ဝင်းနိမ္မိတာရုံဆရာတော်၏ထေရုပ္ပတ္တိ

ဆရာတော်၏ ထေရုပ္ပတ္တိ

-🙏🙏🙏🙏🙏🙏🙏🙏🙏

ပဲခူးတိုင်းဒေသကြီး၊ ပဲခူးမြို့၊ ဝင်းနိမ္မိတာရုံကျောင်းတိုက် ပဓာနနာယကဆရာတော်

ဘဒ္ဒန္တမုနိန္ဒာဘိဝံသ- ထေရုပ္ပတ္တိအကျဉ်း

ဘွဲ့တော် -ဘဒ္ဒန္တမုနိန္ဒာဘိဝံသ။

ကျောင်းတိုက် -ဝင်းနိမ္မိတာရုံကျောင်းတိုက်၊ ကလျာဏီရပ်ကွက်၊ ပဲခူးမြို့၊ ပဲခူးတိုင်းဒေသကြီး။

#မွေးသက္ကရာဇ်

၁၃ဝ၈-ခုနှစ်၊ နတ်တော်လပြည့်ကျော် (၅)ရက်၊ သောကြာနေ့။

#ဇာတိရပ်ရွာ

ပဲခူးတိုင်းဒေသကြီး၊ သနပင်ပင်မြို့နယ်၊ ကုက္ကိုကျေးရွာ။

မယ်တော်, ခမည်းတော် တို့၏ အမည်

ဦးထွန်းရွှေ + ဒေါ်ကျေးရင်။

#ရှင်ရဟန်းပြုခြင်း

ဆရာတော်လောင်းလျာသည် ၁၃၁၉-ခုနှစ်၊ ဝါဆိုလဆန်း ၁၂-ရက်နေ့တွင် ပဲခူးတိုင်းဒေသကြီး၊ ပဲခူးမြို့၊ ကြခတ်ဝိုင်းကျောင်းတိုက် ပဓာန နာယကဆရာတော် ဘဒ္ဒန္တဇောတိပါလကို ဥပဇ္ဈာယ်ပြု၍ အဖွားတော် ဒေါ်ခင်နှင့် မိဘ နှစ်ပါးတို့၏ ပစ္စယာနုဂ္ဂဟကို ခံယူကာ ရှင်သာမဏေအဖြစ်သို့ ရောက်ရှိခဲ့ပါသည်၊

၁၃၂ရ-ခုနှစ်၊ နတ်တော်လပြည့်ကျော် ၄-ရက်၊ နံနက်(၈)နာရီအချိန်တွင် ပဲခူးတိုင်းဒေသကြီး၊ ပဲခူးမြို့၊ ကြခတ် ဝိုင်းပရိယတ္တိစာသင်တိုက် သီလဝိသောဓနီမည်သော ခဏ္ဍသိမ်၌ အရညဝါသီ ရွှေကျင်နိကာယ မဟာနာယက သက်တော်ရှည် မင်းကျောင်း ဆရာတော်ဘုရားကြီး ဘဒ္ဒန္တ ဇနိန္ဒကို ဥပဇ္ဈာယ်ပြု၍ ရန်ကုန်တိုင်းဒေသကြီး၊ ရန်ကုန်မြို့ တာမွေမြို့နယ်၊ ကျောက်မြောင်းရပ်၊ သတိပဋ္ဌာန်လမ်းနှင့် မဂ္ဂင်လမ်းထောင့်၊ အမှတ်-၄ရ (ယခု ကမ္ဘာအေးဘုရားလမ်း၊ အမှတ် ၈၀/ခ)နေ လက် ထောက်ကုန်သွယ်လုပ်ငန်းခွန်မင်းကြီး ဦးကျော်ဇင်+ဒေါ်ရင်မင်းမိသားစုတို့၏ ပစ္စယာနုဂ္ဂဟကို ခံယူကာ ရဟန်းအဖြစ်သို့ ရောက်ရှိတော်မူခဲ့ပါသည်။

#စာပေသင်ယူခြင်း

ဆရာတော်လောင်းလျာသည် လောကီအတန်းပညာကို မွေးဇာတိဖြစ်သော ကုက္ကိုရွာ ပြည်တော်သာကျောင်း၌ ၄-တန်း အောင်မြင်သည်အထိ သင်ကြားပြီးနောက် 

ပဲခူးမြို့ ကြခတ်ဝိုင်းကျောင်းတိုက်သို့ ရောက်ရှိကာ ပဓာန နာယက ဆရာတော် ဘဒ္ဒန္တ ဇောတိပါလ (အဘိဓဇ မဟာရဋ္ဌဂုရု၊ အဘိဓဇ အဂ္ဂမဟာသဒ္ဓမ္မဇောတိက၊ အဂ္ဂမဟာပဏ္ဍိတ၊ နိုင်ငံတော် ဩဝါဒါစရိယ၊ ရွှေကျင်နိကာယ ဥပဥက္ကဋ္ဌ မဟာနာယက တွဲဖက်ရွှေကျင်သာသနာပိုင်) နှင့် 

