မိမိသည်ပင်လျှင် မိမိရဲ့အားကိုးရာ
__________🌾🌹🌾__________
မိမိသည်ပင်လျှင် မိမိရဲ့အားကိုးရာ။
မိမိမှတစ်ပါး အခြားသောပုဂ္ဂိုလ်တွေဟာမိမိအတွက် အားကိုးရာ မဖြစ်နိုင်ဘူး။
ကိုယ့်ကိုယ်ကို ကောင်းကောင်း
ဆုံးမခြင်းအားဖြင့် ရနိုင်ခဲသော
အားကိုးရာကို ရနိုင်ပါတယ်-တဲ့။
"မိမိသည်ပင်လျှင် မိမိရဲ့ အားကိုးရာ။"
အင်မတန် မှန်တဲ့ စကားပဲ။
အပေါ်ယံပဲ တွေးတွေး
လေးလေးနက်နက်ပဲတွေးတွေး
လောကရေးရာနဲ့ပဲ တွေးတွေး
ဓမ္မရေးရာနဲ့ပဲ တွေးတွေး
ကျုယျသာလြှငျ ကိုယ့်အတွက်
အားကိုးရာဆိုတဲ့စကားဟာ
အင်မတန် မှန်တယ်။
ကိုယ်စားမှ ကိုယ်ဝ
ကိုယ်သွားမှ ကိုယ်ရောက်
ကိုယ်လုပ်မှ ကိုယ်ရ၊ ဟုတ်ရဲ့လား။
တစ်ပါးသောသူတွေက
ကိုယ့်ကို ကူညီနေတာတွေ
ပေးကမ်းနေတာတွေ
ဖေးမနေတာတွေ၊ ကျေးဇူးပြုနေတာတွေ
မရှိဘူးလို့ မဆိုလိုပါဘူး။
ရှိပါတယ်၊ အဲဒါတွေလည်း ရှိပါတယ်။
သေသေချာချာ တွေးကြည့်စမ်းပါ---
အဲ့ဒီ တစ်ပါးသောသူတွေက ကိုယ့်ကို ကူညီနေတာတွေ ပေးကမ်းနေတာတွေ စောင့်ရှောက်နေတာတွေဟာ အလကား စောင့်ရှောက်နေတာလားဆိုတော့ မဟုတ်ဘူး။
ကူညီစရာကောင်းတဲ့ အရည်အသွေး
ပေးကမ်းချင်စရာကောင်းတဲ့ အရည်အသွေးကိုယ့်မှာ သူတို့စိတ်ထဲမှာ ပေးချင်စရာကူညီချင်စရာ၊ စောင့်ရှောက်ချင်စရာ
ရှိတဲ့ အရည်အသွေးကြောင့်
ကူညီနေကြတာ၊ စောင့်ရှောက်နေကြတာ။ ပရိသတ်ရေ ကျေးဇူးကန်းနေတာ မဟုတ်ဘူးနော်။
အဓိက,က ဘာ၊ သာမညက ဘာဆိုတာခွဲပြီးတော့ ပြောတာ။
ပေးတဲ့လူတွေ ကူညီတဲ့လူတွေကိုလည်းကျေးဇူးတင်လိုက်ပါ။
အဲဒါထက် ပိုပြီးတော့ ကိုယ့်ရဲ့အတွင်းသန္ဓာန်မှာ ပေးချင်စရာ၊ ကူညီချင်စရာကောင်းတဲ့
ကိုယ့်ရဲ့အရည်အသွေးလေးကို ပိုပြီးတော့ကျေးဇူးတင်လိုက်ပါ။
ပေးချင်စရာ ကူညီချင်စရာ မကောင်းရင်ဘယ်သူက ပေးမှာလဲ။
ကြည်ဖြူချင်စရာ မကောင်းရင် မိဘကတောင် သားသမီး အကြာကြီး မကြည်ဖြူပါဘူး။
အဲ့ဒီတော့ ကိုယ့်အတွက် တကယ်တန်းအားကိုးစရာက ကိုယ်ထဲမှာ ရှိတဲ့အရည်အသွေးကသာလျှင် ကိုယ့်အတွက် အားကိုရာ။
သစ္စာရွှေစည်ဆရာတော်
အားကိုးရာလား? ရန်သူလား?တရားတော်မှ ကူးယူ ပူဇော်သည်။
No comments:
Post a Comment