မ ဖျက်၍ လူထွက်သည့် ရဟန်းများ
💥💥💥💥💥💥💥💥💥💥💥
ဘုရားရှင်သည် စာတုမရွာအနီး သျှိသျှားတော
တွင် အခိုက်တန့်အားလျော်စွာ သီတင်းသုံးနေ၏
ရှင်သာရိပုတ္တရာ နှင့် ရှင်မောဂ္ဂလာန်အပါဝင်
ငါးရာသော ရဟန်းများတို့သည် ဘုရားရှင်အား
ဖူးမျှော်နေကြစဉ်
ဘုရားရှင်သည် ရဟန်းတို့၏
ဘေးရန်( ၄ )ပါးကိုဟောကြားတော်မူသည်။
၁။ရဟန်းတို့ တစ်ချို ့သောရဟန်းများသည်
မွေးခြင်း အိုခြင်း သေခြင်း စသည့်
ဆင်းရဲအပေါင်းမှ လွတ်ရန်
ရဟန်းပြုခဲ့သော်လည်း
အချင်းချင်း သီတင်းသုံးဖော်များသည်
ဘုရားရှင်က ဤသို့သွားရမည်
ဤသို့လာရမည် ဤသို့ကြည့်ရမည်
စသည်ဖြင့် ပြောဆိုကာ ညွှန်ကြားသည်ရှိသော်
ဒေါသကိုအခြေခံကာ
ငါ့သား ငါ့မြေးလောက်သာရှိသည့်
သူတို့၏စကားကို ညွှန်ကြားမှုကို
လက်ခံရမည်လား ဟု
မကျေမနပ်ဖြစ်ခါ လူထွက်လေ၏
ထိုရဟန်းမျိုးကို "လှိုင်းတံပိုးဘေး"နှင့်
တူသည့် ပြင်းထန်သော မကျေနပ်မှု
ဒေါသကြောင့်လူထွက်သည်ဟူ၍
ဆိုအပ် မှတ်အပ်၏။
၂။ရဟန်းတို့ တစ်ချို ့သော
ရဟန်းများသည် ဆင်းရဲခြင်းတို့မှ
လွတ်မြောက်ရန် ရဟန်းပြုခဲ့သော်လည်း
အချင်းချင်း သီတင်းသုံးဖော်
ရဟန်းများသည် ဘုရားရှင်က
ဤဟာကိုစားရမည်
ဤဟာကိုမစားအပ်
နံနက်အချိန်သာစားသုံးရမည်
မွန်းလွဲအခါ စားသုံးခြင်းမပြု စသည့်
လမ်းညွှန်ပြသည်ရှိသော်
ယခင်က လူ ့ဘဝလိုလွတ်လပ်စွာ
မစားရတော့ မကျေနပ်ခြင်းဖြစ်ကာ
ထိုရဟန်းသည် လူထွက်သွား၏
ထိုရဟန်းမျိုးတို့ကို "မိကျောင်း"ဘေးနှင့်တူသည့်
သာသနာတော်ကိုအလေးမမှု
ဝမ်းရေးကိုသာ အလေးမူသော
လူထွက်ရဟန်းဟူ၍ မှတ်အပ်၏။
၃။ရဟန်းတို့ တစ်ချို ့သော
ရဟန်းများသည် ဆင်းရဲအပေါင်းမှ
လွတ်မြောက်ရန် ရဟန်းအဖြစ်ကို
ခံယူခဲ့သော်ညားလည်း
ဣနြေ္ဒကို မစောင့်စည်းပဲ
မြို ့ထဲ ရွာထဲကို ဆွမ်းခံသည်ရှိသော်
ကာမဂုဏ်ခံစားနေရသောလူများမြင်၍
ထိုရဟန်းသည်လည်း ကာမဂုဏ်ခံစားချင်သည့်
စိတ်များဖြစ်ပေါ်ကာလူထွက်လေ၏
ထိုရဟန်းမျိုးကို" ဝဲဂယက်" နှင့်တူသည့်
ကာမဂုဏ်ကြောင့် လူထွက်သူဟု
မှတ်အပ်၏ ။
၄။ရဟန်းတို့ တစ်ချို ့သော
