🌜မကယ်နိုင်တဲ့ အကုသိုလ်ဆိုတာ မရှိဘူး 🌛
★ ကုသိုလ်က မကယ်နိုင်တဲ့ ချက်ချင်း ကယ်လို့မရတဲ့ အကုသိုလ်ကတော့ ရှိတယ်။ တစ်ဘ၀တာအတွက် ကယ်လို့မရဘူး။ သို့သော် မကယ်နိုင်တဲ့ အကုသိုလ်ဆိုတာ မရှိဘူး။ မကယ်နိုင်ဘူးဆိုတာ နောက်ဘ၀ပြီးရင်တော့ ကယ်လို့ရတယ်။
★ ဆိုပါစို့ အမေသတ်တာတို့၊ အဖေသတ်တာတို့၊ ရဟန္တာသတ်တာတို့ ၊ သံဃာသင်းခွဲတာတို့၊ ဘုရားသွေးစိမ်းထွက်အောင် လုပ်တဲ့အကုသိုလ်ကြီး
တွေဟာ ဤဘ၀၏အခြားမဲ့၌ သေချာပေါက် အပါယ်ငရဲသွားမှာ အဲဒါကျတော့ ပြုပြင်ပေးလို့ မရတော့ဘူးနော်။
★ ဘယ်လောက်ပဲ စေတီတွေတည်တည်၊ ဘယ်လောက်ပဲ နေ့တိုင်းဘုရားရှိခိုး၊ ရှိခိုး ဘယ်လောက်ပဲ ကုသိုလ်ကောင်းမှုတွေလုပ်လုပ် အဲဒီအကုသိုလ်မျိုးကြရင်
တော့ သေသည်၏ အခြားမဲ့မှာ ငရဲရောက်သွားမှာပဲတဲ့။ ဒါကတော့ သေချာပေါက်ပဲ။
★ ဒါဟာ “ပဉ္စာနန္တရိယကံ” လို့ ခေါ်တယ်။ အဲဒီကံမျိုးကျတော့ ကယ်တင်လို့ မရဘူး။ ကယ်တင်လို့မရတဲ့ ကံတောင်မှ ငရဲကို ရက်တိုတိုနဲ့ လွတ်နိုင်တာရှိသေးတယ်လေ။
★ ဆိုပါစို့ အဇာတသတ်မင်းကြီးဟာ သူ့ရဲ့ဖခင် ဗိမ္မိသာရမင်းကို ထောင်သွင်းအကျဉ်းချပြီးနောက်ဆုံး သူ့အမိန့်နဲ့ သတ်ဖြတ်ခြင်းကို ခံလိုက်ရတယ်။ “ပိတုဃာတကကံ” ကျူးလွန်တယ်။ အဲဒီလို ကျူးလွန်လို့ မြတ်စွာဘုရားက သာမညဖလသုတ် ဟောတဲ့အခါမှာ သူဟာ သာမညဖလသုတ်အဆုံးမှာ သောတာပန် ဖြစ်သင့်သော်လည်း မဖြစ်တော့ဘူး။
★ ဒါပေမယ့် အကျိုးမဲ့ ဖြစ်သလားဆိုတော့ ဘုရားသာသနာတော်ကို အလွန်ကြည်ညိုပြီး မြတ်စွာဘုရားကို အလွန်လေးစားတဲ့ ကုသိုလ်ကောင်းမှု
တွေကြောင့် သေသည်၏အခြားမဲ့တော့ သူ ငရဲကျတယ်။ ငရဲတော့ ရောက်တာပဲ။ အဲဒီငရဲက လွတ်အောင်တော့ လုပ်လို့မရဘူး။ ဘာလို့ဆိုတော့ “အတေကိစ္ဆော” ကုစားလို့မရတော့ဘူး။
★ ဆရာဝန်တွေဟာ fourth stage လောက်ရောက်တဲ့ ကင်ဆာရောဂါကို ကုသမပေးနိုင်တော့ သလိုပဲ သူဟာ
လည်းပဲ ကုသပေးလို့ မရနိုင်တော့ဘူး။ လွန်သွားပြီ ရောဂါကျွမ်းသွားပြီ။ အဲဒီလို ကုသပေးလို့ မရတဲ့
ရောဂါမျိုး ဖြစ်သွားတယ် အဲဒီ ပဉ္စာနန္တိယကံတွေက။
★ ဒါကြောင့်မို့ ကုသမပေးနိုင်သည့်အတွက်ကြောင့် သေသည်၏အခြားမဲ့မှာတော့ ငရဲကျမယ်။ သို့သော် ငရဲဟာ ရက်ပေါင်းများစွာ၊ နှစ်ပေါင်းများစွာ ကြာရှည်စွာ မခံရအောင်ကတော့ သူကအထောက်အကူပြုလိုက်
တယ်။ အဇာတသတ်မင်းဟာ အနှစ်ခြောက်သောင်း
လောက်ပဲ ငရဲမှာခံရပြီး ပြန်လွတ်လာမယ့် သဘောပေါ့ ဒီလိုဆိုလိုတယ်ပေါ့နော်။
★ အကန့်အသတ်ကလေး ရသွားတယ်။ နဂိုကတော့ ထောက်တသက် လွတ်ရက်မရှိ ချထားတာ။ ထောင်တသက် လွတ်ရက်မရှိကနေ လျော့လျော့ပေါ့ပေါ့
လေးရတဲ့ သဘောပေါ့နော်။ အဲဒီလိုတော့အထောက်
အကူပြုတယ်လို့ ဆိုရမယ်။ အဲဒီလိုဆို ကံတရားတွေရဲ့ အနေအထားတွေဟာ ရှိတယ်ပေါ့နော်။ ဒါလည်း မှတ်သားစရာ တစ်ခုပေါ့နော်။
ကျေးဇူးတော်ရှင်ပါမောက္ခချုပ်ဆရာတော်ဘုရားကြီး
🙏🙏🙏
‘မိလိန္ဒမင်းနဲ့ အရှင်နာဂသေနတို့၏ ဗုဒ္ဓဝါဒရေးရာအခြေအတင် ပြောဆိုချက်များ အပိုင်း(၂၅)’ တရားတော်မှ ကောက်နှုတ်ချက်ဖြစ်ပါသည်။
No comments:
Post a Comment