အတိဣဋ္ဌာရုံ - အလွန်လိုလားနှစ်သက်အပ်သောအာရုံအားဖြင့်
( ၄ ) မျိုးခွဲခြား မှတ်သားအပ်၏ ။

အနိဋ္ဌာရုံတို့ကို မြင်ခြင်း ၊ ကြားခြင်းဖြစ်က အကုသိုလ်၏အကျိုး မြင်သိ
စိတ် ၊ ကြားသိစိတ် ဖြစ်၏ ၊ ဣဋ္ဌာရုံနှင့် အတိဋ္ဌာရုံတို့ကို မြင်ခြင်း ၊
ကြားခြင်းဖြစ်က အကုသိုလ်အကျိုး မြင်သိစိတ် ၊ ကြားသိစိတ် ဖြစ်၏ ။

မြင်သိစိတ်နောက်၌ မြင်သူ၏ နှလုံးသွင်းအားလျော်စွာ လောဘ ဒေါ
သစသော အကုသိုလ်များ ၊ အလောဘ အဒေါစသော ကုသိုလ်များ
ဖြစ်ကြ၏ ၊ ပုထုဇဉ်တို့အဖို့ မြင်ရုံ ၊ ကြားရုံမျှဖြင့် စိတ်သည်ရပ်မနေ ။

အာရုံကြောင့် စိတ်ဖြစ်ပေါ်ရာတွင် ယောနိသောမနသီကာရ - ကုသိုလ်
ဖြစ်အောင် နှလုံးသွင်းခြင်းနှင့် အယောနိသောမနသီကာရ - အကု
သိုလ်ဖြစ်အောင် နှလုံးသွင်းခြင်းတို့အလိုက် ကုသိုလ်/အကုသိုလ်တို့
ဖြစ်ကြ၏ ။

စိတ်သည် အာရုံတစ်မျိုးမျိုးကို အမြဲညွတ်နေ ၊ အာရုံပြုနေရ၏ ၊ ထို့
ကြောင့် လူ့ဘဝတွင် ယောနိသောမနသီကာရ အမြဲရှိနေပါမှ ကုသိုလ်
ရနေမည် ဖြစ်၏ ၊ ပုထုဇဉ်တို့၌ ဣဋ္ဌာရုံနှင့်ကြုံက လောဘ ၊ အနိဋ္ဌာရုံ
နှင့်ကြုံက ဒေါသဖြစ်တတ်ကြ၏ ၊ ဘုရား ရဟန္တာများသည် မည်သည့်
အာရုံမျိုးနှင့် ကြုံကြုံ လောဘ ဒေါသမဖြစ် ၊ အသင့်ရှုနိုင်သောဥပေက္ခာ
ဖြစ်၏ ၊ အကောင်း အဆိုးဟူ၍ စိတ်ခံစားမှု မရှိကြတော့၍ ဖြစ်၏ ။

အရှင်ပညာသီဟာဘိဝံသ - ဂမ္ဘီရပဋ္ဌာန်း

အသုရိန္ဒက ပုဏ္ဏားနှင့်​မြတ်​ဘုရား

အသုရိန္ဒက ပုဏ္ဏား နှင့် မြတ်ဘုရား'
************************
   အသုရိန္ဒက ပုဏ္ဏားသည် ဝေဠုဝန် ကျောင်းသို့ သွား၍ မြတ်ဘုရား ကို ကြမ်းကြုတ် ခက် ထန်စွာ ဆဲရေး၏ ။ ဗုဒ္ဓ သည် သည်းခံတော် မူ၏ ။ ပုဏ္ဏား သည် ဂေါတမ ငါ့ ကို ကြောက် ၍ မဆိုဝံ့ပြိ ။ ငါ "အောင်နိူင်လေပြီ " ဟု ဆိုလေ ၏။ ပုဏ္ဏား ၏ "အောင်ပြီ အောင်ပြီ" ဟူသော ကြွေးကြော်သံ ကို မြတ်ဗုဒ္ဓ ကြားသော အခါ
             " အို ပုဏ္ဏား... အမျက်ထွက်၍ ဆဲရေးသောလူမိုက်နှင့် သည်ခံသော ပညာရှိ ဤ နှစ်ဦးတွင် မည်သူက အောင် ၍ မည်သူ ရူံးလေ သနည်း ၊ သည်းခံသူက နိူင်သည် မဟုက် လော ။
      အမျက်ထွက်သူ ကို အမျက်ပြန်၍ ထွက်သော သူ သည် ယုက်မာ သူမည်၏ ။ အမျက်ထွက်သူကို သည်းခံနိူင်သူ က အောင်ရန်ခက်သော ရန်ကို အောင်သည် မဟုက်ပါလော။
       အကြင်သူသည် အမျက်ထွက်သူကို သည်ခံခြင်းဖြင့် ရန်ကို ငြိမ်းစေ၏ ။ ထိုသူသည် မိမိ သူတစ်ပါး၏ အကျိုးကို ကျင့်သည် မဟုက်ပါလော။
       အကြင်သူသည် အမှန်တရားကို မသိသူ ဖြစ်ပါမူ ထိုသူသည် သည်ခံသူ ကိုပင် လူမိုက်ဟု မှတ်ထင်တတ်၏ ။
       ဤသို့ မြတ်ဗုဒ္ဓသည် ပုဏ္ဏား အား ဆုံးမတော်မူလေ ၏။
      ပုဏ္ဏားသည် ပါရမီရှင် ဖြစ်သည့်အားလျော်စွာ တရားမှန်ကို ကြားနာ ရ၍ မိမိ ၏ အမှား ကို သိရှိပြီး ဗုဒ္ဓ အားတောင်းပန် ပြိ်းလျှင် ရဟန်ပြု လေ၏ ။ မကြာမိ ရဟန္တာ ဖြစ်တော်မူလေ၏။
      မြတ်ဗုဒ္ဓ ၏ တရားတော် များကို ခေတ်လူငယ်များ လွယ်ကူစွာဖတ်ရှု့ နိူင်ရန် ယ္ခုကဲ့သို့ ရေးခြင်းဖြစ်ပါသည် မည်သူမဆို လွတ်လပ်စွာ တစ်ဆင့်ဖြန့်ဝေ နိူင်ပါသည် ။

