လက်ယာတော်ရံ အရှင်သာရိပုတ္တရာရဲ့
ကြည်ညို အတုယူဖွယ် စိတ်ဓာတ်ကောင်း
🙏🙏🙏🙏🙏🙏🙏🙏🙏🙏
လောကမှာ အပြစ်တွေ့လို့ သတိပေး
ပြောကြားရင်လည်း လက်ခံတဲ့ပုဂ္ဂိုလ် ဖြစ်ရပါမယ်။အချက်က အင်မတန်ခက်တယ်။
ခက်တာက လူတွေမှာ မာနရှိတယ်။
မာန ရှိတဲ့အတွက်ကြောင့် ကိုယ့်ထက်ငယ်တဲ့
ပုဂ္ဂိုလ်က ပြောရင် လက်မခံကြဘူး။
ကိုယ့်အောက်ငယ်တဲ့ သူက ပြောရင်
ဘေးဖယ်ထားကြတယ်။
တချို့က သူများကိုတော့
ကိုယ်က ဆုံးမတတ်တယ်။
ကိုယ့်ကို ဆုံးမရင်တော့
“ ငါပြောသလိုလုပ် လျှာမရှည်နဲ့တဲ့၊ ”
ကိုယ့်ကို လာပြောရင် မကြိုက်တဲ့
သူက ပိုများကြပါတယ်။ အဲဒါမျိုး မဖြစ်စေရပါ။
ဒီနေရာမှာ ……
အရှင်သာရိပုတ္တရာရဲ့ စိတ်ဓာတ်ဟာ
အင်မတန်မှ အတုခိုးစရာ ကောင်းပါတယ်။
ပညာရှိ ပီသပါတယ်။
အရှင်သာရိပုတ္တရာ မထေရ်မြတ်ဟာ
တခါတုန်းက သင်္ကန်းရုံထားတာလေးက
မညီမညာ တွဲလောင်းလေး ကျနေတော့
ကိုရင်လေး တစ်ပါးက လျှောက်တယ်တဲ့။
“ အရှင်ဘုရား၊ ဟောဒီမှာ သင်္ကန်းလေး
တွဲလောင်းလေး ကျနေတယ် ” ။
အရှင်သာရိပုတ္တရာ မထေရ်မြတ်က
ကိုရင်လေး ပြောတဲ့အတိုင်း ဟုတ်နေတော့
သင်္ကန်းလေးကို သူပြင်ရုံပြီး လက်အုပ်လေးချီကာ
“ ညီသွားပြီလား ” ဟု ပြန်မေးသတဲ့။
ကိုရင်လေးကလည်း ညီသွားပြီ ပြန်ဖြေတော့
“ ကျေးဇူးတင်တယ် ကိုရင်၊ ” လို့
ကိုရင်ပေါက်စလေးက သတိပေးတာကို
လက်ခံတယ်။
လက်ခံပြီးတော့ သံဃပရိတ်သတ် ကြားထဲမှာ
ပြောတာက “ ဒီကနေ့မှ ကိုရင်ဖြစ်လာပြီး
အသက်အရွယ်ကလည်း (၇) နှစ်ပဲ ရှိသေးတယ်။
အဲဒီ (၇) နှစ်အရွယ် ကိုရင်လေးက သူ့ကို
ဆုံးမ သြ၀ါဒ ပေးမယ် ဆိုရင်တောင်
ဦးထိပ်ပန်ဆင်ပါ့မယ် ”လို့ ပြောပါတယ်။
အဲဒီတော့ မိတ်ကောင်း ဆွေကောင်းကို
အင်မတန် တန်ဖိုးထားတယ် ဆိုတဲ့
အဓိပ္ပာယ် ပေါ်လွင်ပါတယ်။
သူများက ဆုံးမရင်လည်း လက်ခံနိုင်ရပါမယ်။
လက်ခံနိုင်တာက မိတ်ကောင်း ဆွေကောင်း
အင်္ဂါရပ်ပါ။
ဒါကြောင့် တရားချစ်ခင် တရားကျင့်ကြံ
အားထုတ်နေကြတဲ့ ဓမ္မမိတ်ဆွေအပေါင်းကလည်းမိတ်ကောင်း ဆွေကောင်း အင်္ဂါရပ် မွေးမြူ ပြီး ဘဝမြင့်မြတ်သထက် မြင့်မြတ်ပြီး
မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။
ပါချုပ်ဆရာတော်ဘုရားကြီး
ဒေါက်တာ နန္ဒမာလာဘိဝံသ
🙏🙏🙏🙏🙏🙏🙏
Credit.....
No comments:
Post a Comment