#တိရစ္ဆာန်ဘဝရောက်သွားရင်
#လူပြန်ဖြစ်ဖို့_ဘယ်တော့မှမလွယ်တော့ဘူး
🔼🔼🔼🔼🔼🔼🔼🔼🔼🔼
တစ်ညနေ ဘုန်းကြီးဆီကိုလူတစ်ယောက်
ရောက်လာပြီး လာကန်တော့တယ် ။
အဖြူရောင်အဝတ်နဲ့ ....
" အရှင်ဘုရား မေတ္တာပို့ပေးပါ ပရိတ်တော်တွေ
လည်း ရွတ်ပေးပါ...."လို့ လျှောက်ထားတယ် ။
ခဏအကြာ ဘုန်းကြီးရှေ့ကပြန်ထွက်သွားပြီး
တောင်တစ်ခုလုံး လင်းထိန်သွားတာ တွေ့လိုက်ရတယ်။
တောင်စောင့်နတ်ကြီးကိုး ။
ဝိဇ္ဇာတွေလာဖူးကြတယ်
တစ်ညကျတော့ အတော်လေးအေးလို့
ဘုန်းကြီးစောင်အထပ်ထပ်ခြုံပြီး လှဲနေတုန်း
အလွန်မွှေးကြိုင်တဲ့ ရနံ့တွေနဲ့အတူ
ဟိမဝန္တာကဝိဇ္ဇာနှစ်ပါး ဘုန်းကြီးနားမှာ
မတ်တပ်ရပ်ပီး ဘုန်းကြီးကို
ကန်တော့နေကြတာတွေ့လိုက်တယ် ။
တစ်ကိုယ်လုံး နူးညံ့တဲ့အနီရောင်
အမွှေးအမှင်တွေ ဖုံးအုပ်ထားတယ် ။
" ဘာလာလုပ်တာလဲ...." လို့မေးတော့
" အရှင်ဘုရားရဲ့ သီလသမာဓိပညာ
ကို ကြည်ညိုလို့ လာကန်တော့တာပါဘုရား..."တဲ့ ။
တစ်ကျောင်းလုံး သူတို့ကိုယ်က
အရောင်အဝါတွေနဲ့ လင်းနေတယ် ။
တစ်နေ့မှာတော့ အပေါ်က
လေယာဉ်ပျံအသံလိုကြားပြီး
ဘုန်းကြီးရှေ့ကို ဝိဇ္ဇာတစ်ပါးကျလာတယ်။
" တပည့်တော်ဝိဇ္ဇာဓိုရ် ဦးကျော်ပါဘုရား...."လို့
လျောက်ထားပြီး
သူကလည်း
"အရှင်ဘုရားရဲ့သီလ သမာဓိ ပညာ
ကျော်ကြားလို့ လာပြီးဖူးတာပါဘုရား...."တဲ့ ။
ပရိတ်ရွတ်ပေးဖို့နဲ့ မေတ္တာပွါးပေးဖို့
လျောက်ထားပြီး ဘုန်းကြီးကို
သက်တမ်းရှည်အောင် သူပေါင်နဲ့
ပေါင်တစ်ဖက်ချင်း လဲဖို့လျောက်ထားတယ် ။
ဘုန်းကြီးက တကာ့ပေါင်ကို ပြပါဦးလို့ဆိုတော့
ဝိဇ္ဇာဓိုလ်ကသူ့ပေါင်ကိုပြတယ်။
ဒါနဲ့ ဘုန်းကြီးက
"တကာဦးကျော်ရေ ....ပေါင်တစ်ဖက်မည်း
တစ်ဖက်ဖြူနဲ့ မဖြစ်သေးပါဘူး...."
