နှစ်သစ်အတွက် တရားစကားလက်ဆောင်

နှစ်သစ်အတွက် စကားလက်ဆောင်၊ တရားလက်ဆောင်

~~~~~~~~~~~~~~~~~~~~~~~~~~~~

#အချိန်က ကုန်သွားတာ မဟုတ်ဘူး။ အချိန်က ကိုယ့်ကို စားသွားတာပါ။ တစ်နှစ်ကုန်သွားတော့ တစ်နှစ်စားခြင်းကို ခံလိုက်ရတယ်ပေါ့။ နေဖို့ တစ်နှစ်နည်းသွားပြီ။ သေဖို့တစ်နှစ်နီးသွားပြီပေါ့။ 

#ဘဝမှာ ဘာမှပုံသေတွက် မထားနဲ့။ 

ဘယ်သူ့ကိုမှလည်း အပြည့်အဝ မယုံမိစေနဲ့။

#ပြောင်းလဲခြင်း နိယာမကို သေချာစွာလက်ခံပါ။

ကိုယ့်စိတ်လည်း ပြောင်းတတ်တယ်၊ သူ့စိတ်လည်း ပြောင်းတတ်တယ်။ သူပြောင်းတိုင်း ကိုယ်မစောင်းစေနဲ့။

#ဘဝရဲ့ လောကဓံအလှည့်အပြောင်းကို မမေ့ပါနဲ့။ လောကဓံအကောင်းအဆိုးဆိုတာ ကံကြမ္မာရဲ့ အလှဲ့အပြောင်းပါပဲ။ ကောင်းနေရင် သတိထား၊ ဆိုးနေရင် ကုသိုလ်ပွား၊ ဗျာမများစေနဲ့။

#စိတ်တိုင်းမကျတာလည်း ကြုံရမယ်။ စိတ်ရိုင်းမရဖို့တော့ ကိုယ်ကသတိပြုရမယ်။ စိတ်ရိုင်းဝင်တဲ့အခါ သတိမပျောက်ပါစေနဲ့။

#အခက်အခဲကြုံရင် ကုသိုလ်ကို ပိုလုပ်ပါ။ ဘုရားရှေ့ကိုရောက်အောင်သွားပါ။ နှလုံးသားမှာ ဘုရားတည်ပါ။ ကုသိုလ်စွမ်းအားကို မမေ့ပါနဲ့။ အားကိုးရာအစစ်က ကုသိုလ်ပဲ ရှိတယ်။ 

#အပ္ပမာဒေန သမ္ပာဒေထ- သတိလက်လွတ် မဖြစ်ပါစေနဲ့။ 

#မနာပ_ဒါယီ_ကိုရီးယားဆရာတော်_အရှင်ဝိစိတ္တ