" အလိုမကျတိုင်းသာ မုန်းကြေးဆိုရင် "
ကိုယ့်စိတ်အလိုမကျတိုင်းသာ
မုန်းကြေးဆိုရင်
ပထမဆုံး မုန်းရမှာက
ကိုယ့်ခန္ဓာကိုယ်ကြီးပါပဲ...။
မိုးလင်းကတည်းက
ခန္ဓာကိုယ်ကထွက်တာ
ဘာများနှစ်သက်စရာရှိလို့လဲ..?
စားဖို့ရှာရတယ်,
ဆာတော့ စားရတယ်,
စားပြီးတော့ ပြန်စွန့်ရပြန်တယ်,
ဒီလိုနဲ့ ခန္ဓာကိုယ်ကြီးအလို လိုက်ရင်း
အိုရာက နာပြီး နောက်ဆုံး သေရတာပဲ..။
ဝတဲ့သူက ပိန်ချင်ပြီး
ပိန်တဲ့သူက ဝချင်ပြန်တယ်၊
ဘာလို့ စိတ်သောက ဖြစ်ခံနေရမှာလဲ.?
ကိုယ်ပိုင်တယ်ထင်ထားတဲ့
ကိုယ့်ရုပ်ခန္ဓာကိုယ်ကြီးတောင်
ကိုယ့်စိတ်အလိုကျအောင်
အမြဲခိုင်းလို့ရတာမှ မဟုတ်ပဲ။
ဘာလို့များ အချိန်ကုန်ခံ
သူများကိုမုန်းပြီး
စိတ်သောက ဖြစ်ခံနေရမှာလဲ?
အချိန်တွေ နှမြောရင်
ဘယ်သူ့ကိုမှ မမုန်းပါနဲ့ ။
ပါမောက္ခချုပ်ဆရာတော်ကြီး
အရှင်နန္ဒမာလာဘိဝံသ
No comments:
Post a Comment