စာချဆရာတော်များဖြစ်ကြသော ဘဒ္ဒန္တ သာသန၊ ဘဒ္ဒန္တပညာသီဟ (ဓမ္မာစရိယ၊ ဝိနယပါဠိပါရဂူ)၊ ဘဒ္ဒန္တ ဝိလာသ၊ ဘဒ္ဒန္တ အာစာရာနန္ဒ (ဓမ္မာစရိယ၊ ဝိသိဋ္ဌ ဒီဃဘာဏက)(ရှမ်းပြည် အင်းလေး၊ ဝက်သားကင်ကျောင်းဆရာတော်)၊ ဘဒ္ဒန္တသောဘဏ (ဓမ္မာစရိယ၊ ဒီဃဘာဏက၊ ပဲခူး ရွှေအပ်ထပ်ကျောင်း ဆရာတော်) ဘဒ္ဒန္တသာသနရက္ခိတ (မွန်ပြည်နယ်၊ ကျိုက်ထိုမြို့နယ်၊ ကျိုက်ပိတောရကျောင်းဆရာတော်)၊ ကြခတ်ဝိုင်းတိုက်အုပ်ဆရာတော် ဘဒ္ဒန္တသိရိန္ဒာဘိဝံသ (ဝိနယာဓိက ပရိယတ္တိပထမကျော်၊ သ-စ-အ ဓမ္မာစရိယ၊ အင်္ဂုတ္တရနိကာယ ပါဠိပါရဂူ) (ပျံလွန်)၊ တိုက်အုပ်ဆရာတော် (ယခု ကြခတ်ဝိုင်း ဆဋ္ဌဆရာတော်)ဘဒ္ဒန္တ ဉေယျဓမ္မာဘိဝံသ (စေတိယင်္ဂဏ, အစိုးရ ဓမ္မာစရိယ၊ ပိဋကတ္တယပါရဂူ၊ အဂ္ဂမဟာဂန္ထဝါစကပဏ္ဍိတ၊ အဂ္ဂမဟာပဏ္ဍိတ)၊ မန္တလေးမြို့ မဟာအောင်မြေမြို့နယ် မဟာ ဝိသုဒ်ဓါရုံတိုကျသဈ စည်ရှင်ကျောင်း စာချဆရာတော် ဘဒ္ဒန္တ ဓမ္မာဝုဓာဘိဝံသ (သကျသီဟ, အစိုးရ ဓမ္မာစရိယ၊ ဂန္ထကာရက)၊ မန္တလေးမြို့ မဟာအောင်မြေ မြို့နယ် အဘယာရာမရွှေဂူတိုက်နှင့် အမေရိကန် နိုင်ငံ၊ ကယ်လီ ဖိုးနီးယားပြည်နယ်၊ ဟာ့ဖ်မွန်ဗေးမြို့၊ ဓမ္မာနန္ဒဝိဟာရကျောင်းတိုက်တို့ ၏ ပဓာနနာယက၊ အပြည်ပြည် ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ် ပါမောက္ခချုပ်၊ ကမ္ဘာ့ဗုဒ္ဓသာသနာပြုဆရာတော် ဒေါက်တာ ဘဒ္ဒန္တသီလာနန္ဒာဘိဝံသ (သကျသီဟ, အစိုးရ ဓမ္မာစရိယ၊ ဘာသန္တရဆေက၊ တိပိဋက ပါဠိမြန်မာအဘိဓာန်ကျမ်းပြု၊ D. Litt) တို့၏ အထံတော်၌ ပရိယတ္တိကျမ်းစာ အဖြာဖြာနှင့်တကွ ဘာသန္တရစာပေများကိုပါ လေ့လာသင်ကြားခဲ့ပါသည်။

#အောင်မြင်ခဲ့သည့်(အမြင့်ဆုံး)စာမေးပွဲနှင့် ခုနှစ်

ပဲခူးမြို့ ဝိနယာဓိကပရိယတ္တိအသင်းစာမေးပွဲ ပထမကြီးတန်း (ပထမ) (ဝိနယာဓိက ပရိယတ္တိပထမကျော်ဘွဲ့)၊

(၁၃၂၄-ခုနှစ်)။ နိုင်ငံတော်အစိုးရ ပါဠိပထမပြန်စာမေးပွဲ ပထမကြီးတန်း (ပထမ) ( နိုင်ငံတော် အစိုးရပထမကျော်ဘွဲ့)၊ (၁၃၂၄ခုနှစ်)

နိုင်ငံတော်အစိုးရ ဓမ္မာစရိယစာမေးပွဲ ကျမ်းရင်း(၃)ကျမ်း (ဒုတိယ အမှတ်အများဆုံးနှင့် တစ်နှစ်တည်း နှစ်ချင်း ပေါက် အောင်မြင်သူတို့တွင် ပထမ)၊ (သာသနဓဇ ဓမ္မာစရိယဘွဲ့)၊ (၁၃၂၅-ခုနှစ်)။

နိုင်ငံတော်အစိုးရ ဂုဏ်ထူးဆောင်ဓမ္မာစရိယ စာမေးပွဲ (အင်္ဂုတ္တရနိကာယပါဠိ ပါရဂူဘွဲ့)၊ (၁၃၂၆-ခုနှစ်)။ (အထက်ပါ စာမေးပွဲတို့ကို သာမဏေဘဝဖြင့်ပင် အောင်မြင်တော်မူခဲ့ပါသည်။)

ရန်ကုန်မြို့ စေတိယင်္ဂဏ ပရိယတ္တိဓမ္မာနုဂ္ဂဟအသင်း စာမေးပွဲ စာသင်တန်း (ပထမ)၊ (၁၃၂ရ-ခုနှစ်။)

မန္တလေးမြို့ ပရိယတ္တိသာသနဟိတ (သကျသီဟ)အသင်းစာမေးပွဲ စာသင်တန်း (ဒုတိယ) (၁၃၂၈-ခုနှစ်)။

ရန်ကုန်မြို့ စေတိယင်္ဂဏ ပရိယတ္တိဓမ္မာနုဂ္ဂဟအသင်းစာမေးပွဲ စာချတန်း (ဒုတိယ)၊ (စေတိယင်္ဂဏပရိယတ္တိဓမ္မာစရိယ ဂဏဝါစကဘွဲ့)၊ (၁၃၃ဝ-ပြည့်နှစ်)

မန္တလေးမြို့ ပရိယတ္တိ သာသနဟိတ (သကျသီဟ)အသင်းစာမေးပွဲ စာချတန်း (ပထမ) (ပရိယတ္တိသာသနဟိတဓမ္မာစရိယဘွဲ့)၊ (၁၃၃၁-ခုနှစ်)။

နိုင်ငံတော်အစိုးရ တိပိဋကဓရရွေးချယ်ရေးစာမေးပွဲတွင် သုတ္တန္တပိဋက ဒီဃနိကာယ်(၃)ကျမ်း အာဂုံပြန်ဆို အောင်မြင်၊ (ဒီဃဘာဏကဘွဲ့)၊ (၁၃၄၂-ခုနှစ်)။

