ငရဲဆိုတာ

အပါယ်ငရဲ ဆိုတာ
အပြင်ဘက်က လာမချဘူး။
ကိုယ်က ချတာ။
••••••••••••••••••••••••••

၅၅၀-ဇာတ်ထဲမှာလည်း
အတိအလင်း ဆိုထားတာ ရှိတယ်။

“နက္ခတ္တံ ပတိမာနေန္တံ အတ္ထော ဗာလံ ဥပစ္စဂါ”တဲ့။

တချို့က
ဒီနေ့ နက္ခတ်မကောင်းသေးဘူး။
ဒီလ နက္ခတ် မကောင်းသေးဘူး။
နက္ခတ် မကောင်းလို့ ဘာမှ မလုပ်နဲ့ဦး။
ဒီအတိုင်းနေတာ။
မလုပ်နဲ့ဦး၊ မလုပ်နဲ့ဦး ဆိုရင်းဆိုရင်းနဲ့
ဒီ့ပြင်လူတစ်ယောက်က ဦးသွားတယ်။
ကိုယ် မလုပ်လိုက်ရဘူး။
ဒီလိုဟာမျိုးတွေ ကြုံတတ်တယ်ပေါ့နော်။

ကိုယ်က နက္ခတ်မကောင်းသေးလို့ဆိုပြီး မလုပ်တာ။
ကျန်တဲ့လူကနေ လုပ်သွားတယ်။ ကိုယ်မရလိုက်ဘူး။

အဲဒီတော့
ဘုရားအလောင်းတွေက ဘာပြောတုန်းဆို
“နက္ခတ္တံ ပတိမာနေန္တံ အတ္ထော ဗာလံ ဥပစ္စဂါ”
နက္ခတ်ကောင်းဖို့ မျှော်လင့်နေတဲ့ လူမိုက်ကို
အကျိုးတရားတွေ လက်လွတ်ဆုံးရှုံးသွားစေတယ်။

“အထ္ထော အတ္ထဿ နက္ခတ္တံ”
- ကောင်းကျိုးချမ်းသာ ကိုယ်လိုချင်တဲ့ဟာရဖို့ရာ
အရေးကြီးဆုံးပဲတဲ့။
အဲဒါဟာ ကောင်းတဲ့ နက္ခတ်ပဲ။
ကိုယ်လိုချင်တာ ရတာဟာ ကောင်းတဲ့နက္ခတ်ပဲ။
“ကိံ ကရိဿန္တိ တာရကာ”-
ကောင်းကင်ပေါ်က ကြယ်တွေက
ကိုယ့်ကို ဘာတတ်နိုင်မှာလဲတဲ့။
ဒီလို ဆိုထားတာနော်။

အဲဒါကြောင့်မို့လို့ ပုဗ္ဗဏှသုတ်မှာ
မြတ်စွာဘုရားက အတိအလင်း ဟောထားတယ်။

နံနက်ခင်းမှာ
အပြစ်ကင်းတဲ့ အတွေးတွေ တွေးမယ်။
အပြစ်ကင်းတဲ့ အပြောတွေ ပြောမယ်။
အပြစ်ကင်းတဲ့အလုပ်တွေ လုပ်မယ်။
ဆိုလိုတာက မနက်ခင်းမှာ
ကာယသုစရိုက်၊ ဝစီသုစရိုက်၊ မနောသုစရိုက်ဆိုတဲ့
အကျင့်တရားတွေ
ကျင့်ကြံကြိုးကုတ် အားထုတ်မယ်ဆိုရင်
အဲဒီ နံနက်ခင်းဟာ ကောင်းသော နံနက်ခင်းပါ။

နေ့လယ်ခင်းမှာ
ကောင်းတာ ပြောတယ်။
ကောင်းတာ တွေးတယ်၊
ကောင်းတာ လုပ်တယ် ဆိုလို့ရှိရင်လည်း
ကောင်းတဲ့ နေ့လယ်ခင်းဖြစ်ပါတယ်။

ညနေခင်းမှာလည်းပဲ
အပြစ်ကင်းတဲ့ အတွေးတွေ တွေးတယ်၊
အပြစ်ကင်းတဲ့စကားတွေ ပြောတယ်။
အပြစ်ကင်းတဲ့ အလုပ်တွေ လုပ်လို့ရှိရင်
ကောင်းသော ညနေခင်း ဖြစ်ပါတယ်။
ဒီလိုဆိုလိုတာနော်။

အဲဒါကြောင့်မို့လို့
ကောင်းတာလုပ်တဲ့ ပုဂ္ဂိုလ်အဖို့
ဘယ်တော့ဖြစ်ဖြစ်
နက္ခတ်က အကောင်းပဲတဲ့။
အဆိုးမရှိဘူး။

သို့သော် လူတွေက
အကောင်း၊ အဆိုးဆိုတာ
နက္ခတ်ကိုပဲ သွားရှာတယ်။
ကိုယ့်ရင်ထဲက အရာကိုတော့ မေ့နေတယ်။

ကိုယ့်ဟာကိုယ် စဉ်းစားကြည့်။
ကိုယ့်သန္တာန်မှာဖြစ်နေတဲ့
လောဘတွေ၊ ဒေါသတွေ၊
မာန်မာနတွေ၊ ဣဿာတွေကိုတော့
အကောင်းထင်နေကြတာနော်။

