'' တန်ဘိုး ရှိတဲ့ လူ ''
🙏🙏🙏🙏🙏
* `သူတော်ကောင်း ဆိုတဲ့ စကားလုံးကို
ပါဠိဘာသာမှာ `သပ္ပု ရိသ လို့ ခေါ်တယ် ။
" သန္တော ပုရိသော သပ္ပု ရိသော " ဆိုတဲ့ အတိုင်း
" ငြိမ်သက် အေးချမ်းသော သူ " လို့ အဓိပ်ပါယျရတယျ ။
မြန်မာလို `သူတော်ကောင်း ဆိုတာ
တော်လည်း တော်၊ ကောင်းလည်း ကောင်းတယ် လို့ ဆိုလိုတယ် ။
`တော်တယ် ဆိုတာ အရည်အချင်း ရှိတာ ။
`ကောင်းတယ် ဆိုတာ စိတ်ထားကောင်းတာ ။
ကိုယ်ကျင့်တရား နဲ့
အသိဉာဏ် ဆိုတဲ့ အရည်အချင်းလည်း ရှိတယ် -
စိတ်နေစိတ်ထားလည်း ကောင်းတယ် - ဆိုရင်
ဒီလို ပုဂ္ဂိုလ်မျိူ းကို `သူတော်ကောင်း တဲ့ ။
* တစ်နည်းအားဖြင့် ပြောရရင်
`တော်တယ် ဆိုတာ
`ပညာအရည်အချင်းကို ပြောတာ ။
`ကောင်းတယ်ဆိုတာ
`အကျင့်စာရိတ္တပိုင်းဆိုင်ရာ ကောင်းတာကို
ပြောတာ ။
လူတွေက လူတစ်ယောက်ကို
`လူတော်လို့ ပြောတာ
သူ့ရဲ့ `ပညာအရည်အချင်းကို
ရည်ညွှန်းပြီး ပြောတာ ။
`လူကောင်းလို့ ပြောတာကျတော့
`အကျင့်စာရိတ္တပိုင်း ကို ရည်ညွှန်းတာ ။
`ပညာလည်း တော်တယ် ။
`ကိုယ်ကျင့်တရားလည်း ကောင်းတယ် ပေါ့ ။
* သို့သော်
လူတွေထဲမှာ
" ပညာ တော်တယ် -
ကိုယ်ကျင့်တရား မကောင်းဘူး "
" ကိုယ်ကျင့်တရား ကောင်းတယ်
ပညာ မတော်ဘူး " ဆိုသူတွေလည်း
ရှိနိုင်တယ် ။
" ကိုယ်ကျင့်တရား ကောင်းတယ်
ပညာ မတော်ဘူး "
"ပညာ တော်တယ်
ကိုယ်ကျင့်တရား မကောင်းဘူး " ဆိုရင်
တစ်ခြမ်း ပဲ့ နေတယ် ။ မပြည့်စုံဘူး ။
အရည်အချင်း ၂- ရပ် ။
* အဲဒီတော့
ဒီ ၂- ခု ဟာ
လူ တစ်ဦးတစ်ယောက် အတွက်
အခြေခံအားဖြင့် ရှိရမယ့်
အရည်အချင်း ဖြစ်တယ် ။
ဒီ ၂- ခု အောက် လျော့လို့ မဖြစ်ဘူး ။
သို့သော်
မဖြစ်မနေ တစ်ခုကိုသာ ရွေးချယ်ရမယ် ဆိုရင်
`ကိုယ်ကျင့်တရား ကို ရွေးရမှာ ဖြစ်တယ် ။
`ကိုယ်ကျင့်တရား ကောင်းဖို့က
ပိုပြီး အဓိက ကျတယ် ။
" သီလမေ၀ သုတာ သေယျော " တဲ့ ။
`ကိုယ်ကျင့်သီလ က
`အကြားအမြင် ပညာ ထက်
ပိုပြီး ချီးမွမ်းထိုက်တယ် လို့ ဆိုတယ် ။
* သို့သော် ကိုယ်ကျင့် ကောင်းသော်လည်း
အသိပညာ နည်းပါးသူဟာ
အများအကျိူ း အတွက် လုပ်နိုင်စွမ်း သိပ် မရှိဘူး ။
ပညာအရည်အချင်း က တော်ပါရဲ့
ကိုယ်ကျင့်တရား က မကောင်းဘူး ဆိုရင်တော့
ဒီ ပုဂ္ဂိုလ်မျိူ းက
အန္တရာယ် များတဲ့ ပုဂ္ဂိုလ် ဖြစ်လာတတ်တယ် ။
အဲဒါကြောင့်
သီလ နဲ့ ပညာ လို့ ဆိုတဲ့
ဒီ အရည်အသွေး ၂- မျိူ းစလုံး ရှိရမယ် ။
ဒီ အရည်အသွေး ၂- မျိူ းစလုံး ရှိတယ် ဆိုရင်
`အလွန် တန်ဘိုးရှိတဲ့ လူ ဖြစ်တာပေါ့ ။ ။ ။
🙏🙏🙏🙏🙏🙏🙏🙏🙏
(ပါမောက္ခချုပ်ဆရာတော် အရှင်နန္ဒမာလာဘိဝံသ)
ပြန်လည်မျှဝေပေးပါသည်။
🙏🙏🙏
No comments:
Post a Comment