ဆရာတော်သည် မန္တလေးမြို့ ပရိယတ္တိသာသနဟိတ (သကျသီဟ)အသင်းကြီးမှ နှစ် (၁ဝဝ)ပြည့် အထိမ်း အမှတ်အဖြစ် ဆက်ကပ်လှူဒါန်းသော ပရိယတ္တိ သာသနဟိတဓရ ဂုဏဝိသိဋ္ဌ ဘွဲ့တံဆိပ်တော်ကိုလည်း အလှူခံ ရရှိ တော်မူခဲ့ပါသည်။

#စာပေပို့ချခြင်း

၁၃၂၂-ခုနှစ်၊ နိုင်ငံတော်အစိုးရစာမေးပွဲ ပထမလတ်တန်းကို အားထုတ်နေစဉ် အသက် (၁၄)နှစ်သားအရွယ်မှာပင်ကျေးဇူးတော်ရှင် ကြခတ်ဝိုင်းဆရာတော်ဘုရားကြီး၏ အနီးကပ် ကြီးကြပ်မှုဖြင့် ပဲခူးမြို့ ရွှေခြူး ဝိနယာနုဂ္ဂဟစာမေးပွဲ (ယခုဝိနယတံခွန်စာမေးပွဲ) သာမဏေရသီလသိက္ခာတန်းဝင် ရှင်သာမဏေ အပါး(၂ဝ)ကျော်တို့အား ရှင့်ကျင့်ဝတ်ကျမ်းစာကိုစတင် သင်ကြား ပို့ချပေးခဲ့ရပါသည်။ 

၁၃၂၃-ခုနှစ်တွင် ပထမငယ်တန်းဝင် ရဟန်း, ရှင်တို့အား ကစ်စညျးသဒ်ဒါကွီးကမြျးစာကိုပို့ခြ သင်ကြားပေးခဲ့ရပါသည်။ ထိုမှစ၍ တစ်ဆက်တည်းပင် တိပိဋကဓရ ရွေးချယ်ရေးစာမေးပွဲ အပါအဝင် ရန်ကုန်, မန္တလေး,မော်လမြိုင်, သထုံ စသည့် မြန်မာနိုင်ငံအရပ်ရပ်ရှိ စာမေးပွဲများအတွက် စာချတန်း, စာသင်တန်း အတန်းစုံ၊ နေ့ဝါ ညဝါ

ကျမ်းစာစုံတို့ကို နှစ်ပေါင်းရှည်ကြာ ပို့ချသင်ကြားပေးခဲ့ပါသည်။

၁၃၆၅ (၂ဝဝ၃)ခုနှစ်တွင် ပဲခူးမြို့၊ ကလျာဏီရပ်ကွက်၌ ဝင်းနိမ္မိတာရုံကျောင်းတိုက်ကို စတင် တည်ထောင်ပြီး

 စာသင်သံဃာတော် အပါး (၂ဝဝ)ကျော်တို့အား ပရိယတ္တိကျမ်းစာများကို ဆက်လက်သင်ကြား ပို့ချပေးတောျမူခဲ့သညျ။

#သာသနာရေးဆောင်ရွက်ချက်များ

ဆရာတော်သည် သံဃာအပါး (၁၀၀၀), (၁၀၀၀)ကျော်အထိ သီတင်းသုံး သာသနာပြုရာ ကြခတ်ဝိုင်း ပရိယတ္တိ စာသင်တိုက်ကြီး၌ စာချဘုန်းကြီး၊ ကျောင်းဆောင် နာယကဘုန်းကြီး၊ တိုက်ကြပ်ဘုန်းကြီး၊ တိုက်အုပ်ဘုန်းကြီးအဖြစ်ဖြင့် အဆင့်ဆင့်တာဝန်များကို ယူလျက် သံဃာတော်များနှင့်စပ် အရပ်ရပ်သောကိစ္စ၊ ကျေးဇူးရှင် ဆရာတော်ဘုရားကြီး၏ ကျန်းမာရေးကိစ္စ စသည်တို့ကို စိတ် စေတနာ သဒ်ဓါတရား အပြည့်အဝထားလျက် နှစ်ပေါင်းရှည်ကြာ ဆောင်ရွက်ခဲ့ပါသည်။ မြန်မာပြည်တစ်ပြည်လုံးသာမက ကမ္ဘာ့နိုင်ငံအနှံ့သို့ ရောက်ရှိ၍ ကျောင်းထိုင် ပဓာနနာယက ဆရာတော်, စာချဆရာတော်, ဓမ္မကထိကဆရာတော်, ကမ္မဋ္ဌာနာစရိယဆရာတော် စသည်ဖြင့် သာသနာ့တာဝန်များကို ကိုယ်စီကိုယ်င စွမ်းနိုင်သမျှ ထမ်း ဆောင်နေကြသော ကြခတ်ဝိုင်းနွယ်ဖွား ဝံသသံဃာတော်များ၏ ဥက္ကဋ္ဌအဖြစ် ကျရာတာဝန်များကိုလည်း ဆောင်ရွက်တောျမူခဲ့သညျ။

ထို့ပြင် ပထမပြန်နှင့် ဓမ္မာစရိယစာမေးပွဲများ ကြီးကြပ်ရေးအဖွဲ့ အဖွဲ့ဝင်၊ ထပ်ဆင့် ကြီးကြပ်ကွပ်ကဲရေးအဖွဲ့ အဖွဲ့ဝင်၊ ပဲခူးတိုင်း ပထမပြန်စာမေး ပွဲ ကျင်းပရေး ဗဟိုအဖွဲ့ခွဲ အဖွဲ့ ဝင်။ ပဲခူးတိုင်း ကျောင်းထိုင်ဘုန်းကြီး သင်တန်းကျောင်း စတင် ဖွင့်ချိန်မှစ၍ နာယကအဖွဲ့ဝင် အဖြစ်ဖြင့်လည်း သာသနာတော်ဆိုင်ရာ တာဝန်များကို ဆောင်ရွက်ခဲ့ပါသည်။