ရဟန်းများသည် ဆင်းရဲအပေါင်းမှ
လွတ်မြောင်ရန်အတွက်
ရဟန်းအဖြစ်ခံယူခဲ့သော်လည်း
ဣနြေ္ဒကိုမစောင့်စည်းပဲ
မြို ့ထဲ ရွာထဲသို့ ဆွမ်းခံဝင်လေသည်ရှိသော်
အဝတ် အစားများ ကပို ကယိုဝတ်ကာ
နေထိုင်သော မာတုဂါမ(မိန်းမ)များကို
တွေ ့မြင်ကာတပ်မက်စွဲလမ်းသည့်
စိတ်တွေဖြစ်ကာလူထွက်ကြ၏
ထိုရဟန်းကို "ငါးမာန်ဘေး"နှင့်တူသည့်
မာတုဂါမ မိန်းမကြောင့်
လူထွက်သည့်ရဟန်းဟူ၍
ခေါ်ဆိုခြင်းမှတ်အပ်၏။ [ စာတုမသုတ် ]
အဆိုပါရဟန်းများသည်
မည့်သည့်အဖြစ်ကြောင့်
ရဟန်းဘဝကိုစွန့်လွှတ်၍
လူ ထွက်သွားကြသနည်း
ဘုရားရှင်သည် ရှောင်ကျဉ်ရမည့်တရားများကို
"မ"ကောင်းသောတရားလို့"
အဖန်ဖန်ဟောပြ ညွှန်ပြ
ဆုံးမနေသော်လည်းပဲ
ဘုရားရှင်ပညတ်ထားသည့်
"မကိုဖျက်ကာ" မကိုဖြုတ်ကာ"
နေထိုင်ခဲ့မိသောကြောင့်
လူထွက်သွားကြသည်သာဖြစ်၏။
မ ကောင်းမှုဆိုလျှင်
မ ကိုဖျက်ကာ
ကောင်းတာပဲဟူ၍အယူလွဲကာ
ကျင့်သုံးခဲ့လို့သာတည်း
မ လုပ်ရဟုဆိုလျှင်
မ ကိုဖျက်ကာ
လုပ်လို့ရတာပဲဟူ၍အကျင့်မှားကာ
လုပ်ခဲ့မိလို့သာတည်း။
မသွားနဲ့ဆိုလျှင်
မ ကိုဖျက်ကာသွား၏
မစားနဲ့ဆိုလျှင်
မ ကိုဖျက်ကာ
စားသုံးကျ၏
ဒါ့ကြောင့် တစ်ချို ့သောရဟန်းများသည်
မ ကိုဖျက်မိ၍့ လူထွက်သော
ရဟန်းများသည်လည်းရှိသည်ဖြစ်၏။
ရဟန်းများသာလျှင် မဟုတ်
ဗုဒ္ဓဘာသာဝင် ဥပါသကာ နှင့်
ဥပါသိကာမတို့သည်လည်း
ဘုရားက အနိစ္စဆိုလျှင်
နိစ္စ "မြဲသည်ဟူ၍" အမှတ်မှားနေကြသည်
ဘုရားက ဒုက္ခဟုဆိုလျှင်
သုခ"ချမ်းသာသည်ဟူ၍ အယူမှားနေကြသည်
မကောင်းမှုမှန်သမျှ
မလုပ်နဲ့ဟူ၍တားမြစ်ထားသော်
နေ့စဉ်နှင့်အမျှပြန်ကြည့်လျှင်
ဘဝအတွက် ကောင်းမှုတွေက
အလွန်နည်းနေတာတွေ ့မြင်ရမည်သာဖြစ်၏။
ရဟန်းများ မ ကိုဖျက်လျှင်
ရဟန်းဘဝပျက်စီးနိုင်၍
သာသနာလည်းပျက်စီးနိုင်သလို
လူသားများသည်လည်း
မ ကိုဖျက်လျှင်
ဘဝပါ ပျက်စီး၍
တိုင်းပြည်ပါပျက်စီးနိုင်ပေ၏
မကို မဖျက်မိကြဖို့အရေး
ဘဝ အသက်နှင့်ထပ်တူ
တန်ဖိုးထားစောင့်စည်းသွားနိုင်ရမည်
မဟုတ်ပါလား။
ဖန်ခါးမြေအရှင်
⭐⭐⭐⭐⭐
No comments:
Post a Comment