အိမ်တွင်းအလှူမဏ္ဍပ် & ဝမ်းတွင်းအလှူမဏ္ဍပ်
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
” သခင်က နွားကိုကျွေးတာ ကုသိုလ်လိုချင်လို့ ကျွေးတာလား? ခိုင်းစားဖို့ ကျွေးတာလား?
ဘာလုပ်ဖို့ ကျွေးတာတုန်း။ ”
”..... ခိုင်းစားဖို့ ကျွေးတာပါ ဘုရား ”
”သားသမီးကျွေးတာကော?
”.....မပြောရဲပါဘုရား..”
” ပြောဗျာ။ ပြောကို ပြောရတော့မှာလေ။ တို့စာမှာကျတော့ အဲ့ဒါကို အိမ်တွင်းမဏ္ဍပ်လို့ ခေါ်တယ်။ ”
အလှူတစ်ခုလို သဘောထားပါ။
ဟုတ်ဗျာ။ အိမ်တွင်းမဏ္ဍပ်။
..ဟို အိမ်ရှေ့ထွက်ပြီး ဆွမ်းတွေ ဘာတွေလောင်းတာ အိမ်ပြင်မဏ္ဍပ်လို့ခေါ်တယ်။ ”
”သားသမီးကျွေးမွေးတာ အဲဒါ အိမ်တွင်းမဏ္ဍပ်ပါ။
အဲ့တော့ သူက ကိုယ့်ကိုပြန်ပြီး ကျေးဇူးသိသည်ဖြစ်စေ၊ မသိသည်ဖြစ်စေ ဒါသူတို့ကိစ္စ၊ တို့နဲ့ မဆိုင်ဘူး။
ဟုတ်တယ်နော်။ ”
... ” မှန်လှပါဘုရား ”
”ကျေးဇူးသိချင် သိမယ်၊ သိချင်မှလဲ သိမယ်*
ပြီးတော့ ကျေးဇူးသိသည့်တိုင်အောင် သူ့မှာ အထောက်အပံ့ရှိချင်မှလဲ ရှိမယ်။
ချို့တဲ့ရင်လည်း ချို့တဲ့နေမယ်။
အဲ့တော့ ကိုယ်က မျှော်ထားလို့ ကိုယ်မျှော်သလို မဖြစ်ရင် စိတ်မဆင်းရဲဘူးလား? ”
” ....ဆင်းရဲပါတယ်ဘုရား... ”
”...စိတ်ဆင်းရဲမှာပေါ့။ ”
ကိုယ်ကိုယ်တိုင်က သူတို့အပေါ် သဒ္ဓါစိတ်နဲ့ပေါ့ "ဪ သူ့ခမျာလေးတွေ ငါ့ကိုမှီပြီး မှီခိုစားနေကြရတာ ငါကြိုးစားရင် ကြိုးစားသလောက် သူတို့အဆင်ပြေကြမှာ။ ငါထောက်ပံ့ရင် ထောက်ပံ့သလောက် သူတို့ အဆင်ပြေကြမှာ "
ဒီစိတ်ကလေးနဲ့ကျွေးရင် နေ့တိုင်း ကုသိုလ်မရနိုင်ဘူးလား? ”
”...ရနိုင်ပါတယ် ဘုရား ”
” ကုသိုလ်၊ ကုသိုလ်”
***********************
အဲ့သလောက်မှ မကျွေးနိုင်ရင် ကိုယ့်ကိုယ်ကို ကုသိုလ်ပြုကြစမ်းပါ။
ကိုယ့်ကိုယ်ကိုလဲ အလှူပေးရသတဲ့ဗျ။
ပေးနိုင်ပါ့မလား? ကိုယ့်ကိုယ်ကို။
တို့ကိုမှီပြီး ပိုးအမျိုးက (၈၀) ၊အကောင်ပေါင်းမဟုတ်ဘူး။
ခုဒီမှာ ဗမာတဲ့၊ ရှမ်းတဲ့၊ တရုတ်တဲ့၊ ချင်းတဲ့၊ ကရင်တဲ့ ဆိုတဲ့ လူမျိုးရှိသလို ...