ရေးသား သူ။    ။ အရှင် ဇိန ပုတ္တ

ဒါန၏ထူးခြား​သောအကျိုးတရားများ

ဒါန၏ထူးခြားသောအကျိုးးတရားများ
×××××××××××××

ကုသိုလ်ကံဖြစ်စေ အကုသိုလ်ကံ
ဖြစ်စေ မူလကံနှင့်တူသော အကျိုးကိုပေးတတ်၏။စွန့်ကြဲပေးကမ်း
လှူဒါန်းသည့်အခါ ပေးလှူသူ၌ အလှူခံပုဂ္ဂိုလ်အားကောင်းကောင်းမွန်မွန် စားစေချင်သော ၀တ်စေချင် နေစေချင်သောစေတနာရှိ၏။ ထိုစေတနာသည် တူသောအကျိုးပေး
သဖြင့် ပေးလှူသူသည် ဘဝများစွာ၌ကောင်းကောင်းမွန်မွန်
စားရ ၀တ်ရ နေထိုင်ရသော အကျိုးကျေးဇူးများကိုရရှိခံစားရ မည်ဖြစ်၏။

မနာပဒါယီလဘတေမနာဝံ။   ။မြတ်နိုးဖွယ် ရာပစ္စည်းဝတ္တုကို ပေးလှူသူသည် မြတ်နိုးဖွယ်ရာ ပစ္စည်းဝတ္ထုကိုရရှိနိုင်၏ဟု ဟောတော်မူသည်နှင့်အညီဒါနသည် တူညီသောအကျိုးတရားကို ပေးမည်မှာ သေချာ၏။သရက်စေ့မှ သရက်ပင်ပေါက်၍ မရန်းစေ့မှ မရန်းပင်ပေါက်သည့်သဘောနှင့်တူ၏။ ဒါနသည်မိမိ သူတစ်ပါးနှင့်နှစ်ဦးသား၏ အကျိုး၊ ပစ္စုပ္ပန်လောကအကျိုး တမလွန်လောကအကျိုးအမျိုး မျိုးကိုပြီးစေနိုင်၏၊အခြံအရံ.အကျော်အစော်၊ ကျက်သရေ.စည်းစိမ်ချမ်းသာတို့ကိုလည်း ပေးစွမ်းနိုင်၏။ တရားသဖြင့်ရသောပစ္စည်းဥစ္စာကို တရားထူးရသောပုဂ္ဂိုလ်တို့အား လှူဒါန်းလျှင်ငရဲကြီးရှစ်ထပ် နှင့်အခြံအရံ ငရဲများကို လွန်မြောက်၍ နတ်ပြည်သို့လားရောက်ရ၏။

လွန်ကဲထူးချွန်မွန်မြတ်သော လောကီစည်းစိမ်နှင့် လောကုတ္တရာချမ်းသာအားလုံးတို့ကိုလည်း ဖြစ် ထွန်းပေါ်ပေါက် လာစေနိုင်၏။

ထို့အပြင် သိကြားမင်းစည်းစိမ်.မာရ်နတ်မင်းစည်းစိမ်
.ဗြဟ္မာမင်းစည်းစိမ်. စကြာမင်းစည်းစိမ်စသောလောကီစည်းစိမ်၊ သာဝကပါရမီဉာဏ်၊ ပစေကဗောဓိဉာဏ်.အဘိသမ္ဗောဓိဉာဏ်ဟုဆိုအပ်သော လောကုတ္တရာ စည်းစိမ်တို့ကိုလည်း ပေးစွမ်းနိုင်၏။

