~~~~~~~~~~~~~
- ချစ်တာနဲ့ မေတ္တာဟာ တူသလိုနဲ့ ကွဲပြားလှပါတယ်။
- ချစ်တာက သံယောဇဉ်ကို အရင်းခံပြီး မေတ္တာကတော့ အကျိုးလိုလားမှုကို အရင်းခံပါတယ်။
- သံယောဇဉ်ဟာ ပူလောင်စေတတ်ပြီး အကျိုးလိုလားမှုကတော့ အေးမြစေတတ်ပါတယ်။
- ပိုင်ဆိုင်ချင်တာ၊ ရယူချင်တာ၊ ထိန်းချုပ်ချင်တာ၊ မနာလိုတာ၊ သဝန်တိုတာ စတာတွေဟာ အချစ်ရဲ့ သင်္ကေတ သဘောတွေဖြစ်ပြီး ကြီးပွားစေချင်တာ၊ အန္တရယ်ကင်းစေချင်တာ၊ ကိုယ်ကျန်းမာ၍ စိတ်ချမ်းသာစေချင်တာ စတာတွေဟာ မေတ္တာရဲ့ သင်္ကေတ သဘောတွေ ဖြစ်တဲ့အတွက် အချစ်နဲ့ မေတ္တာဟာ အပူနဲ့ အအေးလို ကွားခြားလှပါတယ်။
- အချစ်ကို ရှေ့တန်းတင်ထားရင် ကိုယ်ကချစ်လိုက်ချင်တာရယ်၊ ကိုယ့်ကို ချစ်စေချင်တာတွေရယ်ကြောင့် လိုတာကို မရတဲ့အခါ ပူလောင်ခံစားရတတ်ပေမယ့် မေတ္တာကို ရှေ့တန်းတင်ထားရင်တော့ ကိုယ့်အတွက်မပါ၊ အများအကျိုးကိုသာ လိုလားခြင်း သက်သက်ဖြစ်နေတဲ့အတွက် အများချမ်းသာလေ ကိုယ်လည်းဝမ်းသာလေ ဖြစ်တော့တာပါပဲ။
- ဒါကြောင့် အချစ်တွေများဖို့ထက် မေတ္တာပွားဖို့က ပိုလိုအပ်ပါတယ်။ အချစ်တွေများရင် ပိုင်ဆိုင်ချင်တာတွေ များတတ်ပေမယ့် မေတ္တာများရင်တော့ အကျိုးလိုလားမှုတွေ များစေတဲ့အတွက် တစ်ဦးနဲ့တစ်ဦး အချစ်များဖို့ထက် မေတ္တာထားနိုင်အောင် ကြိုးစားကြရမှာ ဖြစ်ပါတယ်။
မေတ္တာဖြင့်
#မနာပ_ဒါယီ_ကိုရီးယားဆရာတော်_အရှင်ဝိစိတ္တ
No comments:
Post a Comment