ကိုယ်ထဲမှာလဲ အမျိုးပေါင်းကို (၈၀) ရှိတာ။
အဲ့ဒီမှာ ဒီက ချကျွေးတဲ့အစာကို မှီခိုစားနေရရှာတာ။
အဲဒါ "#ဝမ်းတွင်းမဏ္ဍပ်" လို့ခေါ်တာ။
အိမ်တွင်းမဏ္ဍပ် မဟုတ်ဘူး။ ဝမ်းတွင်းမဏ္ဍပ်။
”... မှန်လှပါဘုရား ”
” ဘယ့်နှယ့်တုန်း။ ငါဆာလို့ ငါစားသလား? ငါ့ပိုးလေးတွေကို ဒါနပြုတာလား? ”
”... ငါဆာလို့ ငါစားတာပါဘုရား ”
”.. စာဂ၊ ကိုယ်ကျိုးစွန့်ပါတယ်ဆိုမှ။
အဲ့ဒီမှာကိုယ်စားချင်သလောက်စား ကိုယ့်အတွက် ၁ ပုံပဲရတယ်။
၅ ပုံပုံရပါသတဲ့။
၁ ပုံက ပိုးစားတာ။
ထမင်းတစ်လုတ်လောက်၊ ၂ လုတ်လောက်၊ ၃ လုတ်လောက်ထိအောင်က တို့အူတိုင်ဆင်းသွားတဲ့ဟာက သူတို့ အစာအိမ်ထိရောက်အောင် မစောင့်နိုင်ပါဘူးတဲ့။
ဘယ်ကရရ လှမ်းဆွဲရရှာတာ။
ငတ်လွန်းလို့။
ဘုန်းကြီးထဲ ပိုးဖြစ်ရတဲ့ကောင်တော့ ဘယ်လောက် ဒုက္ခရောက်မလဲ။
တခါပဲစားရတာ။
မင်းတို့ ဝမ်းထဲဆို တော်ဦးမှာ။
ဘုန်းကြီးဝမ်းထဲဝင်စားတဲ့ပိုးဆို တစ်ထပ်ပဲ စားရရှာတာ။
အဲ့ဒါ မစောင့်နိုင်ဘူးတဲ့ ။
အဲဒါ လှမ်းလှမ်းပြီး အူတိုင်က ကျလာတဲ့ဟာကို အစာအိတ်ထဲထိအောင် မစောင့်နိုင်ဘူး။
ဆွဲဆွဲစားရရှာတယ်တဲ့။
ပိုးစာအတွက် ၁ ပုံ
*********************
ပြီးတော့ ကိုယ့်အစာကိုပြန်ပြီး ချက်ဖို့ရာအတွက် လောင်မီးအတွက် ၁ ပုံ။
ပြီးတော့ ဒီကနေ အဆီအနှစ်ထုတ်လိုက်တော့ ဟိုအရည် အကာခေါ်မှာပေါ့ အဲ့ဒီဘက်က ကျင်ကြီးအဖြစ်နဲ့ ၁ ပုံသွားတယ်။
အရည်ကို ညစ်ထုတ်လိုက်တဲ့ ကျင်ငယ် ၁ ပုံသွားတယ်။
အဲ့ဒီ အရသာသတ္တိကို ဒီထဲက ထုတ်လိုက်တဲ့ အဆီအတွက် အဲ့ဒီ ၁ ပုံသာ တို့စားရတာ။
ဗိုက်ထဲကို သွင်းလိုက်တာကို ၅ ပုံပုံမှ တို့ရတာ ၁ ပုံထဲ။
ပိုးစာကို ၁ ပုံကျွေးရတယ်။
ဘယ်နှယ့်တုန်းဗျာ့။ ကျွေးနိုင်ပါ့မလား။
အဲ့တော့ ကိုယ်စားလဲ အဲပိုးလေးတွေ ငါ့ကိုမှီခိုပြီး စားနေရရှာတာ။
ပိုးလေးတွေခမျာ ငါ့ကိုမှီပြီး စားနေရရှာတာ သူတို့ခမျာလေးတွေအတွက် ငါတတ်နိုင်သလောက် ဒါနခမ်းချမယ်ဆိုရင် ဪ ဝမ်းတွင်းဒါန ဖြစ်သွားပြီဗျ။
အပြင်လုပ်မှ မဟုတ်ပါဘူး။
ဒါလဲ စာဂ။
ကိုယ်ကျိုးစွန့်လိုက်တာ ထင်တယ်။
ကိုယ်ကျိုးစွန့်တော့ကော ကိုယ့်ဗိုက်ထဲ ဝင်သွားတာ သူတို့မစားရဘူးလား။
”… စားရပါတယ်ဘုရား..”
” စားနေရတာပါပဲကွယ့်။
ငါစားဖို့ဆိုပြီး ထပ်ပြီးတော့ ကြွေးကြော်ဖို့လိုသေးလား? ”
”…မလိုပါဘူး ဘုရား ”
စာဂရှိရသနော်။
ဘာရှာရှာ။ အတ္တဒိဋ္ဌိ မရှိရပါဘူး။
ဟုတ်တယ်နော်
ငါ့ဖို့၊ ငါ့ဥစ္စာ ၊ငါ့ဗိုက် ၊ဒီစိတ်ထားနေသမျှ ဘယ်တော့မှ မငြိမ်းချမ်းဘူး။
** မဟာဗောဓိမြိုင်ဆရာတော်ဘုရားကြီး ဟောကြားတော်မူသော "သူတော်ကောင်း ဥစ္စာခုနှစ်ဖြာ" တရားတော်မှ ကောက်နုတ်ချက်။
Credit - original uploader.
No comments:
Post a Comment