လို့ ပြန်ပြောလိုက်တယ် ။
ခဏကြာတော့ လက်အုပ်ချီရင်း
ကောင်းကင်ပေါ် ပျံတက်သွားတယ် ။
ကပ္ပိယကြီးတွမ်မှုံ
ဘုန်းကြီးကိုကြည်ညိုလို့ အနီးနားရွာကနေ
လာပြီးဝေယျာဝစ္စတွေ လုပ်ကိုင်ပေးနေတဲ့ ဂေါရခါးလူမျိုး " တွမ်မှုံ" ဆိုတဲ့
ကပ္ပိယကြီး တစ်ယောက်ရှိတယ် ။
နောက် မကျန်းမာဖြစ်ပြီး ကွယ်လွန်သွားတယ်။
တနေ့ ဘုန်းကြီးနေပူစာလှုံနေတုန်း
လက်ပေါ်ကိုငှက်ကလေးတစ်ကောင်
လာနားတယ် ။
ကြည့်လိုက်တော့ တွမ်မှုံ ဖြစ်နေတယ် ။
ဒါနဲ့ ဘုန်းကြီးက
"ဟဲ့ နင်တွမ်မှုံ မဟုတ်လား...." လို့
ပြောလိုက်တော့ ကျိကျော် ကျိကျော်လို့
အော်ပြီးပြန်ထွက်သွားတယ် ။
တော်ကြာ အနီရောင်ငှက်လေးဖြစ်လိုက်
အပြာရောင်ငှက်လေးဖြစ်လိုက်နဲ့
ငှက်ဘဝ ခြောက်ခါလောက်ဖြစ်တယ် ။
တွမ်မှုံ မလာတာကြာလို့ ဘယ်ဘဝများ
ရောက်နေပါလိမ့်လို့ ဘုန်းကြီးတွေးနေတုန်း
နေပူမှာလှမ်းထားတဲ့ သင်္ကန်းပေါ်မှာ
ကင်းခြေများကြီးတစ်ကောင်
ရောက်နေတာတွေ့ရတယ်။
တွမ်မှုံ က ကင်းခြေများဖြစ်နေတာကိုး .
ဒါနဲ့ ဘုန်းကြီးက
" ဟဲ့ တွမ်မှုံ . နင့်ကို.
သူများနင်းမိရင်လည်း မကောင်းဘူး .
နင်းမိလို့ ပြန်ကိုက်ရင်လည်း မကောင်းဘူး
ငါ့ကျောင်းကို ဧည့်သည်တွေလာ
ကြလိမ့်မယ် သွားတော့...."လို့ပြောတော့
တလှုပ်လှုပ်နဲ့ ပြန်ထွက်သွားတယ် ။
ကင်းခြေများဘဝကနေ
အတော်လေးကြာတော့
မြွေစိမ်းလေးဖြစ်လိုက် အနီလေးဖြစ်လိုက်နဲ့
တစ်နေ့ ရေအိုးစင်မှာရေသောက်နေတုန်း
ခြေထောက်ကို ခေါင်းနဲ့လာထိနေလို့
ကြည့်လိုက်တော့ တွမ်မှုံဖြစ်နေတယ်
မြွေမဘဝရောက်နေပြန်တယ်။
ခဏကြာတော့ နောက်ဆုတ်နောက်
ဆုတ်နဲ့ကျောင်းဝကိုပြန်ထွက်သွားတယ်
သူ့လင်နဲ့ သားနှစ်ကောင်က
မဝင်ရဲလို့ ကျောင်းခြံဝမှာ
ကျန်ခဲ့တာကို သွားခေါ်လာပြီး
မြွေလေးကောင်ကဘုန်းကြီးခြေထောက်ကို
ခေါင်းတွေနဲ့ထိထိပြီး
ကန်တော့နေကြတယ် ။
ကန်တော့ပီးတဲ့အခါ
နောက်ဆုတ် နောက်ဆုတ်နဲ့
ပြန်ထွက်သွားကြတယ် ။
ခုတော့ ဘယ်ဘဝတွေ ရောက်နေမှန်းတောင်
မသိတော့ဘူး။
အတူနေခဲ့ဖူးတဲ့ သံယောဇဉ်ပါပဲ ။
ဘုန်းကြီးပြောချင်တာက လူ့ဘဝကနေ
တိရစ္ဆာန်ဘဝကို ရောက်သွားရင်
တော်တော်နဲ့ လူပြန်မဖြစ်တော့ဘူး။*
ဒါ့ကြောင့် ရခဲတဲ့လူ့ဘဝရောက်တုန်းမှာ
ဒါန သီလ ဘာဝနာကို မမေ့ကြနဲ့
ကုသိုလ်များများလုပ်ကြဖို့
ဘုန်းကြီးတိုက်တွန်းပါတယ်။
တောင်တန်းသာသနာပြုဆရာတော်ကြီး ဦးဥတ္တမသာရ
#သစ္စာရှင်
#မြတ်ဗုဒ္ဓ၏သာသနာ page
#မေတ္တာဖြင့်ပြန်လည်မျှဝေသည်
#Credit
Bhonemyatthu
No comments:
Post a Comment