(ငရဲကို)
ဘယ်သူကမှ ကိုယ့်လာဆွဲမခေါ်ဘူး။
ဆွဲခေါ်သွားတာက ကိုယ့်ရင်ထဲဖြစ်တဲ့
လောဘ၊ ဒေါသတွေက ဆွဲခေါ်သွားတာလေ။

ကဲကြည့်၊ လောကမှာလူဆိုးဖြစ်တယ်။
ဒီရာဇဝတ်မှုကို ကျူးလွန်တယ်ဆိုတဲ့ လူတွေဟာ
ဘယ်သူက သူ့ကို ကျူးလွန်ခိုင်းတာတုန်း။
သူ့စိတ်ကပဲ ကျူးလွန်တာ မဟုတ်လား။
သူ့ သန္တာန်မှာဖြစ်တဲ့ အကုသိုလ်တရား တွေက
ဒီအလုပ်တွေကို လုပ်စေတာ။
ခံရတော့ သူပဲခံရတာလေ။

အဲဒါကြောင့်မို့လို့
ကိုယ့်ရင်ထဲမှာဖြစ်တဲ့ အရာတွေဟာ၊
ကိုယ့်စိတ်ထဲမှာဖြစ်တဲ့
မကောင်းတဲ့ သဘောထားတွေဟာ
အင်မတန်မှ ကြောက်စရာ ကောင်းတယ်။

အပါယ်ငရဲ ဆိုတာ
အပြင်ဘက်က လာမချဘူး။
ကိုယ်က ချတာ။
ကိုယ့်ရင်ထဲမှာဖြစ်တဲ့
လောဘ၊ ဒေါသ၊ မောဟ ဆိုတဲ့
ဒီတရားတွေက အပါယ်ကို ချတာတဲ့။

ဘယ်လိုလုပ် အပါယ်ချတုန်းဆို
ကိုယ့်စိတ်ထဲမှာဖြစ်ရင် ကိုယ်ပဲ ခံရတာလေ။
ဒီ့ပြင်ဟာ မကြည့်နဲ့၊
ကိုယ့်ခန္ဓာကိုယ်ကြီးမှာဖြစ်တဲ့ ရောဂါဝေဒနာ
ဘယ်သူခံရတာတုန်း။
ကိုယ်ပဲ ခံရတာ။

ဟုတ်တယ်လေ။ ဆေးရုံ သွားစစ်လိုက်လို့
HIV Positive ဆိုရင် ဘယ်သူခံရမှာတုန်း။
C ပိုး၊ B ပိုး C Positive ဆိုလည်း ကိုယ်ပဲ ခံရမှာပဲ။
ဟုတ်တယ်မဟုတ်လား။ ကိုယ့်ရင်ထဲမှာဖြစ်တာ။
အဲဒါကျတော့ လူတွေက ကြောက်တယ်လေ။

ဒီ့ထက်ကြောက်စရာကောင်းတာ ဘာတုန်းဆိုရင်
ကိုယ့်ရဲ့ စိတ်အစဉ်ထဲမှာ
Mental Process ထဲမှာဖြစ်နေတဲ့
Positive တွေက ပိုကြောက်စရာကောင်းတယ်။

စိတ်ထဲမှာဖြစ်တဲ့ လောဘ၊
စိတ်ထဲမှာဖြစ်တဲ့ ဒေါသ၊ မောဟ၊
ဣဿာတွေ၊ မာန်မာနတွေက
ပိုကြောက်စရာကောင်းတယ်။
ဒါတွေက သွားစမ်းလိုက်တယ်။
Positive ဖြစ်နေတယ်၊ ဟုတ်ရဲ့လား။

အပါယ်ငရဲချတာ သူတို့ကချတာ။
HIV ကလည်း အပါယ်ငရဲမချဘူး။
C ပိုး၊ B ပိုး ကလည်း အပါယ်ငရဲ မချဘူး။
ရုပ်ခန္ဓာမှာဖြစ်တဲ့ ရောဂါဝေဒနာဆိုတာ
ဒီဘဝ တစ်ခါပဲသေမှာ။
ဘယ်သူမှ နှစ်ခါသေတဲ့လူ မရှိဘူး။
ရောဂါမရှိတဲ့လူရော မသေဘူးလား၊ သေတာပေါ့။
သူကတောင် တစ်ခါတစ်လေ
အရင်သေချင် သေသွားတာ။
ရောဂါရှိတဲ့လူက တမျှဉ်းမျှဉ်းနဲ့
မသေသေးတဲ့ လူတောင် ရှိသေးတယ်။
ရောဂါရှိလည်း အတူတူပဲ။ မရှိလည်း အတူတူပဲ။
သေမှာဟာ အတူတူပဲ။ သေမှာ ချည်းပဲ။
တစ်ဘဝမှာ တစ်ခါပဲ သေကြတာ။

အဲဒီတော့
တကယ်ကြောက်စရာကောင်းတာက
ရုပ်ခန္ဓာမှာ စွဲကပ်တဲ့ရောဂါ မဟုတ်ဘူး။
စိတ်မှာစွဲတဲ့ ရောဂါက ကြောက်စရာကောင်းတာ။

အဲဒီတော့ ကိုယ့်သန္တာန်မှာ
လောဘတွေ၊ ဒေါသတွေ၊ မောဟတွေ၊
ဒါတွေကို နည်းအောင် ဂရုစိုက်ဖို့ ဆိုလိုတာနော်။
အဲဒီလိုဆိုလိုတာ။ ။

ပါမောက္ခချုပ်ဆရာတော်ဒေါက်တာ
အရှင်နန္ဒမာလာဘိဝံသ