💎💎"တန်ဖိုးရှိသော အသက်ကြီးခြင်း"💎💎
မိမိကိုယ်ကို တကယ်ကြည်ညိုအောင်
နေလိုသူများသည် နံ့သာဖြူပင်လို ကျင့်ရမည်။
နံ့သာဖြူပင်သည် အသက်ကြီးလာလေလေ
ပိုပြီး မွှေးလာလေ , ပိုပြီး အနှစ်ပြည့်လာလေ ဖြစ်၏။
တဖန် ထို့ထက်ပို၍ အသက်ကြီးလာလေ
ထို့ထက်ပို၍ မွှေးလာလေ ,
အနှစ်ပြည့်လာလေ ပင် ဖြစ်၏။
နံ့သာဖြူပင်သည် နာပြီး သေရသောအချိန်တွင်
အနှစ်အပြည့်ဆုံး , အမွှေးဆုံးပင် ဖြစ်၏။
ထို့အတူ . . .
လူဖြစ်စေ , ရဟန်းဖြစ်စေ
အသက်ကြီးလာသည်နှင့်အမျှ
သီလ , သမာဓိ , ပညာ ဟူသော
အနှစ်များ ပိုပြည့်လာသင့်၏။
အသက်ကြီးလာပြီး
သီလ , သမာဓိ , ပညာ . . ဟူသော
သိက္ခာသုံးပါး တိုးတက်မလာလျှင်
ထိုသူ၏ အသက်ကြီးခြင်းသည် တန်ဖိုးမရှိ။
သေမလို့ ကြီးခြင်းသာ ဖြစ်၏။
နံ့သာဖြူလို ဖြစ်အောင် ကြိုးစားမည်ဆိုလျှင်
တစ်ယောက်တည်း တည့်အောင် နေသင့်၏။
တစ်ယောက်တည်း နေသော်လည်း
လောဘအာရုံ , ဒေါသအာရုံများနှင့် နေသူသည်
တစ်ယောက်တည်းနဲ့ ရန်သူဖြစ်နေသူဟု ဆိုအပ်သည်။
တစ်ယောက်တည်း တည့်အောင်မနေသူ ဟု ဆိုအပ်သည်။
တစ်ယောက်တည်း တည့်အောင် နေလိုလျှင်
စိတ်ကို ဘာဝနာတစ်ခုခု အမြဲပွား၍
ရှင်းသန့် နေအောင် ထားရမည်။
တွေးတောလျှင်လည်း လိုချင်စရာများ ,
သူတပါး ပျက်စီးရာ ပျက်စီးကြောင်းကို မတွေးရ။
ပေးကမ်းဖို့ , သူတပါးအကျိုးဆောင်ဖို့
အကြောင်းအရာများကိုသာ တွေးရ၏။
🌟🌟🌟" မေတ္တာရှင် ရွှေပြည်သာ "🌟🌟🌟
မူရင်းရေးသားသူအား credit ပေးပါ၏။
No comments:
Post a Comment