မေတ္တာဆိုတာကို ချစ်ခြင်းလို့
ဘာသာပြန်ကြတယ်။
မပြည့်စုံဘူး၊ မလုံလောက်ဘူး၊
လိုရင်း မရောက်ဘူးလို့ ထင်တယ်။
ဘာလို့တုန်းဆို ချစ်ခြင်းက
အမျိုးမျိုး ရှိတာကိုး။
မေတ္တာဆိုတာ ဦးပဉ္စင်းတို့
အကြမ်းဖျဉ်း လွယ်လွယ်
နားလည်ချင်တယ်ဆိုရင်
"သူများကို ကောင်းစေချင်တာ မေတ္တာ။
သူများကို ချမ်းသာစေချင်တာ မေတ္တာ။"
အဲလိုဆိုရင် မေတ္တာဖြစ်အောင်
ကြိုးစားတဲ့ နေရာမှာ
ကိုယ်နှင့် နှိုင်းစာကြည့်ရမယ်တဲ့။
ဒါ မြတ်စွာဘုရားကတော့
အကုန် သင်တာပါပဲ။
မေတ္တာဆိုတဲ့ မြင့်မြတ်တဲ့
စိတ်ကလေးဖြစ်အောင်
ဘာလုပ်ရမှာလဲဆိုရင်
ကိုယ်နှင့် နှိုင်းစာရမယ်။
ဘယ်လို နှိုင်းစာရမှာတုန်း။
"သြော်၊ ငါသည် ဘေးရန်ကင်းချင်တယ်။
ငါသည် ကျန်းမာရေး ကောင်းချင်တယ်။
ငါသည် နှလုံးစိတ်ဝမ်း ငြိမ်းချမ်းချင်တယ်။
အဲသလိုပဲ တစ်ခြားသော
သတ္တဝါတွေဟာလည်း
ဘေးရန်ကင်းချင်ကြလိမ့်မယ်၊
ကျန်းမာရေး ကောင်းချင်ကြလိမ့်မယ်၊
နှလုံးစိတ်ဝမ်း ငြိမ်းချမ်းချင်ကြလိမ့်မယ်"လို့
ကိုယ့်နှင့် နှိုင်းစာရမယ်။
(သစ္စာရွှေစည်ဆရာတော်)
No comments:
Post a Comment