သဗ္ဗေ သင်္ခါရာ အနိစ္စာ
သင်္ခါရတရား မှန်သမျှ တို့သည်
အားလုံးပေါ့ အနိစ္စချည်းပဲ။
အနိစ္စသဘောနဲ့ ဖြစ်သွားရတဲ့ ကိစ္စမှာ
ကျန်ရစ်တဲ့ တပည့် သံဃာတော်များ
ဒကာ ဒကာမများရော
ပူဆွေးသောက မဖြစ်ကြပဲနဲ့
သင်္ခါရသဘောကို သိပြီးတော့
သံဝေဂ ယူကြ
သံဝေဂ ဆိုတာ
သံဝိဇ္ဇတီတိ သံဝေဂေါ
သံဝိဇ္ဇတိ ဧတေနာတိ ဝါ သံဝေဂေါ
သံဝိဇ္ဇနံ ဝါ သံဝေဂေါ
ထိတ်လန့်ကြောင်း ဖြစ်သောကြောင့်လည်း သံဝေဂပဲ
ထိတ်လန့်ခြင်းသည်လည်း သံဝေဂပဲ
ထိတ်လန့်တတ်တဲ့ အသိဉာဏ်သည်လည်း သံဝေဂပဲ
သံဝေဂေါတိ သဟောတ္တပ္ပဉာဏံ
ထိတ်လန့်ခြင်းနှင့်တကွ ဖြစ်သော အသိဉာဏ်
အဲဒီ အသိဉာဏ်ရောက်ပြီးတော့
ဉာဏ်နဲ့ ဆင်ခြင် လိုက်ရတယ်။
ဒီလို ဖြစ်တတ်ပါသလား
ဖြစ်တတ်ပါလား
သံဝေဂဖြစ်ရမယ်
သံဝေဂဖြစ်ပြီးတော့ ဒီလိုကိစ္စမျိုးမှာ။
သံဝေဂ ဖြစ်စရာအကြောင်း ၈-ချက်ရှိတယ်
မရဏသံဝေဂလို့လည်း ခေါ်မှာပေါ့
ဘာဖြစ်လို့လဲဆို
သံဝေဂဝတ္ထု ၈ ပါးရှိတယ်။
သံဝေဂဝတ္ထု ၈ ပါးရှိတာ
အဋ္ဌ သံဝေဂဝတ္ထူနိ နာမ ဇာတိ ဇရာ ဗျာဓိ မရဏာနိ စတ္တာရိ, အပါယဒုက်ခံ ပဉ္စမံ, အတီတေ ဝဋ္ဋမူလကံ ဒုက်ခံ, အနာဂတေ ဝဋ္ဋမူလကံ ဒုက်ခံ, ပစ္စုပ္ပန္နေ အာဟာရပရိယေဋ္ဌိမူလကံ ဒုက္ခန္တိ။
ဆိုပြီးတော့ ဒါတွေကို အကုန်လုံး မြင်ပြီးတော့ သံဝေဂ ရနေရမယ်။
အဲတော့ အပါယဒုက္ခကလည်း ပဉ္စမ
ဇာတိဒုက္ခ ဇရာဒုက္ခ ဗျာဓိဒုက္ခ မရဏဒုက္ခ
အဲဒါ ၄-ချက် ကလည်း သံဝေဂရစရာ။
အခု မရဏဒုက္ခနဲ့ တွေ့သွားရပြီ
တွေ့သွားတော့ ကျန်တဲ့သူတွေက
အဲဒီမရဏဒုက္ခအပေါ်မှာ သံဝေဂ ဖြစ်ကြ။
သံဝေဂဖြစ်ပြီးတော့
သံဝေဂ အသိဉာဏ်လေးနဲ့
ကောင်းနိုးရာရာ အဖြာဖြာ ဆရာသမားအပေါ်မှာ
အကြံဉာဏ်တွေလည်း ပေးကြ
ဆောင်ရွက်စရာ ရှိတာမှာ ညီညီညွတ်ညွတ် ဆောင်ရွက်ကြ
လိုအပ်တာရှိတာလည်း တဦးနဲ့ တဦး ပြောကြ ဆိုကြ တိုင်ပင်ကြ လုပ်ကိုင်ကြပေါ့လေ။
အဲတော့ ဆောင်ရွက်စရာ ရှိတာ ဆောင်ရွက်ဖို့ ညီညွတ်ဖို့ အဓိက
ညီညွတ်ခြင်းသည် အကောင်းဆုံးပဲ
အဲတော့ သမဂ်ဂါနံ တပေါ သုခေါ ဆိုတဲ့အတိုင်း
သမဂ္ဂဖြစ်ကြတဲ့ တပည့်တော်တို့ ကြခတ်ဝိုင်းဝံသ, ကြခတ်ဝိုင်းနဲ့ အနွယ်အဆက်တွေ အားလုံးဟာ
စပ်ရာ စပ်ရာ မှန်သမျှ အားလုံး
ဒကာ ဒကာမတွေပါမကျန်
ဒီနေရာမှာ သမဂ္ဂ ဖြစ်တယ်
အဲဒီ သမဂ္ဂပုဂ္ဂိုလ်တို့ရဲ့ ဆောင်ရွက်မှု မှန်သမျှ အကျင့် စသည်ဟာ တပ လို့ ခေါ်တယ်။
အဲဒီ သမဂ္ဂ ဖြစ်တဲ့ ပုဂ္ဂိုလ် ညီညီညွတ်ညွတ် ဆောင်ရွက်လိုက်ရင် သုခ ဖြစ်သွားလိမ့်မယ်
သမဂ်ဂါနံ တပေါ သုခေါ ဆိုတဲ့အတိုင်း
အတူတူ သမဂ္ဂ ပုဂ္ဂိုလ်များ အားလုံး စုံညီကြတဲ့ အတွက်ကြောင့်
မိမိတို့ ညီညီညွတ်ညွတ် ဆောင်ရွက်ခြင်းသည်
ချမ်းသာခြင်း အကြောင်း။
သုခဆိုလည်း သုခရဲ့ အကြောင်း။
စိတ်ချမ်းသာ ကိုယ်ချမ်းသာ အကုန်လုံး ဖြစ်ပေါ်တယ်။
သံဝေဂ ယူပြီးတော့ စိတ်ချမ်းသာ ကိုယ်ချမ်းသာ နဲ့ အကောင်းဆုံးဖြစ်အောင်
မိမိတို့ဉာဏ်မီသမျှ တင်ပြလျှောက်ထားပြီးတော့ ဆောင်ရွက်ကြပါ။
ကြခတ်ဝိုင်း ဆရာတော်ကြီး ဘဒ္ဒန္တဉေယျဓမ္မာဘိဝံသ။
၂၁-၆-၂၀၂၄
No comments:
Post a Comment