ဆရာတော်သည် သံဃာ့အဖွဲ့အစည်း အဆင့်ဆင့်၌လည်း ပထမအကြိမ်၌ မြို့နယ်/ တိုင်း ဝိနည်းဓိုရ်၊ ဒုတိယ အကြိမ် နောက်ပိုင်း ၂နှစ်တာကာလ ၌ မြို့နယ် သံဃနာယက အဖွဲ့ (ရွှေကျင်) အကျိုးတော်ဆောင်၊ တတိယအကြိမ်၌လည်း မြို့နယ်သံဃနာယကအဖွဲ့ (ရွှေကျင်) အကျိုးတော်ဆောင်အဖြစ် ဆောင်ရွက်ခဲ့ပြီး၊

တတိယအကြိမ် နောက်ပိုင်း ၂ နှစ်တာကာလမှစ၍ ဆဋ္ဌအကြိမ်တိုင်အောင် တိုင်း သံဃနာယအဖွဲ့(ရွှေကျင်) အကျိုး တော်ဆောင်အဖြစ် ဆောင်ရွက်ခဲ့ပြီး နိုင်ငံတော် ဗဟိုသံဃာ့ဝန်ဆောင်၊ နိုင်ငံတော်ဝိနည်းဓိုရ်တာဝန်တို့ကိုလည်း ဆောင်ရွက်ခဲ့ပါသည်။ နိုင်ငံတော်သံဃမဟာနာယကအဖွဲ့ အဖွဲ့ဝင်အဖြစ်လည်း ၈နှစ်တိုင်တိုင် ဆောင်ရွက်တော်မူခဲ့သည်။

#ရဟန်းရှင်လူတို့အကျိုးသယ်ပိုးဆောင်ရွက်ချက်များ

ဆရာတော်သည် သာသနာတော်အကျိုးကိုသာမက လောကအကျိုးကို သယ်ပိုး တော်မူသည့်အနေဖြင့် မိမိ၏ ဇာတိရပ်ရွာဖြစ်သော ပဲခူးတိုင်း သနပ်ပင်မြို့နယ် ကုက္ကိုကျေးရွာရှိ ဟောင်းနွမ်းပျက်စီးနေသော အခြေခံပညာ မူလတန်း ကျောင်း (တွဲဖက်အလယ်တန်းကျောင်း)ကို ပေ ၁၄ဝ-၃ဝ အာစီ အုတ်တိုက်အဖြစ် လွန်ခဲ့သော ၁ဝ-နှစ်ခန့်က ကျပ်ငွေ ဆယ် သိန်း တိတိ မတည်ပြီး ပဲခူး, သနပ်ပင်, ရန်ကုန်, မန္တလေး, မော်လမြိုင်, တောင်ကြီးစသော မြို့ရွာများမှ ဆရာတော်၏ ဒကာ, ဒကာမများ၊ ကုက္ကိုကျေးရွာ ဒကာ, ဒကာမများ၏ ထည့်ဝင်လှူဒါန်းငွေ၊ နိုင်ငံတော်အစိုးရမှ ပံ့ပိုးငွေတို့ဖြင့် လအနည်းငယ် အတွင်း ဦးဆောင်ဆောက်လုပ်လျက် လှူဒါန်းခဲ့သည့်ပြင် ငွေပင်ငွေရင်း သိန်း(၃ဝ)ကျပ်တိတိကိုလည်း စိုက်ထူ လှူဒါန်း ခဲ့ပါသည်။

ကျေးရွာသူကျေးရွာသားများ တစ်ပိုင်းနှင့်တစ်ပိုင်း လွယ်ကူစွာ ဖြတ်သန်းသွားလာနိုင်ရန်အတွက် တံတားကြီး ၂- စင်းကိုလည်း ဆောက်လုပ် လှူဒါန်းခဲ့ပါသည်။

ယခုအခါ အထက်တန်းကျောင်းခွဲဖြစ်နေပြီးဖြစ်သော ထိုဇာတိကျေးရွာကျောင်း၌ ဝင်းရတနာကျောင်း ဆောင်အမည်ရှိ ပေ (၆ဝ+၃ဝ)ကျောင်းဆောင်တစ်ဆောင်နှင့် ဝန်ထမ်းအိမ်ရာတစ်ဆောင်တို့ကိုလည်း ဆောက်လုပ် လှူဒါန်းခဲ့ပါသည်။ ကလေးငယ်များနှင့် ဆရာ, ဆရာမတို့အတွက် လိုအပ်သည့် ထိုင်ခုံစသောအသုံးအဆောင်များနှင့်ဘိုထိုင်အိမ်သာများကိုလည်း ဆောင်လုပ်လှူဒါန်းခဲ့ပါသည်။ ထို့ပြင် နှစ်စဉ် နှစ်စဉ် ကျောင်းသား ကျောင်းသူ (၅ဝဝ)ကျော် (၆ဝဝ)ကျော်တို့အား ဗလာစာအုပ်၊ ဘောလ်ပင်၊ မုန့်ပဲသရေစာများနှင့် ဝတ္ထုငွေများကို သွားရောက်လှူဒါန်းခြင်း၊ ပညာရေးစုံညီပွဲတော်များ၌ ဆုရကျောင်းသူ ကျောင်းသားများအား ထိုက်တန်စွာ ဆုငွေများ ပေးအပ်လှူဒါန်းခြင်း၊ ကျေးရွာရှိ သက်ကြီးရွယ်အိုများနှင့် ဆရာ, ဆရာမတို့အားထိုက်တန်စွာ လှူဒါန်းခြင်းတို့ကိုလည်း ပြုလုပ်ခဲ့ပါသည်။