ဒါနကြောင့်လည်း လူ့စည်းစိမ်.နတ်စည်းစိမ်၊ ရရှိသည်ကားထင်ရှား၏။ဗြဟ္မာပြည်သို့မူကာပေးလှူကာ မျှဖြင့် မလာရောက်နိုင်။ သို့စေကာမူ ဒါနစေတနာသည်သမထ၀ိပသနာစိတ်၏
အခြံအရံဖြစ်၍ ပေးလှူ ပြီး နောက် ရန်သူ၌သော်လည်း နူးညံ့သည့်စိတ် ပေါ်ပေါက်လာပြီးလျှင်မေတ္တာ .ဂရုဏာ. မုဒိတာ. ဥပေကာ. ဟူသည့်ဗြဟ္မစိုရ်တရားတို့ကိုပွားများအား
ထုတ်ခဲ့ပါမူ ဗြဟ္မာပြည်သို့လားရောက်ရ၏။
ဒါနသည်ဈာန်.၀ိပသနာ.မဂ်.ဖိုလ်.နိဗ္ဗာန်တို့ကိုရရှိရေးအတွက် အားကြီးသော မှီရာအကြောင်း အထောက် အပံ့=ဥပနိသယပစည်းဖြစ်ပေ၏။
လှည်းဘီသည် လှည်းကိုဆွဲသောနွား၏ခြေးရာနောက် သို့ကပ်၍ လိုက်ဘိသကဲ့သို့ ဒါနသည်အလှူရှင်နောက်သို့တကောက်ကောက်ကပ်၍လိုက် ၏။ပစ္စုပ္ပန်လောက ၌ဖြစ်စေ တမလွန်လောက၌ဖြစ်စေ ပေးလှူသူနောက်သို့ အစဉ်လိုက်၍ အကျိုးပေးလေသည်။  သူတစ်ပါးတို့အားလိမ်လည်လှည့်ဖြား. ခိုးဝှက်လုယက်၍မတရားသဖြင့် ရအပ်သော အသပြာ၁၀ကုဋေ တန် အလှူသည်တောင်းရမ်း၍ဖြစ်စေ ကောက်သင်းကောက်၍ဖြစ်စေ တရားသောအလုပ်ဖြင့်ရှာဖွေ၍ သားမယာကို လုပ်ကျွေးမွေးမြူသော ဆင်းရဲသားတစ်ယောက်၏ အသပြာတစ်ကျပ်တန်အလှူကို ၂၅၆ပုံ ၁ပုံမျှမမီနိုင်။ လှူဖွယ်ဝတ္ထုတန်ဖိုးနည်းသော်လည်း သဒ္ဓါ. စေတနာ. ထက်သန်အားကြီးလျှင် ဆယ်ကုဋေတန်အလှူနှင့် ထပ်တူထပ်မျှအကျိုးရနိုင်သည်။

(ဗုဒ္ဓဘာသာလက်စွဲကျမ်း)

ဖြစ်​​လေရာဘ၀တိုင်းအဆင့်​အတန်းမြင့်​​အောင်​

ဖြစ်လေရာဘဝတိုင်းအဆင့်အတန်းမြင့်အောင်'
**************************************

သံသရာ ဆိုတာ ဆက်စပ်ပြီး လည်ပတ်နေတဲ့ သဘောမျိုးပါ ။ သတ္တ၀ါ တိုင်း နိဗ္ဗာန် မရမိ ဘဝတွေ တစ်ခုပြီး တစ်ခု လည်နေတာ ကို ဘဝသံသရာ လို့ ခေါ်ပါ တယ် ။ ဦးဇင်း တို့ တွေ က နောက် ဘယ်လောက် တောင် ဘဝတွေ ကျင်လည်ရ အုံး မယ် ဆိုတာ မသိနိူင်ပါ ဘူး ။ မိမိ တို့ ဖြစ်လေရာ ဘဝလေး မှာ အထက်တန်း ကြကြ မျက်နှာပန်း လှလှ လေး ဖြစ်အောင် ခု အချိန် ထဲက ဒါန သီလ ဘာဝနာ ဆိုတဲ့ ရိက္ခာ တွေ တတ်နိူင်သလောက် စုထားကြပါ ။ ခုလို ကုသိုလ် နဲ့ အကုသိုလ် ကို သေခြာသိနေတဲ့ ဘဝလေး ကို ရဖို့ ဆိုတာ မလွယ်လှပါ ဘူး ။

ရေးသားပူဇော် ဒါနပြုသူ။    ။ အရှင်ဇိနပုတ္တ

ပထမပ​စ္စေက​ဗုဒ္ဓါ ​ဟောကြား​သောတရား

ရောရုဝမင်းကြီးအား ပထမ ပ​စ္စေက​ဗုဒ္ဓါ ​ဟောကြား​တော်​မူ​သောတရား
************************

""  ​ယော ဓမ္မလဒ္ဓဿ ဒဒါတိ ဒါနံ
ဥဋ္ဌာန၀ီရိယာပတ​ဿ ဇန္တု။
   အတိက္ကမ္မ ​သော ​ဝေတ္တရဏိံ ယမဿ
ဒိဗ္ဗာနိ ဌာနာနိ ဥ​ပေတိ မ​စ္စော..""

   မင်းမြတ်​ သတ္တ၀ါဖြစ်​​သော အကြင်​သူသည်​ တရားရ​သော ပုဂ္ဂိုလ်​အား လုံ့လပြုသဖြင့်​ ရအပ်​​သော ၀တ္ထု၏ အဦးအဖျားကို ယူ၍ အလှူကို ​ပေးလှူ၏။

   ထိုသူသည်​ ယမမင်း၏ ငရဲကြီး,  ငရဲငယ်​ကို လွန်​၍ နတ်​ဘုံတို့သို့ ​ရောက်​နိုင်​၏..။

ဒီဂါထာရဲ့အဓိပ္ပါယ်​က
       အကြင်​ပုဂ္ဂိုလ်​ဟာ ရှာ​ဖွေစု​ဆောင်းထားးတဲ့ ပစ္စည်းထဲက အဦးအဖျားကို တရားသိ , တရားကျင့်​ဆဲ ပုဂ္ဂိုလ်​တို့အား ​ပေးလှူခဲ့လျှင်​ ငရဲမကျနိုင်​ဘဲ နတ်​ပြည်​ထုတ်​​ခြောက်​ ​ရောက်​​စေနိုင်​တယ်​လို့ ဆိုလိုတယ်​။

