"တရားသုံးပါး လူ့ စွမ်းအား"
~~~~~~~~~~~~~~~~
လောလောဆယ်
ရွှေ ရှိတယ် ပြော ပြော ပြောချင်ရာ ပြော
ကိုယ်ပိုင်တရား မရှိသေးရင်
အဓိပ္ပါယ် မရှိပါဘူး... ။
လောလောဆယ် ဆွေမျိုးတွေ
ဘယ်လောက် ပေါတယ်
ပြောချင်ရာ ပြော
ကိုယ်ပိုင်တရား မရှိသေးရင်
အဓိပ္ပါယ် ကင်းမဲ့သော
လူ့ ဘဝ သာ ဖြစ်သွားမယ်... ။
လောလောဆယ်
ဘယ်လိုရာထူးတွေ ရှိတယ်ပြောပြော
ကိုယ်ပိုင်တရား မရှိသေးရင်
အဓိပ္ပါယ် ရှိမှာ မဟုတ်ပါဘူး... ။
ဒါကြောင့်...
အဓိပ္ပါယ် ရှိတဲ့ လူ့ ဘဝ ဆိုရင်
ကိုယ်ပိုင် တရားတွေ
ရအောင် ယူဖို့ လိုတယ်... ။
အဲဒီလို ဆိုရင်...
(၁) ပစ္စုပ္ပန်မှာ စိတ်ချမ်းသာအောင်
တရားဆောင်အမှောင်ကင်းရမည် ။
အမှောင်ကင်း ဆိုတာ
`ပညာပဇ္ဇောတ´ ကို ပြောတာ၊
ပစ္စုပ္ပန်မှာ စိတ် ချမ်းသာအောင်
နေတတ်တယ်... ။
တွေ့သမျှ အာရုံနဲ့
အဆင်ပြေအောင် နေတတ်ဖို့ဆိုရင်
ပညာ အလင်းရောင်တရားစွမ်းအား တွေ
လိမ္မာ ပါးနပ်စွာ ယူတတ်ဖို့လိုတယ် ၊
ပစ္စုပ္ပန်ကို တန်ဘိုးထားတတ်ဖို့လိုတယ်... ။
(၂) ကိုယ်အား ဉာဏ်အား ပစ္စည်းအား
အများ လှအောင် ဆင်ရမည်။
မိမိရဲ့ ကိုယ်အား ဉာဏ်အား
ပစ္စည်းအား တွေဖြင့်
မိမိ သူတစ်ပါး လောက သာသနာ
အလှတန်ဆာ ဆင်ပေးနိုင်ရမယ်...။
(၃) ဘဝ ကူးရေး အပူ ဝေး
စိတ် အေး နိုင်ရမည် ။
ဘဝ တစ်ခု နဲ့ တစ်ခု
ကူးပြန်တော့လည်း
လက်ရှိ ကျန်ခဲ့တဲ့ အပေါ်မှာ
တွယ်တာစွဲလန်း အမျှင်တန်းခြင်းမရှိ ၊
အမျှင် တန်းလန်း ဖြစ်နေလည်း
သတိ က ထိန်း သွားတတ်တာ...။
ကျန်ခဲ့တဲ့ သက်မဲ့သက်ရှိ တွေအပေါ်
အမျှင် မပြတ်ဘူး ဆိုရင်
အဲဒီမှာ သွားပြီး
ဘဝ တိမ်း သွားတတ်ပါတယ်...။
ဒါကြောင့် အဲဒီ ဘဝကူး မှာ ...
အပူ ဝေးအောင်
အပူ ငြိမ်းအောင်
စိတ် အေးရအောင် ဆိုရင်
ကိုယ်ပိုင် လိုတယ်၊
ကိုယ်ပိုင်တရား ရှိနေမယ် ဆိုရင်
စိတ် အေးရပြီးသား ပါ...။
နောက် ဘဝ သံသရာ အတွက်
နောက် ရလာလတ္တံ
ဘဝအတွက်လည်း
စိတ် အေးရပြီးသား ပါ၊
နောက်ဆုံး
ဘဝ လွတ်မြောက်ရေး အထိ
တိကျတဲ့ စွမ်းအား ကို ယူနိုင်ပါတယ်...။
တရား သုံးပါး လူ့ စွမ်းအား
ခန့်ညား ထည်ဝါသည် ။
အဲဒီ (၃) ပါး ရှိမှ
လူဟာစွမ်းအားနဲ့ ပြည့်စုံတယ်
ခန့်ညား တယ်
ထည်ဝါ တယ်...။
(တိပိဋကယောဆရာတော်ဘုရားကြီး)
Credit...
No comments:
Post a Comment