❝ အကောင်းမြင်ဝါဒနှင့် ကောင်းကျိုးအနန္တ ❞
📼📼📼📼📼📼📼📼📼📼📼📼
✧ လူအမျိုးမျိုး အမြင်အမျိုးမျိုးရှိကြသည် -
အနှစ်ချုပ်လျှင်တော့ အကောင်းမြင်နှင့် အဆိုးမြင်
၂ - မျိုးသာဖြစ်သည်။
အကောင်းမြင်တတ်သူတို့အတွက် ကောင်းကျိုးဟာ အနန္တဖြစ်လို၊ အဆိုးမြင်တတ်သူတို့အတွက် ဆိုကျိုးဟာလည်း အနန္တပင်။
✧ မောဃပုရိသ - အလကားကောင် ဟူသော စကားသည်
မြတ်စွာဘုရားက သာသနာတော်နှင့် မလျော်သော
အလုပ်ကို လုပ်သူတို့အား ပြစ်ပြစ် ခါခါ နစ်နစ်နာနာ
ပြောသောစကားဖြစ်သည်။
❝ ဒေဝဒတ်အမြင်နှင့် ဥပသေနအမြင် ❞
📼📼📼📼📼📼📼📼📼📼📼
✧ ဒေဝဒတ်သည် လူပုံအလည် သူ့ကို
မောဃပုရိသ ခေါ်သောမြတ်စွာဘုရားအား
အဆိုးမြင်ကာ သတ်ဖို့ကြိုးစားရင်း မြေကြီးခွင်း၍
အဝီစိငရဲ ဆင်းသွား ရသည်။
✧ အရှင်ဥပသေနသည် -
ငါမဟုတ်လို့ ငါ့ကို ပရိတ်သတ်အလည်မှာ
မောဃ ပုရိသ ဟု ကဲ့ရဲ့ရှုံချသည်၊ ငါကောင်းအောင်
ကျိုးစားပြီး ပရိတ်သတ်အလည်မှာ ချီးမွန်းခံရအောင်
ကြိုးစားမည် ဟုဆုံးဖြတ်ကာ အကောင်းဆုံး
ဖြစ်အောင်ကြိုးစားသည်။ ရဟန္တာဖြစ်သည်၊
ပရိတ်သတ်နှင့်တကွ ကြည်ညိုဖွယ်ရာ ဆောင်သော
နေရာမှာ ဧတဒဂ်ရသည်။
✧ ဆေးခါးကြီးသည် သောက်လျှင်ခါးသော်လည်း
သောက်သူအတွက် ကောင်းကျိုးရသည်။ မိဘ ဆရာသမားများ၏ ဆိုဆုံးမ သြဝါဒစကားသည်လည်း
ဆေးခါးကြီး ပမာပင်ဖြစ်သည်။
❝ မိဘနှစ်ပါးအမြင်နှင့် မာဂန္ဒီရဲ့အမြင် ❞
📼📼📼📼📼📼📼📼📼📼📼
✧ မာဂန္ဒီမိသားစုက
လူမက နတ်မကျ အလွန်လှသည့်
သူတို့သမီးလေးအား ဘုရားရှင်ကိုလှူရာတွင် ဘုရားက
"နတ်သမီးတွေ ဖျားယောင်းတာတောင် ငါမတုန်လှုပ်ဘူး၊
ချီးတွေနှင့်ပြည့်နေသည့် သင်တို့သမီး ငါဘာလုပ်
ရမှာလဲ " ဟု မိန့်သည်။
✧ မိဘ ၂ ပါးက လူတို့ရဲ့ခန္ဓာကား
မစင်များနှင့် ပြည့်နေသည့်စကားကို အကောင်းမြင်
တရားသဘောရှုမြင်ကာ တရားထူးရကြသည်။
သမီးဖြစ်သူမှာတော့ သူ့ကို မစင်နှင့်ပြည့်သူ ဟု ပြောရမည်လား ဟု အဆိုးမြင်ပြီး ဘုရားအပေါ်
ရန်ညှိုးထားကာ မကောင်းတာလုပ်၍ ဆိုးကျိုး အနန္တ
ရသွားဘူးသည်။
► သဗ္ဗေ ဘဒြာနိ ပဿန္တု
အကောင်းမြင်ဝါဒ ထွန်းကားပါစေ။
🙏သီတဂူ ဒေါက်တာ အရှင်ဣန္ဒာစရိယ
Credit - original uploader
No comments:
Post a Comment