ပဲခူးမြို့၊ ကလျာဏီရပ်ကွက်သို့ ပြောင်းရွှေ့၍ ဝင်းနိမ္မိတာရုံကျောင်းတိုက်ကို တည်ထောင်ပြီးနောက် ကလျာဏီရပ်ကွက် ယမင်းရပ်ကွက်တွင် တည်ရှိသော အ၊လ၊က [၄]ကို အ ထ က (၂)ခွဲဖြစ်အောင်၊ ထိုမှတဆင့် အ ထက ဖြစ်အောင် ဝိုင်းဝန်းဆောင်ရွက်ပေးခြင်း။ ပေ (၁ဝဝဝ)ကျော်ရှည်လျားသည့် ကလျာဏီရပ်ကွက် အနောက်မင်းလမ်း မကြီးကို ကွန်ကရစ်လမ်းဖြစ်အောင် ကိုယ်တိုင် သိန်း (၂ဝ)ကျော် ပါဝင်လှူဒါန်း၍လည်းကောင်း၊ ကလျာဏီ (ဂ)လမ်း ကိုလည်း ကွန်ကရစ်လမ်းဖြစ်အောင် ကိုယ်တိုင် သိန်း (၂ဝ)တိတိ ပါဝင် လှူဒါန်း၍ လည်းကောင်း၊ အရှေ့ မင်းလမ်းမကြီး ကို လည်း ဂဝံလမ်းဖြစ်အောင်, ထိုမှတဆင့် ကွန်ကရစ်လမ်းဖြစ်အောင် ကိုယ်တိုင် သိန်း (၄ဝ)တိတိကျော်ပါဝင် လှူဒါန်း၍လည်းကောင်း၊ ဦးစီးဦးဆောင်ပြု၍လည်းကောင်း ဆောင်ရွက်ပေးခဲ့ခြင်း၊ ရန်ကုန်+မန္တလေး လမ်းမကြီးမှ ဝင်းနိမ္မိ တာရုံကျောင်းတိုက်သို့အဝင် ပေ ၁၂ဝဝ-ကျော်ရှိသောလမ်းကို ကွန်ကရစ်လမ်းဖြစ်အောင် ဦးဆောင်ဆောင်ရွက်ပေး ခြင်း၊ ကလျာဏီရပ်ကွက်ရှိ (၁)လမ်းမှ (၆)လမ်းအထိ ကြားလမ်းများကိုလည်း တစ်လမ်းလျှင် သိန်း (၂ဝ)ကျော်စီ မတည်လှူဒါန်းလျက် ကွန်ကရစ်လမ်းများဖြစ်အောင် ဦးဆောင်ဆောင်ရွက်ပေးခြင်း၊ကလျာဏီ (၄)ရပ်ကွက်အတွင်း လမ်းကူးတံတားများ တည်ဆောက်ပေးခြင်း၊ ကွန်ကရစ်မီးတိုင်များ စိုက်ထူ လှူဒါန်းခြင်း၊ နဂါးလိန်ရပ်ကွက်, ပြည်တော် သာရပ်ကွက် ဆွမ်းလောင်းဓမ္မာရုံတို့တွင် အလှူငွေများ ထည့်ဝင်လှူဒါန်းခြင်း၊ လိုအပ်နေသော အမိုးသစ်များ လှူဒါန်း ခြင်း၊ နာဂစ်မုန်တိုင်း ဒဏ်ခံရသော ဧရာဝတီတိုင်းဒေသကြီး, ရန်ကုန်တိုင်းဒေသကြီးတို့မှ ဒုက္ခသည်များထံ ဦးဆောင် ဦးရွက် ပြုလျက် ၃ခေါက်တိတိ သွားရောက်ပြီး လိုအပ်နေသော ဆန်, ဆီ, ဆား စသည်တို့ကို လှူဒါန်းရာတွင် မိမိ ကိုယ်တိုင် သိန်း (၅ဝ) ကျော် ပါဝင်လှူဒါန်းခဲ့ခြင်း၊ ၁၃ရ၁ (၂ဝ၁ဝ)ခုနှစ် နွေရာသီတွင် သောက်ရေ သုံးရေ ပြတ်လပ်၍ အတိဒုက္ခ ရောက်နေ ကြသော သနပ်ပင်မြို့နယ်၊ ကဝမြို့နယ်ရှိ ဒကာ, ဒကာမ များအား နေ့စဉ် နေ့စဉ် ကားကြီး ၄- ၅ စီးဖြင့် အခေါက်ခေါက် သွားရောက်ပြီး သောက်ရေ သုံးရေများ လှူဒါန်းခဲ့ခြင်း၊အမှတ်(ရ) အ လ က ကျောင်းတွင် (၃၅) သိန်းကျော် အကုန်အကျခံပြီး ဆရာ, ဆရာမ, ကျောင်းသား, ကျောင်းသူများအတွက် လိုအပ်နေသော ၆ခန်းတွဲ အိမ်သာတစ်လုံးနှင့် ရေစင်တို့ကို တည်ဆောက်လျက် ပိုက်များပါ သွယ်တန်းလှူဒါန်းခြင်း၊ မျက်စိခွဲစိတ် ကုသရန် လိုအပ်သော လူနာများကို တာဝန်ယူ လှူဒါန်းလျက် ခွဲစိတ်ကုသပေးခြင်း၊ ပဲခူးမြို့ အထွေထွေရောဂါကု ဆေးရုံ ကြီးဝင်း အတွင်းရှိ အသုံးမပြုဘဲ ပစ်ထားသော သံဃာဆေး ကုသဆောင်ဟောင်း ကို မူလ အလှူရှင်များ၏ သားသမီးမြေးတို့အား ပြန်လည်ပြုပြင် မွမ်းမံ စေလျက် မိမိကိုယ်တိုင်လည်း အဲယားကွန်းများ တပ်ဆင်ပေးကာ သံဃာတော်များ လူတို့နှင့် မရောနှောဘဲ ကိုယ် စိတ် နှစ်ဖြာ ချမ်းသာစွာဖြင့် သီးခြား ဆေးကုသခွင့် ရအောင် ဆောင်ရွက်ပေးခြင်း။ထူးချွန်ထက်မြက်သော စာသင်သား ရှင်ရဟန်းများနှင့် (၁ဝ)တန်းအောင်ပြီးနောက် တက္ကသိုလ်ဆက်မတက်နိုင်သော ကလေးငယ်များအား ထောက်ပံ့လှူဒါန်းရန် ကျပ်သိန်း(၃ဝဝ)မတည်လျက် ဝင်းနိမ္မိတာရုံဆရာတော် ပညာပါရမီဆု ဖောင်ဒေးရှင်းတည်ထောင်ပြီး ထောက်ပံ့လှူဒါန်းခြင်း၊ ဖခင်ကြီး ဦးထွန်းရွှေ+မိခင်ကြီး ဒေါ်ကျေးရင် တို့အား ကျေးဇူးဆပ်သောအားဖြင့်လည်းရွှေကျေး ပညာပါရမီဆု ဖောင်ဒေရှင်း တည်ထောင်ပြီး ထောက်ပံ့လှူဒါန်း ခြင်း။ ပဲခူးမြို့ပေါ်ရှိ သံဃာအပါး(၁ဝဝ)ကျော် စာသင်တိုက်များ၊ သီလရှင်အပါး (၅ဝ)ကျော် သီလရှင်စာသင်တိုက်များနှင့် နိုင်ငံတော်အစိုးရ စာမေးပွဲ ဓမ္မာစရိယတန်း၊ ပါဠိပထမပြန် ငယ်, လတ်, ကြီးအတန်း၊ မန္တလေးမြို့ သကျသီဟစာမေးပွဲ စာသင်တန်း, စာချတန်း၊ ရန်ကုန်မြို့ စေတိယင်္ဂဏအသင်းစာမေးပွဲ စာသင်တန်း, စာချတန်း၊ ပဲခူး သဒ္ဓမ္မရက္ခိတ သာမဏေကျော် စာမေးပွဲ၊ ဝိနယာဓိကပရိယတ္တိစာမေးပွဲတို့တွင် ထူးချွန်စွာအောင်မြင်သော ရဟန်းသာမဏေများနှင့်သီလရှင်များအား မိမိက ဦးဆောင်လျက် ကျောင်းအမကြီးများဖြစ်ကြသော ဒေါ်သန်းစိန်၊ ဒေါ်သန်းတင့်တို့၏ အမည်ဖြင့်ဒေါ်သန်းစိန်+ ဒေါ်သန်းတင့် ပညာပါရမီဆု ဖောင်ဒေးရှင်း''ဟု ဖောင်ဒေးရှင်းတစ်ခု ထပ်မံတည်ထောင်လျက် ထိုက်တန်စွာ ထောက်ပံ့ လှူဒါန်းခြင်း။