အရိ​မေ​တ္တေယျမြတ်​စွာဘုရားကိုဖူးခွင့်​ရမည့်​သူများ

အရိမေတ္တေယျမြတ်စွာဘုရားကိုဖူးခွင့်ရမည့်သူများ'
💥💥💥💥💥💥💥💥💥💥

၁။ ယခုကြုံတွေ့နေတဲ့ သာသနာတွင်းမှာ ကိုယ်တိုင် ရဟန်းသာမဏေ သီလရှင်ဝတ်ပြီး ပရိယတ်၊ ပဠိပတ်သာသနာပြုသူ

၂။ မိမိရင်မှဖြစ်တဲ့သား၊ သူတစ်ပါးရင်မှ ဖြစ်တဲ့သားတွေကို ရဟန်းခံ၊ ရှင်ပြုပေးသူ

၃။ မိခင်ဖခင်တို့ ကို  ရိုသေစွာပြုစုလုပ်ကျွေးသူ

၎။ သရဏဂုံသီလ မပြတ် ဆောက်တည်သူ

၅။ ဘုရား ကျောင်း ဇရပ် ဆောက်လုပ် ပြုပြင် လှူဒါန်းသူ

၆။ ဗောဓိညောင်ပင် စိုက်ပျိုးသူ ၊ညောင်ရေလောင်း သူ။

၇။ ရေတွင်း ရေကန် ရေအိမ် စတုဒီသာ ကျောင်းဇရပ် တံတား ပြုပြင်သူ ၊ ဆွမ်းလောင်း သူ

၈။ ရဟန်းတို့ အား ပစ္စည်းလေးပါး လှူဒါန်းထောက်ပံ့သူ

၉။ ကမ္မဋ္ဌာန်းဘာဝနာ ပွားများအားထုတ်သူ

ဤ ပုဂ္ဂိုလ်တို့ သည် နောင်ပွင့်လတ္တံသော အရိမေတ္တေယျ ဘုရား ရှင်အား ဖူးမြင်ခွင့် တရားနာယူ ခွင့်ရရှိကြလိမ့်မည် ။

အားလုံး ဧကန်မုချ မြေကြီး လက်ခတ်မလွဲ၊ အရိမေတ္တေယျဘုရားရှင်ကို ဖူးမြော်ရပြီး နိဗ္ဖာန်ကိုရမယ်။

=========ပြီးပါပြီ========

သီလတန်​ဖိုး

သီလတန်ဖိုး
************
သီလဝတ်စုံ၊ ကိုယ်စီရုံကာ၊ ပြိုင်စမ်းပါ။
ကြောက်စရာမှန်သမျှ ပျောက်လိမ့်မည်။

ချမ်းသာမှန်သမျှ ရောက်လိမ့်မည်။
မြန်စွာအမတ ပေါက်လိမ့်မည်။

လေအောက်, လေညာ၊ နေရာမရွေး၊ သင်းပျံ့မွှေး၊
ဖြူဖွေးသီလ၊ စောင့်ထိန်းကြ။

ကိုယ်ကျင့်သီလ၊ ဖြူစင်က၊ ဆန္ဒလိုရာ ပြည့်လိမ့်မည်။

နှစ်တစ်ရာပင်၊ သက်ရှင်စဉ်လည်း၊ ကိုယ်တွင်သီလ၊ ကင်းမဲ့က၊
လောက လူဖြစ်ရှုံး။

တစ်ရက်မျှပင်၊ သက်ရှင်စဉ်လည်း၊ ကိုယ်တွင်သီလ၊
ပြည့်စုံက၊ လောက အမြတ်ဆုံး...။

( မန္တလေး ရွှေကျင်တိုက်မကြီး အဂ္ဂမဟာပဏ္ဍိတ ဘဒ္ဒန္တဝိစိတ္တမဟာထေရ် )

ဘုရားနှင့်​အတူ ရှိ​နေသူ ဖြစ်​လိုပါသလား

ဘုရားနှင့်အတူရှိနေသူ ဖြစ်လိုပါသလား ?'
*******************************

      " ငါ ဘုရား ဟောကြား ထားသော တရားတော် များ ကို လိုက်နာ ပြီးနေထိုင် သူသည် ငါ ဘုရား နှင့် ယူဇနာ များစွာ ဝေးကွာ နေ သော်လည်း ငါ ဘုရား အနီးကပ် ၍  နေ နေရသူ ပင်ဖြစ်၏ ။ ငါ ဘုရား ၏ အဆုံးအမ ကို မနာခံ မလိုက်နာ သူဖြစ် လျှင် ငါဘုရား ၏ သင်္ကန်းစ ကို ဆွဲကိုင် ၍ အနီးမှာ ကပ်နေသော်လဲ ငါ ဘုရား နှင့် ယူဇနာ များစွာ ဝေကွား နေသူ ပင် ဖြစ်လေ ၏ "။ ဟု မြတ်ဗုဒ္ဓ မိန့်ကြားတော် မူခဲ့ ပါတယ် သူတော်ကောင်း အပေါင်း တို့ ။

======ပြီးပါပြီ========

ပုညကြိယ၀တ္ထု ( ၁၀ )ပါး

ကုသိုလ်​တရားဖြစ်​ပွားခြင်း၏အ​ကြောင်း ( ၁၀ )ပါး
***************************
ပုညကြိယ၀တ္ထု ( ၁၀ )ပါး
*****************
၁. ဒါန = ​ပေးကမ်းလှူဒါန်းခြင်း

