သရဏဂုံ တင်ရခြင်း
============
လူတစ်ဦး တစ်ယောက်သေပြီဆိုလျှင် မြန်မာတို့
ထုံစံအရ သရဏဂုံသုံးပါးတင်ကြရပေသည်။
သရဏဂုံတင်သည်မှာသေသူကို တင်ပေးတာ
မဟုတ်ပါဘူး။
သေတဲ့သူကို သရဏဂုံတင်လို့ မရပါဘူး။
ဘာဖြစ်လို့ မရတာလဲ?
သေတဲ့သူမှာ ကမ္မဇရုပ်မရှိတော့၍ ဥတုဇရုပ်သာ
ကျန်ရစ်တော့သည်။
ဥပမာ ပြောရရင်
ထင်းဆွေးကြီးလိုပါပဲ။အသုံးမဝင်တော့ဘူး။
သေသူကို သရဏဂုံတင်ပေးရသည်ဟု
ယူဆလျှင် ဥတုဇရုပ်မှန်သမျှ သရဏဂုံ
တင်လို့ရတယ်ဟုမှတ်သားသင့်သလို
ဖြစ်တတ်ခြင်း အပြစ်ဖြစ်လိမ့်မည်။
ဥတုဇရုပ်ဟူသည်သစ်ပင် ချုံနွယ် ဗူး ဖရုံ
သခွား စသည်တို့ဖြစ်သည်။
ထိုကြောင့်သရဏဂုံ တင်ခြင်းသည်
သေတဲ့သူကို ရည်စူးပြီး ကျန်ရစ်တဲ့မိသာစုများကို
တင်ပေးရတာ ဖြစ်တယ်။
ဘာဖြစ်လို့ ကျန်ရစ်သူ မိသားစုများကို သရဏဂုံ
တင်ပေးရတာလဲ?
ချစ်ခင်ရသူ တစ်စုံတစ်ဦး သေဆုံးလျှင် ထမင်းမေ့ဟင်းမေ့ ဝမ်းနည်းခံစား ရတတ်တယ်။
ထိုအချိန်မှာ ဘုရား တရား သံဃာ ရတနာသုံးပါးကို မေ့နေတတ်တယ်။
ထိုသို့ မေ့နေတတ်၍
ကျန်ရစ်သူအား သတိပေး အသိပေးသောအားဖြင့်
သရဏဂုံတင်ရတာ ဖြစ်ပါတယ်။
ဝမ်းနည်းသက်သာဖို့အတွက် သံဝေဂ လင်္ကာ ဂါထာတွေ ရွက်ပေးတိုင်ပေးရတာဖြစ်ပါတယ်။
စာဖတ်ပရိတ်သတ်များ
အမြင်ရှင်းကြပါစေ။
ရွှင်လန်းချမ်းမြေ့ကြပါစေ။
မေတ္တာဖြင့်
သုတရတနာ အရှင်ဇနိန္ဒ
No comments:
Post a Comment