သိန်းပေါင်းထောင်ချီ၍ ကုန်ကျသည့် ပေ (ရဝ)ကျော်ရှည်လျားသော ကလျာဏီရပ်ကွက် မဟော်သဓာလမ်း မဇင်းချောင်းကူး ဝင်းမဟာတံတားနှင့် ဇိုင်းဂနိုင်းတောင်ပိုင်း ဖောင်တော်ဦး မဇင်းချောင်းကူးတံတားကြီး ၂စင်းတို့ကိုလည်း သစ်သားတံတားမှ ကွန်ကရစ်တံတားဖြစ်မြောက်ရေးအတွက် မတည်လှူဒါန်းလျက် ဦးဆောင်ဦးရွက်ပြုကာ ရဟန်းရှင်လူ ပြည်သူပြည်သားတို့ ချမ်းသာလွယ်ကူစွာ ကူးသန်းသွားလာနိုင်အောင် တည်ဆောက်လှူဒါန်းခြင်း။

ဝင်းမဟာ ဝါပဆွမ်းလောင်းဝတ်အသင်း ဓမ္မာရုံ ဖြစ်မြောက်ရေးအတွက်လည်း သိန်း (၅ဝ)ကျော် ထည့်ဝင်လှူဒါန်းခြင်း၊ ကလျာဏီရပ်ကွက်သူ ရပ်ကွက်သားများ ကျန်းမာရေးအတွက် ပေ (၈ဝ+၆ဝ)မြေကွက်တွင် ဆေးပေးခန်း ဆောက်လုပ်လှူဒါန်းခြင်းစသည်ဖြင့် ရဟန်းရှင်လူ ပြည်သူပြည်သားတို့ ၏ အကျိုးကို သယ်ပိုးရွက်ဆောင်ရွက်တောျမူခဲ့ပါသညျပါသညျ။

#ကျမ်းစာများရေးသားပြုစုခြင်း

စာချ/ စာသင်သံဃာတော်အရှင်မြတ်များအတွက်

(၁) ဆန္ဒောသာရတ္ထဒီပကကျမ်း (၁၃၄၆-၁၉၈၄ ခုနှစ်)

(၂) ကစ္စည်းသုတ်စဉ်သရုပ်ခွဲကျမ်း (၁၃၄၆-၁၉၈၅)

(၃) ပထမငယ်တန်း ပါဠိစာပေကောက်နုတ်ချက်ရှင်းတမ်း (၁၃၄ရ-၁၉၈၅)။

(၄) ပထမလတ်တန်း ပါဠိစာပေကောက်နုတ်ချက်ရှင်းတမ်း (၁၃၄ရ-၁၉၈၅)။

(၅) ပထမလတ်တန်း ပါဠိသဒ်ဒါနှင့ျ အသုံးအနှုန်းအတွက် ကျက်မှတ် ဖွယ်များ (၁၃၄ရ-၁၉၈၅)။

(၆) ကြခတ်ဝိုင်း သဂြိုဟ်ရှင်းတမ်း (စိတ်၊ စေတသိက်၊ ပကိဏ်း)။ (၁၃၄၈-၁၉၈၆)။

(ရ) ပထမလတ်တန်းအတွက် အက္ခရာဝလိ ပါဠိ-မြန်မာ အဘိဓာန်(၁၃၄၈-၁၉၈၆ ခုနှစ်)။

(၈) ပထမငယ်တန်း ပါဠိသဒ်ဒါနှင့ျ အသုံးအနှုန်းနိယံ (၁၃၄၉-၁၉၈ဝ)။

(၉) ကြခတ်ဝိုင်း သင်္ဂြိုဟ်ရှင်းတမ်း (ကိုးပိုင်းလုံးအပြည့်အစုံ) (၁၃၅၂-၁၉၉ဝ။ ၁၃-ကြိမ် ရိုက်နှိပ်ပြီး)။