၂.သီလ = ငါးပါး၊ ရှစ်​ပါးစ​သော သီလတရား ​ဆောက်​တည်​ကျင့်​သုံးခြင်း

၃. ဘာဝနာ = သမထကမ္မဋ္ဌာန်း , ၀ိပဿနာကမ္မဋ္ဌာန်း စီးဖြန်းပွားများခြင်း

၎. အပစာယန = အသက်​ကြီး​သောသူ သီလစ​သော ဂုဏ်​ကြီးသူများကို အရိုအ​သေပြုခြင်း။

၅. ​ဝေယျာဝိစ္စ =သူတစ်​ပါးရဲ့ ကုသိုလ်​မှာ ၀င်​​ရောက်​ကူညီ​ဆောင်​ရွက်​​ပေးခြင်း။

၆. ပတ္တိဒါန = မိမိရဲ့ ကုသိုလ်​အဖို့ အမျှအတန်း​ပေး​ဝေခြင်း။

၇. ပတ္တာနု​မောဒန = သူတစ်​ပါး​ပေး​ဝေတဲ့ ကုသိုလ်​ကို ၀မ်း​မြောက်​နု​မော်​ သာဓု​ခေါ်ခြင်း။

၈. ဓမ္မဿဝန = သူ​တော်​​ကောင်းတရား နာကြားခြင်း၊

၉. ဓမ္မ​ဒေသနာ = သူ​တော်​​ကောင်းတရား ​ဟောကြားခြင်း။

၁၀. ဒိဋ္ဌိဇုကမ္မ = အယူမှန်​ကန်​စွာယူဆခြင်း။

        ❆ မြတ်​​ဗုဒ္ဓ၏သာသနာpage.

နှလုံးသွင်းဆင်​ခြင်​ခြင်​မှုနှင့်​ ပညာ၏သ​ဘော

နှလုံးသွင်းဆင်ခြင်မှုနှင့်ပညာ၏သဘော
•••••••••••••••••••••

"အရှင်ဘုရား.. .....ယောနိသော မနသိကာရ
သည်အဘယ်သို့သောလက္ခဏာရှိပါသနည်း၊
ပညာသည်အဘယ်သို့သောလက္ခဏာရှိပါသနည်း"

"မြတ်သောမင်းကြီး......မနသိကာရ သည်
စုစည်း ခြင်းလက္ခဏာရှိ၏၊ပညာသည်ကား
ပိုင်းခြား ခြင်းလက္ခဏာရှိပေ၏"

"အရှင်မြတ်ဘုရား....မနသိကာရ၏စုစည်း
ခြင်းလက္ခဏာ၊ပညာ၏ပိုင်းခြားခြင်းလက္ခဏာ
တို့ကို ဥပမာ ဖြင့်ပြတော်မူပါဦးလော"

"ကောင်းလှပြီ မင်းမြတ်၊သင်မင်းမြတ်သည်
စပါးရိတ်သည်ကိုမြင်ဖူးပါ၏လော"

"အရှင်ဘုရား.. .တပည့်တော်မြင်ဖူးပါ၏"

"သို့ဆိုလျှင် စပါးရိတ်သူသည်စပါးကိုအဘယ်
သို့ရိတ်အပ်ပါသနည်း မင်းမြတ် "

"အရှင်ဘုရား.. .စပါးရိတ်သူသည်စပါးပင်ကို
လက်ဝဲလက်ဖြင့်ကိုင်ကာ လက်ယာလက်မှ တံစဉ်ဖြင့် ရိတ်အပ်ပါသည်"

"မှန်ပေသည် မင်းမြတ် စပါးရိတ်သူသည်
လက်ဝဲလက်ဖြင့် စပါးပင်ကိုစုစည်းကိုင်တွယ်
ကာလက်ယာလက်ဖြင့်တံစဉ်ကိုကိုင်လျက်
ရိတ်ဖြတ်သကဲ့သို့ပင်ကမ္မဋ္ဌာန်းဘာဝနာ၌
ယှဉ်သော ယောကီပုဂ္ဂို လ်သည်လည်းနှလုံ
သွင်းတတ်မှုဖြင့်မိမိစိတ်ကိုစုစည်းပေါင်းရုံး
ကာပညာဖြင့်ကိလေသာတို့ကိုဖြတ်အပ်ပေ၏"

"မင်းမြတ်...မနသိကာရ ၏စုစည်းခြင်း
သဘောကိုလည်းကောင်း၊ပညာ၏ပိုင်းခြား
သဘောကိုလည်းကောင်းထို့အတူသာလျှင်
သိမှတ်အပ်ပေ၏"

"အရှင်မြတ်ဘုရား.. ...ကောင်းလှပါပေ၏"

မိလိန္ဒမင်းကြီးနှင့်အရှင်နာဂသိန်အမေးအဖြေ

သဂါင်္ယနာတင်ဂန္တဝင်ကျမ်းစာ

မိလိန္ဒပဥှာ

အစွန်းလွတ်​​အောင်​ကျင့်​

❀ ❀  အစွန်းလွတ်အောင်ကျင့် ❀ ❀

#မြတ်စွာဘုရားရှင်က .....
တရားဓမ္မ ကျင့်ကြံအားထုတ်တဲ့နေရာမှာ
အစွန်းမရောက်ဖို့၊
မဇ္ဈိမပဋိပဒါ အလယ်အလတ်
မျှတတဲ့လမ်းကို လမ်းစဉ်ကို လိုက်ဖို့
ဟောကြားတော်မူပါတယ်။
မိမိကိုယ်မိမိ ညှဉ်းဆဲရာရောက်တဲ့
အစွန်းတစ်ဘက်၊
သက်သာခိုရေသာခိုတဲ့ အစွန်းတစ်ဘက်၊
ဒီအစွန်းနှစ်ဘက် လွတ်အောင် ကျင့်ရမှာပါ။

