လူတွေ မသေခင်လေးမှာ အိပ်မက် မက်သလို အာရုံတွေ ထင်လာတတ်တယ်။
သေခါနီးမှာ စောနေတဲ့ ဇောကို မရဏသန္နဇော လို့ခေါ်တယ်။
အဲ့ဒီသေခါနီးဖြစ်တဲ့ စိတ်ထဲမှာ အာရုံ တခုပေါ်လာတယ်။ ဘယ်သူ့ကြောင့် ပေါ်လဲဆိုရင် ကံရဲ့စွမ်းအားကြောင့် ပေါ်တယ်။ လူ့ပြည်မှာ.ဖြစ်မယ်ဆိုရင် ဒီအိမ်မှာ.မွေးမယ်ဆိုရင် မသေခင်လေး သေငယ်ဇော နဲ့ မျောနေတဲ့ အချိန်လေးမှာ အိမ်က ဝင်းနဲ့ ခြံနဲ့၊ ဥယျာဥ်နဲ့ အလွန်သာယာတဲ့ အဲဒီအိမ်ထဲ ရောက်သွား ပြီ..အိမ်ပေါ်တက်သွားတယ်လို့ အိပ်မက်မက်သလို စိတ်ထဲ မှာ မြင်ပြီးတော့ သေသွားရင် သူ အဲဒီအိမ်မှာ ဖြစ်မှာပေါ့။
မီးပုံထဲဆင်းသွားတာ အိပ်မက်လို မြင်ရင် အဲဒါ ငရဲထဲ ရောက်သွားပြီ မှတ်ပေတော့၊ တောထဲ တိရစ္ဆာန် တွေ ကြားထဲ ရောက်ပြီလို့ အိပ်မက်လို မြင့ရင်တော့ အဲဒီကောင်တွေထဲဖြစ်ပြီ၊ ဒီလို ကံ၊ ကမ္မနိမိတ်၊ ကတိနိမိတ်၊ ဒီအာရုံနိမိတ် ၃ခု ထဲက တစ်ခုခုနဲ့ သေခါနီး ထင်တဲ့ အာရုံ တွေကြောင့် ကံရဲ့စွမ်းအားနဲ့ ဘဝင်စိတ်တွေက သွားနေကြတယ်၊ သေသည်အထိပဲ၊ အပြောင်းလဲ မရှိဘူး၊ ပဋိသန္ဓေ စိတ်၊ ဘဝင်စိတ် ၊စုတိစိတ်ကို ကံကပေးလိုက်တဲ့ အတိုင်းပဲ ၊ လုံးဝ ပြောင်းလို့မရဘူး၊ ဒါကိုပဲ တစ်ဘဝတာ.လို့ခေါ်တယ်။
ပဘဿရမိဒံ ဘိက်ခဝေ စိတ်တံ....
ချစ်သားတို့.. စိတ်ကလေးဟာ ဖြူစင်နေတယ်။ ဘယ်အညစ်ကြေးနဲ့မှ မရောဘူး။ ဒါ ဘဝင်စိတ် ကို ပြောတာ၊ မူလရှိတဲ့ အာရုံ လေးနဲ့ပဲ နေတယ်လို့ ဘုရားရှင် က ဟောထားတယ်။ ဘဝင်စိတ် ကို ပြောနေတာ၊ လူတွေ ပြောတဲ့ ဘဝင်ကျတယ် မကျဘူးဆိုတာ ကြိုက်တယ်၊ မကြိုက်ဘူး ကို ပြောတာ ဒီဘဝင် ကို ပြောတာမဟုတ်ဘူး။
ဘဝင်ဆိုတာ အိပ်ပျော်နေတဲ့အချိန်မှာ ဖြစ်တဲ့ စိတ်တွေရယ် နောက် ဝီထိစိတ် မဖြစ်မီနဲ့ ဖြစ်ပြီး နောက်မှာ.ဖြစ်တဲ့ စိတ်တွေပဲ...
ဒီစိတ်လေး တစ်ခုတည်း ကိုပဲ ပဋိသန္ဓေ စိတ်လို့ ခေါ်တယ်။ ဘဝင်စိတ် လို့လည်းခေါ်တယ်။ စုတိစိတ် လို့လည်း ခေါ်တယ်...
ပဋိသန္ဓေ လို့ ဘာကြောင့် ခေါ်သလိုဆိုတော့ အတိတ်ဘဝနဲ့ ပစ္စပ္ပုန်ဘဝကို ဆက်ပေးလို့ ဘဝဟောင်းနဲ့ ဘဝသစ်ကို ဆက်ပေးတာ Relinking-Consciousness ပဋိဆိုတာ တစ်ဖန် သန္ဓိဆိုတာ ဆက်စပ်လိုက်တာ၊ ဘဝ ဟောင်းနဲ့ ဘဝသစ်ကို စပ်ပေးတာ၊ သို့မဟုတ် ပြတ်ထွက်သွားမှာပေါ့၊ သူဝင်လာလို့ ဆက်မိသွားတာလို့ ပြောတာ။
ဘဝင်္ဂ ဆိုတာ အသက်ရှင် နေဖို့ရာ အကြောင်းဖြစ်သောစိတ်၊ ဒါလေးရှိနေလို့ အသက်ရှင်နေတာ၊ ဘဝင်စိတ် ကုန်သွားရင် အသက်ရှင်တော့မှာ မဟုတ်ဘူး။ ဒါလေးပြတ်သွားရင် အသက်ရှိမှာ မဟုတ်တော့ ဘူး။ ဘဝတာ တခုလုံး ဟာ အပြီးသတ်သွားလို့..စုတိ(သေ)လို့ ခေါ်လိုက်တာ၊ အသက် ၈၀ နေရရင် အနှစ်(80)လုံး.ဖြစ်-တည်-ပျက် (ခဏငယ်) ၃ချက်နဲ့ သွားနေမှာ။
ဘဝင်စိတ်.. Mind Door လို့ခေါ်သေးတယ်..
ပါချုပ်ဘုန်းဘုန်းကြီး..အဘိဓမ္မာ ပ..ဒု.တွဲ
စာမျက်နှာ ၁၉၉.၂၀၀..🌷🙏🌷
No comments:
Post a Comment