(၁ဝ) ကြခတ်ဝိုင်း ဒုကမာတိကာနှင့် ဓာတုကထာ ရှင်းတမ်း (၁၃၅၄-၁၉၉၂)။

(၁၁) ဝိနယတံခွန် ရှင့်ကျင့်ဝတ် မေးခွန်း နှင့်အဖြေ (၁၃၅၄-၁၉၉၂)။

(၁၂) ဝိနယတံခွန် ပါတိမောက်မေးခွန်းနှင့် အဖြေ (၁၃၅၄-၁၉၉၂)။

(၁၃) ကြခတ်ဝိုင်း တိကမာတိကာရှင်းတမ်း (၁၃၅၆-၁၉၉၄)

(၂-ကြိမ်ရိုက်ပြီး)။

(၁၄) ကြခတ်ဝိုင်း ကစ္စည်းသုတ်နက်၊ (၁၃၅၆-၁၉၉၄)

(၂-ကြိမ်ရိုက်ပြီး)။

(၁၅) ကြခတ်ဝိုင်း အထက်ယမကရှင်းတမ်း (၁၃၅ရ-၁၉၉၅ ခုနှစ်)

(၃-ကြိမ်ရိုက်ပြီး)။

(၁၆) ကြခတ်ဝိုင်း ရူပသိဒ္ဓိနိယံ၊ (သဒ္ဓိ, နာမ်) (၁၃၅ရ-၁၉၉၅)။

(၁ရ) ကြခတ်ဝိုင်းကင်္ခါရှင်းတမ်း၊ (ပ-တွဲ၊ ၁၃၅ရ-၁၉၉၆၊ ဒု-တွဲ၊ (၁၃၅၈-၁၉၉၉)။

(၁၈) ကြခတ်ဝိုင်း ဋီကာကျော်ရှင်းတမ်း (၁၃၅၉-၁၉၉၇)

(၁၉) ကြခတ်ဝိုင်း ကစ္စည်းပြယုဂ် သရုပ်ခွဲ (၁၃၆ဝ-၁၉၉၈)

(၂-ကြိမ်ရိုက်ပြီး)၊

(၃-ကြိမ် ရိုက်ပြီး)။

(၂ဝ) ကြခတ်ဝိုင်း ရူပသိဒ္ဓိနိယံ (တစ်ကျမ်းလုံးအပြည့်အစုံ) (၁၃၆၁-၂ဝဝဝ ပြည့်နှစ်)။

(၂၁) ကြခတ်ဝိုင်း ပါတိမောက်ရှင်းတမ်း၊ (၁၃၆၄-၂၀၀၂)။

(၂၂) ကြခတ်ဝိုင်းရူပသိဒ္ဓိရှင်းတမ်း၊ (၁၃၆၄-၂ဝဝ၃)။

(၂၃) ကြခတ်ဝိုင်း ကင်္ခါရှင်းတမ်း (တစ်ကျမ်းလုံး အပြည့်အစုံ) (၁၃၆၆-၂၀၀၄)။

(၂၄) အနက်ပေးပုံ နည်းမျိုးစုံ (၁၃၆၆-၂ဝဝ၄)

(၂၅) ပထမလတ်တန်း ယမကရှင်းတမ်း (၁၃၆၈-၂၀၀၆)။

(၂၆) ဝင်းနိမ္မိတာရုံ ပဒမာလာ (၁၃ရဝ-၂ဝဝ၈)။

(၂ရ) အဘိဓာန်ရှင်းတမ်း (၁၃ရ၃-၂ဝ၁၁)

(၂၈) ပုဒ်စစ်နိယံ (၁၃ရ၃-၂၀၁၁)

(၂၉) ပုဒ်စစ်အလွယ် ကျက်မှတ်ဖွယ် (၁၃ရ၃-၂၀၁၁)

(၃ဝ) နည်းစစ် အလွယ် ကျက်မှတ်ဖွယ်နှင့်

သံဝဏ္ဏနာစစ် အလွယ် ကျက်မှတ်ဖွယ် (၁၃ရ၄-၂ဝ၁၂)

(၃၁) ဝင်းနိမ္မိတာရုံ သင်္ဂြိုဟ်ဆိုရိုးကျမ်း (ပထမတွဲ) (၁၃ရ၄-၂ဝ၁၂)

(၃၂) ပါတိမောက်နိယံ (၁၃ရ၄-၂၀၁၂)

(၃၃) ဋီကာကျော်နိယံ (၁၃ရ၄-၂၀၁၂)

(၃၄) ဋီကာကျော် ပါဠိရှင်းတမ်း (၁၃ရ၆-၂ဝ၁၅)

(၃၅) ဉာသ်ကောက်အလွယ် ကျက်မှတ်ဖွယ်နှင့်

ဉာသ်ကောက်ရပုံ နည်းမျိုးစုံ (၁၃ရ၉-၂ဝ၁၇)

(၃၆) ကစ္စည်းသုတ်စဉ် အဓိပ္ပာယ် (၁၃ရ၉-၂ဝ၁၇)

(၃၀) ပါရာဇိကဏ် ပါဌာပါဌဝိနိစ္ဆယ (၁၃၈၆-၂၀၂၄)