#တရားအားထုတ်စဉ်မှာ
မပြောင်းမရွေ့ဘဲ ပင်ပန်းဆင်းရဲတာကို
ပေတေကြိတ်မှိတ် မရှုမှတ်နိုင်ဘဲ နေရင်လည်း
အစွန်းမလွတ်ပါဘူး။
ပြောင်းလို့ရွေ့လို့ ရတယ်ဆိုပြီး နည်းနည်းလေးတောင်
သည်းမခံဘဲ ပြောင်းရွေ့လွန်း သက်သာခ်ိုလွန်းရင်လည်း
အစွန်းမလွတ်ပါဘူး။
မိမိရဲ့ရှုမှတ်နိုင်မှု အခြေအနေကို ကြည့်ပြီး
မျှတအောင်နေ မျှတအောင် ကျင့်ရမှာပါ။

#မြတ်စွာဘုရားက
` ကြာကြာထိုင်မှ တရားရမယ် ´ လို့ မဟောပါဘူး။
` မျှတအောင်ကျင့်မှ တရားရမယ် ´လို့သာ ဟောခဲ့တာပါ။
တချို့တရားအားထုတ်သူတွေမှာ အားထုတ်ရင်း
ဘုန်းကနဲ လဲကျတယ်။ မျက်ရည်တွေ နှပ်တွေ တံတွေးတွေ
ယိုစီးကျလာတယ်။ ကြောက်လန့်တကြား အော်ဟစ်တယ်။
ထိုင်ရာက ထပြေးတယ်။ ကြက်လိုထခွပ်တယ်။
ခွေးလိုထအော်တယ် ဆိုတာတွေဟာ
အစွန်းရောက်ကျင့်စဉ်တွေရဲ့ အကျိုးဆက်တွေပါ။
တရားရတာ တရားမြင်တာ မဟုတ်ပါဘူး။

#ကိုယ်ဆင်းရဲ စိတ်ဆင်းရဲမှုတွေ မခံရပ်နိုင်အောင်
ဖြစ်နေစဉ်၊ ခံစားနေရစဉ်မှာ သက်သာမျှတအောင်
မပြင်လို့ မပြောင်းလို့ ဖြစ်ရတာတွေကို ပြောပြပါမယ်။

၁။ ဒုက္ခဝေဒနာ ပြင်းထန်စွာ ဖြစ်လာပါတယ်။
၂။ တည်ကြည်မှု မရှိဘဲ သမာဓိ ပျက်တတ်ပါတယ်။
၃။ အားထုတ်နေတဲ့ ကမ္မဋ္ဌာန်း ပျောက်ပျက်သွားပါတယ်။
၎။ တရားထူး မရနိုင်ပါဘူး .....
လို့ ဖြစ်ပေါ်လာမယ့် အပြစ်လေးချက် ရှိပါတယ်။

#တရားနဲ့နေတယ်ဆိုတာ
နေတတ်ရင် အနေအထားမရွေး၊ ဣရိယာပုတ်မရွေး
တရားနဲ့နေလို့ ရပါတယ်။
လျောင်း၊ ထိုင်၊ ရပ်၊ သွား အနေအထား လေးမျိုးမှာ
တစ်သက်လုံး ဘယ်သူမှ အနေအထား တစ်မျိုးတည်းနဲ့
မနေကြပါဘူး။ မနေနိုင်ပါဘူး။
တစ်မျိုးပြီးတစ်မျိုး ပြောင်းနေလို့သာ
အသက်ရှင်နေကြတာပါ။

#မဟာသတိပဋ္ဌာနသုတ္တာန်မှာလည်း
တရားကျင့်သူတို့အတွက် လျောင်း၊ ထိုင်၊ ရပ်၊ သွား၊
အနေအထားတွေနဲ့ စနစ်တကျအားထုတ်ဖို့
မြတ်စွာဘုရား ညွှန်ကြားခဲ့ပါတယ်။

}}} ဆရာတော် ဓမ္မဒူတ_အရှင်ပညိဿရ

မေတ္တာ ၏ပျက်​စီးခြင်း

မေတ္တာ ၏( လက္ခဏာ ၊ ကိစ္စ ၊ ပစ္စုပဋ္ဌာန် ၊ ပဒဋ္ဌာန် ၊ သမ္ပတ္တိ ၊ ဝိပတ္တိ ) ။
--------------------------+----------------------------

၁ ။ မေတ္တာသည် သတ္တဝါတို့၏ အကျိူး စီးပွားကို ပြု ကျင့်သော အခြင်းအရာအားဖြင့် ဖြစ်ခြင်း , လက္ခဏာရှိ၏ ။

၂ ။ သတ္တဝါတို့အား အကျိုးစီးပွားကို ဆောင်ပေးခြင်း ကိစ္စ, ရသ ရှိ၏ ။

၃ ။ ရန်ငြိုး ၊ အမျက်ဒေါသကိုပယ်ဖျောက်သည့် အနေအားဖြင့် ရှုဆင်ခြင်သူ၏ ဉာဏ်အား ရှေးရှုထင်ခြင်းဟူသော , ပစ္စုပဋ္ဌာန်ရှိ၏ ။

