၃၈ဖြာ မင်္ဂလာပုံပြင်​များ. ၅

၃၈ဖြာ မင်္ဂလာပုံပြင်​များ
*****************
၅။ ​ရှေး​ကောင်းမှုကံရှိခြင်း
*** *** *** *** ***

   ​ရှေး​ကောင်းမှုကံရှိခြင်းသည်​ မင်္ဂလာတစ်​ပါးဖြစ်​၏။

   တစ်​ရံ​ရောအခါ ဗာရာဏသီပြည်​တွင်​ ထင်း​ခွေ​ယောက်ျားတစ်​ဦးရှိသည်​။ တစ်​​နေ့တွင်​ သူသည်​ မြို့တံခါးဝအနီးရှိ နတ်​ကွန်းတွင်​ ​ဘေးမဲ့လွှတ်​ထား​သော ကြက်​များအနက်​မှ ထူးခြား​သော ကြက်​တစ်​​ကောင်​ကို ​တွေ့ရှိသည်​။ ထိုကြက်​က.. "" ငါ့ကိုသတ်​၍ ငါ့ဦး​ခေါင်းကို စားသူသည်​ မင်းဖြစ်​မည်​.."" ဟု တခြားကြက်​တစ်​​ကောင်​ကို ​ပြောကြား​နေသံအား ထင်း​ခွေ​ယောက်ျားက ကြားသိသွားသည်​။

   သို့ဖြင့်​ သူသည်​ ထိုကြက်​ကို ဖမ်းယူသတ်​ဖြတ်​၍ အိမ်​သို့ယူ​ဆောင်​လာသည်​။ မယားအား အကျိုးအ​ကြောင်း ​ပြောပြကာ ကြက်ကို ​ချက်​ခိုင်​သည်​။ မယားလည်း ချက်​ပြီးလျှင်​ ထမင်းနှင့်​အတူ ​ပေးအပ်​သည်​။

   ထင်း​ခွေ​ယောက်ျားသည်​ ချက်​ပြီးသား ကြက်​သားကိုအရင်​မစား​သေး။ ဂင်္ဂါမြစ်​သို့သွား၍ ​ရေချိုးပြီးမှ မြစ်​​ဘေးတွင်​ စားမည်​ဟု ရည်​မှန်းသည်​။ သို့ဖြင့်​ သူတို့လင်​မယားသည်​ ထမင်းအိုးနှင့်​ကြက်​သားအိုးတို့ကို ​တောင်းတစ်​ခုစီ၌ထည့်​ကာ ဂင်္ဂါမြစ်​သို့ သွားကြသည်​။ ​​ရောက်​​သော်​ ​တောင်းကို မြစ်​ကမ်း၌ ထားပြီး မြစ်​သို့ ​ရေဆင်းချိုးကြ​လေသည်​။

  ထိုစဉ်​ ရုတ်​တရက်​​ ​လေထန်​၍ ​ရေလှိုင်းတို့တက်​လာသည်​။ ကြက်​သားဟင်း ထည့်​ထား​သော ​တောင်းအထိ ​ရေများ​ရောက်​လာပြီး ​တောင်းသည်​ ​ရေထဲသို့ ​မျောပါသွားသည်​။ ထင်း​ခွေ​ယောက်ျား လင်​မယားမှာမူ ​ရေစီး​နောက်​သို့ ​မျောပါမသွား​အောင်​ ကြိုးစားကူခပ်​ပြီးလျှင်​ ကမ်းသို့တက်​​ပြေးရ​လေသည်​။

   ထိုစဉ်​ ကြက်​သားဟင်း​တောင်းသည်​ မြစ်​​ရေအလျဉ်​တွင်​ ​မျောပါသွား​လေသည်​။ မကြာမီ ​အောက်​ဆိပ်​၌ ဆင်​ကို​ရေချိုး​ပေး​နေ​သော ဆင်​ဆရာအနီးသို့ ​ရောက်​သွားသည်​။ ဆင်​ဆရာသည်​ ​တောင်းကိုဆယ်​ယူ၍ ကြည့်​ပြီး ကြက်​သားဟင်း​တောင်း ဖြစ်​​နေ၍ အိမ်​ကိုယူ​ဆောင်​သွား​လေသည်​။

   ဆင်​ဆရာကိုးကွယ်​​သော ရှင်​ရ​သေ့သည်​ အကြားအမြင်​ ရသူဖြစ်​သည်​။ ကြက်​သားဟင်း၏ ထူးခြား​သော သတ္တိကို သိသဖြင့်​ ဆင်​ဆရာအား ကြက်​​ခေါင်းကို စား​စေသည်​။

   ရက်​အတန်​ကြာ​သော အခြားတိုင်းပြည်​မှ မင်းတစ်​ပါးသည်​ ဗာရာဏသီပြည်​ကို လာ​ရောက်​တိုက်​ခိုက်​သည်​။ ​ဗာရာဏသီမင်းသည်​ မိမိ​ဘေးဖြစ်​မည်​ကို စိုးရိမ်​သဖြင့်​ ဆင်​ဆရာအား မင်းအသွင်​ ၀တ်​ဆင်​​စေပြီး ဆင်​စီး၍တိုက်​ခိုက်​​စေသည်​။ မိမိမူကား ရဲမက်​ဗိုလ်​ပါများအကြားတွင်​ မထင်​မရှား​သော အသွင်​ဖြင့်​ သွားလာ၍စီမံကွပ်​ကဲ၏။ ထိုစဉ်​ ရန်​သူများ ပစ်​လွှတ်​လိုက်​​သော မြှားတစ်​စင်းသည်​ ​ဗာရာဏသီမင်းကို ထိမှန်​၍ မင်းကြီးနတ်​ရွာစံ​လေသည်​။

   ဤတွင်​ ဆင်​ဆရာသည်​ ဘဏ္ဍာတိုက်​အတွင်းမှ ​ရွှေ​ငွေတို့ကို ထုတ်​ယူ​စေကာ...
    "" ဥစ္စာလိုသူတို့ ရန်​သူကို ရွပ်​ရွပ်​ချွံချွံ တိုက်​ကြ​လော့..."".ဟုဆိုပြီး ​ရွှေ ​ငွေများ ​ပေး​လေသည်​။

   ​ရွှေ​ငွေရသူတို့သည်​ အားတက်​ကာ ဆင်​ဆရာနှင့်​အတူ ပူ​ပေါင်း၍ တိုက်​ခိုက်​ရာ ​အောင်​မြင်​သွား​လေသည်​။ စစ်​ပွဲပြီး​သောအခါ မှူးမတ်​တို့သည်​ ဆင်​ဆရာကိုပင်​ တညီတညွတ်​တည်း မင်း​မြှောက်​ကြ​လေသည်​။

   ထင်း​ခွေ​ယောက်ျားသည်​ ​ရှေး​ကောင်းမှုကံမရှိ​သော​ကြောင့်​ ကြက်​သားဟင်းနှင့်​ ကြံဖန်​လွဲရသည်​။ဘုရင်​မဖြစ်​။

   ဆင်​ဆရာကား ​ရှေး​ကောင်းမှုကံရှိ​သော​ကြောင့်​ ကြက်​သားဟင်းကို မကြံရွယ်​ဘဲ ရရှိသည်​။ ဘုရားဖြစ်​သွား​လေသည်​။

ကျမ်းကိုး..။ ငါးရာ့ငါးဆယ်​ သီရိဇာတ်​

     ❆၃၈ဖြာ မင်္ဂလာပုံပြင်​များ  ❆
           ✏  မင်း ယု ​ဝေ

** To have done meritorious deeds in the past is the highest blessing.  **