#လူပုဂ္ဂိုလ်များအတွက်

(၃၈) ကြခတ်ဝိုင်းသာသနာ ၁၂၅-နှစ်ခရီး (၁၃၅၁-၁၉၈၉)။

(၃၉) မွေးနေ့လှူဒါန်း စာပုလဲပန်း (၁၃၆ဝ-၁၉၉၈)။

(၄ဝ) လှူမျှဝေက ကောင်းကျိုးရ၊ (၁၃၆၃-၂ဝဝ၁)။

(၄၁) ရဟန်းခံ-သိမ်ထပ် ကောင်းမြတ်သည့်လုပ်ငန်း (၁၃၆၃-၂ဝဝ၁)။

(၄၂) ကြခတ်ဝိုင်းဆရာတော်ဘုရားကြီး၏ ဘဝဖြစ်တော်စဉ် (၁၃၆၄-၂ဝဝ၂ခုနှစ်)။

(၄၃) အဂ်ဂါဘိဓဇာဘိဓဇ အတိဝိသိဋ္ဌ ဂုဏပူဇာ မှတ်တမ်းလွှာ (၁၃၆၄-၂ဝဝ၃)။

(၄၄) အဓိပ္ပာယ်ရှိလှ မြတ်ဘဝ (၁၃၆၅ - ၂၀၀၃)။

(၄၅) တရားဦးနှင့် တရားထူး (၁၃၆၆  ၂ဝဝ၅)။

(၄၆) ပြုံးလှည့်ပါ။ (၁၃၆ရ - ၂ဝဝ၅)။

(၄၇) ရေကြည်ချမ်းမြ။ (၃-ကြိမ်)။ (၁၃၆၈ - ၂၀၀၆။ ၁၃ရ၂ - ၂၀၁၁၊ ၁၃ရ၉-၂၀၁၇။)

(၄၈) နင်လားဟဲ့ လောကဓံ။ (၁၃၆၉ - ၂ဝဝရ)။

(၄၉) အမေ့ဘဝ လှပပါစေ။ (ဗုဒ္ဓဂယာ ဘုရားဖူးသွား မှတ်တမ်း) (၁၃၆၉ - ၂၀ဝ၈)။

(၅ဝ) ကျင့်သုံးလိုက်နာ ကောင်းကျိုးဖြာ (၁၃၇၀ - ၂၀၀၈)။

(၅၁) ဒါနစွမ်းအား လွန်ကြီးမား။ (၁၃ရဝ - ၂ဝဝ၈)။

(၅၂) နာဂစ်ပေးသော သင်ခန်းစာ (၁၃၇၀ - ၂၀၀၈)။

(၅၃) ကြည်ကြည်လင်လင် သေပွဲဝင်ဖို့ ပြင်ထားစို့။ (၁၃ရ၁  ၂၀ဝ၉)။

(၅၄) ကျေးဇူးကမ္ဘာ မြတ်ဆရာ။ (အင်ဒိုနီးရှား ခရီးသွားမှတ်တမ်း) (၁၃ရ၂-၂၀၁၁)။

(၅၅) အနန်တဂုဏ မဟာထရေ ဂုဏကိတ်တနကထာ (၁၃ရ၃-၂၀၁၂)

(၅၆) မေတ္တာဖျန်း၍ လန်းပါစေ (မေတ္တသုတ် ရှင်းတမ်း) (၁၃ရ၄-၂ဝ၁၂)

(၅၇) ဂုရုပူဇာ ဂါထာ ပါဌ်အနက်နှင့် ဥယျောဇနဂါထာပါဌ်အနက် (၁၃ရ၄-၂ဝ၁၃)

(၅၈) အလိမ္မာဂုဏ် နဲ့ အရှိန်အဝါဂုဏ် (၁၃ရ၅-၂၀၁၄)

(၅၉) ဗီယက်နမ်တခွင် ရောက်ခဲ့စဉ်က (၁၃ရ၆-၂ဝ၁၅)

(၆ဝ) ကြခတ်ဝိုင်းဆရာတော်ဘုရားကြီး၏ သာသနာပြုစိတ်ဓာတ် (၁၃ရ၆-၂၀၁၅)

(၆၁) အသံလွှင့်တရားတော်များ။

#ရဟန်းရှင်လူတို့၏ လေးစားကြည်ညိုမှု

ဆရာတော်သည် ပရိယတ္တိသာသနာပြု လုပ်ငန်းများ, ရဟန်းရှင်လူတို့အတွက် ပရဟိတလုပ်ငန်းများကို ဆောင် ရွက်ရာ၌ ဇွဲ လုံ့လ ဝီရိယရှိတော်မူခြင်း၊ ခမာ, ဇာဂရိယစသော နာယက ဂုဏ်တို့နှင့် ပြည့်စုံတော်မူခြင်း၊ သီလဂုဏ်, သမာဓိဂုဏ်, ပညာဂုဏ်တို့နှင့် ပြည့်စုံတော်မူခြင်းတို့ကြောင့် ရဟန်းရှင်လူတို့၏ လေးစား ကြည်ညိုမှုကို ခံယူရရှိတော်မူပါသည်။

#ဘွဲ့တံဆိပ်တော်များအလှူခံရရှိခြင်း

ဆရာတော်သည် ၁၃၅၃ (၁၉၉၂)ခုနှစ်တွင် နိုင်ငံတော်အစိုးရက ဆက်ကပ်လှူဒါန်းသော အဂ္ဂမဟာဂန္ထဝါစကပဏ္ဍိတ''ဘွဲ့တံဆိပ်တော်ကိုလည်းကောင်း၊ ၁၃ရ၆ (၂ဝဝ၆)ခုနှစ်တွင် အဂ္ဂမဟာပဏ္ဍိတ ဘွဲ့တံဆိပ်တော် အဂ္ဂမဟာသဒ္ဓမ္မဇောတိကဓဇ ဘွဲ့တံဆပ်တော် တို့ကိုအလှူခံရရှိတော်မူခဲ့ပါသည်။

#ဘဝဇာတ်သိမ်းငြိမ်းတော်မူခြင်း

ဆရာတော်သည် သက်တော် (၇၈) သိက္ခာတော် (၅၈)

၁၃၈၆ခုနှစ် နယုန်လဆန်း(၁၃)ရက်(၁၉-၆-၂၀၂၄) ဗုဒ္ဓဟူးနေ့ (နံနက် ၁၀:၃၀)အချိန်တွင် ဘဝနတ်ကျောင်း ပြောင်းရွေ့စံတော်မူသည်။

credit.. ဝင်နိမ္မိတာရုံကျောင်းတိုက် fb page.