၎ ။ သတ္တဝါတို့၏ နှစ်သတ်မြတ်နိုးဖွယ် အဖြစ်ကို ရှုမြင်ဆင်ခြင်ခြင်းဟူသော ယောနိသောမနသီကာရ လျှင် နီးစွာသော အကြောင်း , ပဒဋ္ဌာန် ရှိ၏ ။

၅ ။ ပျက်စီးစေလိုသော ဗျာပါဒ ၊ ဒေါသ၏ ဝေးကွာသောအားဖြင့် ငြိမ်းခြင်းသည် ဤမေတ္တာ၏ ပြည့်စုံပြီးစီးခြင်း , သမ္ပတ္တိ ပင်ဖြစ်၏ ။

၆ ။ ခင်မင်တွယ်တာလျက် ချစ်ခြင်းသည် ဤမေတ္တာ၏ ပျက်စီးခြင်း , ဝိပတ္တိ ပင်ဖြစ်၏ ။။

(ဝိသုဒ္ဓိမဂ်မြန်မာပြန် ) ။

မဟာစည်ဆရာတော်ဘုရားကြီး ။ ~~~~~~~~~~~~~~~~~~~

သုဂတိဘုံသို့​ရောက်​သူနည်းပါး

ချစ်သားရဟန်းတို့....မဟာပထဝီမြေကြီးရှိမြေမှုန့်
နှင့်ငါ ၏ လက်သည်းတော်ပေါ်ရှိမြေမှုန့်တို့သည်
အဘယ်က များသနည်းဟုမေးတော်မူ၏။ လက်
သည်းတော်ပေါ်ရှိ မြေမှုန့်သည်အလွန်တရာနည်း
ပါးပြီးမဟာပထဝီမြေကြီး ရှိမြေမှုန့်တို့သည်အလွန်
တရာများပြားလှပါသည်ဟုဖြေဆိုကြကုန်၏။

ချစ်သားရဟန်းတို့...... ထို့အတူသာလျှင် တစ်နေ့
တစ်နေ့ သေကြ ကုန်သော သတ္တ၀ါ အပေါင်းတို့
သည် ကောင်းသော သုဂတိဘုံသို့ရောက်ကြကုန်
သောသတ္တဝါတို့သည်ကားငါဘုရား လက်သည်း
ပေါ်ရှိ မြေမှုန့်ကဲ့သို အလွန်တရာ နည်းကြကုန်၏။
မကောင်းသော အပါယ်ဘုံသို့ရောက်ကြသော
သတ္တဝါတို့သည်ကား ဤမဟာပထဝီ မြေမှုန့်ကဲ့
သို့အလွန်တရာ များပြားလှပေ၏ ။

ရုပ်​လှ​စေ​သောကုသိုလ်​

ရုပ်အဆင်း လှပစေသော ကုသိုလ် (၄) မျိုး'
************************************

        လူ၊ နတ်၊ ဗြဟ္မာ ဖြစ်လေရာ ဘဝတို့တွင် သူ
တစ်ပါးထက် ရုပ်အဆင်း လှပ လိုသူတို့သည်
ကောင်းမူ့ ၄ ပါး ကိုပြုကြရမည် ဟု ကျမ်းဂန်တို့ ၌
ဆိုကြ၏ ။ ထိုကောင်းမူ့ ( ၄ ) ခုသည်ကား......

၁။ အဝတ်အစား , သင်္ကန်း လှူဒါန်းခြင်း
၂။ အစာအဟာရ လှူဒါန်းခြင်း
၃။ ဒေါသကို ချုပ်တည်း၍ မေတ္တာပွားခြင်း
၎။ တံမြတ်လှည်းခြင်း

ဤ( ၄)ပါး သည်ရုပ်အဆင်းလှပခြင်း၏အကြောင်း
ရင်း ဖြစ်လေ၏ ။
ထိုကုသိုလ်( ၄ )ပါးကိုပြုပါကရုပ်
အဆင်းလှပခြင်းအပြင်သက်ဆိုင်ရာကောင်းကျိုးအသီးသီး ကိုလဲ ထပ်မံရသေး၏။ ထိုကြောင့် ဤ ၄ ပါးသော ကုသိုလ်တို့ကို ဖြစ်လေရာ ဘဝတိုင်း
သူတစ်ပါးထက် ရုပ်အဆင်းလှလိုသူတို့သည်မလွဲ
ွဲမသွေ ပြုကြရပေမည်။

••••••••••••••••••••••••••
      

အံ့ဖွယ်​ရှစ်​ဖြာ သာသနာ

သာသနာတော် ၏ အံ့ဖွယ်ရှစ်ပါး'
****************************
သမုဒ္ဒရာကြီးမှာအံ့ဖွယ်ရှစ်ဖြာရှိသလိုမြတ်ဗုဒ္ဓ၏
သာသနာတော်မြတ်ကြီးသည်လည်းအံ့ဖွယ်ရှစ်ပါးနှင့်ပြည့်စုံသော သာသနာတော်မြတ်ကြီးဖြစ်ပါ
သည်။
သမုဒ္ဒရာ ၏ အံဖွယ်( ၈ )ပါးဟူသည်ကား
၁ ။ အစဉ်နက်ဝှမ်း
၂ ။ ကမ်းကိုမလွန်
၃ ။ ရွံ့ဖွယ်ဆယ်ပစ်
၎ ။ တစ်မည်ဖြစ်ခြင်း
၅ ။ မယွင်းမတိုး
၆ ။ ဆယ်မျိုးရတနာ
၇ ။ ရသာဆားတူ
၈ ။ ကြီးသူနေရာ အံ့ရှစ်ဖြာ။

အဓိပ္ပါယ်ကတော့..............

အစဉ်နက်ဝှမ်း=မဟာသမုဒ္ဒရာကြီးသည် အစဉ်အတိုင်း လက်တစ်သစ်နှစ်သစ်ကစပြီးနက်သွား
သကဲ့သို့ထို့အတူမြတ်စွာဘုရား၏သာသနာတော်မြတ်မှာလဲ အကျင့်သိက္ခာစသည်တို့သည်အစဉ်
အတိုင်းတဖြည်းဖြည်းနက်နဲသိမ်မွေ့ပြီးအရဟတ္တဖိုလ်တိုင်နက်နဲပါသည်။

ကမ်းကိုမလွန် =တည်တည်ငြိမ်ငြိမ်နှင့်သမုဒ္ဒရာ
ရေတွေရှိနေသကဲ့သို့မြတ်စွာဘုရား၏သာသနာ​တော်မှာလည်း မြတ်စွာဘုရား၏သိက္ခာပုဒ်တွေကို ကမ်းပါးတွေကို တပည့်သာဝကတွေက မလွန်ကြပါဘူး။

ရွံ့ဖွယ်ဆယ်ပစ်=သမုဒ္ဒရာရေကြီးထဲမှာဆင်သေ
ကောင်ပုပ်အစရှိတဲ့အပုပ်ကောင်တွေကျလာတဲ့အခါကမ်းကိုပုတ်တင်လိုက်သလိုမြတ်စွာဘုရားရဲ
သာသနာတော်မှာလည်းသီလမရှိတဲ့၊သီလပျက်​နေတဲ့ရဟန်းတော်တွေ၊ ဒုဿီလပုဂ္ဂိုလ်တွေကို
သာသနာတော်ပြင်ပသို့ ထုတ်ပယ်ပစ်လိုက်တာ
သာသနာတော်ရဲ့အံ့ဖွယ်ရာတစ်မျိုးပါ။

တစ်မည်ဖြစ်ခြင်း=မြစ်ကြီးငါးသွယ်က စီးဆင်းလာ
တဲ့ရေတွေဟာသမုဒ္ဒရာထဲကိုရောက်သွားတဲ့အခါအကုန်လုံးသူတို့နံမည်ပျောက်ပြီး သမုဒ္ဒရာရေပဲ
ဖြစ်သွားပါတယ်။အမျိုးအနွယ်အမျိုးမျိုးထဲကသာသနာဘောင်သို့ ၀င်​ရောက်လာတဲ့အခါ သာသနာ
ထဲသို့ရောက်လာတော့ဘုရားသားတော် ရဟန်းတော်တစ်မည်တည်းပဲဖြစ်သွားတယ်။

မယွင်းမတိုး=သမုဒ္ဒရာရေဟာရေဘယ်လောက်ပဲ
ဆီးဝင်ပါစေတိုးလာတယ်လို့မရှိသလို အပူများလို့ရေလျော့သွားတယ်ဆိုတာလည်းမရှိပါဘူး။မြတ်စွာဘုရားရဲ့သာသနာတော်မှာလည်းနည်းမှန်လမ်းမှန် သတိပဋ္ဌာန်ဝိပဿနာတရားကိုကျင့်ကြံလို့ရှိရင်လမ်းဆုံးပန်းတိုင်ဖြစ်တဲ့ရဟန္တာအဖြစ်သို့ရောက်သွားပြီး နောင်ဘ၀ဆိုတာမရှိတော့ဘူး။

ဆယ်မျိုးရတနာ=သမုဒ္ဒရာကြီးမှာပျော်မွေ့ဖို့သာရတနာဆယ်မျိုးရှိသလို မြတ်စွာဘုရားသာသနာ
တော်ကြီးမှာလည်းရတနာတွေရှိပါတယ်။သတိပဋ္ဌာန်တရား၎ပါးလည်းရတနာပါပဲ။သမ္မဇ္ဇင်၅ပါး၊
ဣဒ္ဓိပ္ပါဒ်၎ပါး၊ ဗောဇ္ဇျင်၇ပါး၊ ဗိုလ်၅ပါး၊ အိနြေ္ဒ၅ပါး၊ မဂ္ဂင်၈ပါးအားလုံးက ရတနာတွေပါ။

ရသာဆားတူ=သမုဒ္ဒရာကြီးမှာရေတွေရဲ့အရသာကဆားငန်အရသာတစ်မျိုးတည်းရှိသလိုမြတ်စွာဘုရားရဲ့သာသနာတော်မှာလည်း ၀ိမုတ္တိအရသာ ကိလေသာတို့မှလွတ်မြောက်ခြင်းအရသာတစ်မျိုးထဲရှိပါတယ်။

ကြီးသူနေရာ=သမုဒ္ဒရာဆိုတာအလွန်ကြီးတဲ့ငါးကြီးတွေနေရာဖြစ်သလိုမြတ်စွာဘုရားသာသနာတော်မှာလည်းပုထုဇဉ်ပုဂ္ဂိုလ်တို့ထက်အဆင့်
ဆင့်ကြီးသွားတဲ့အရိယာပုဂ္ဂိုလ်တွေနေရာဖြစ်ပါတယ်။