မြတ်ဗုဒ္ဓ၏တစ်နေ့တာလုပ်ငန်းစဥ်..၅ရပ်

🙏🌷မြတ်ဘုရား၏ တစ်နေ့တာ လုပ်ငန်းစဉ် (၅) မျိုး🌷🙏

************************************************************************************

(၁) ပုရေဘတ္တပုဗ္ဗကိစ္စ = နံနက်ခင်း ဗုဒ္ဓလုပ်ငန်းစဉ်

မြတ်စွာဘုရားရှင်သည် စောစောစီးစီး ထတော်မူ၍ အလုပ်အကျွေး ရဟန်းတော်အား ချီးမြှောက်ရန် ရူပကာယကိုယ်တော် ချမ်းသာရန်အတွက် မျက်နှာတော်သစ်ခြင်း အစရှိသော ကိုယ်လက်သုတ်သင်မှုကို ပြုတော်မူပြီးလျင် ဆွမ်းခံ၀င်ချိန်ရောက်သည့်တိုင်အောင် ဆိတ်ငြိမ်ရာအရပ်၌ ဖလသမာပတ်ဖြင့် အချိန်ကို ကုန်လွန်စေတော်မူ၍ ဆွမ်းခံချိန် ကျရောက်သောအခါ သင်းပိုင်ကို ပြင်၀တ်၍ ခါးပန်းကို ပန်းပြီးလျင် သင်္ကန်းတော်ကို ရုံတော်မူ၍ သပိတ်တော်ကို ယူဆောင်တော်မူကာ တခါတရံ တပါးတည်း၊ တခါတရံ ရဟန်းအပေါင်းခြံရံလျက် ရွာနိဂုံးအတွင်းသို့ ဆွမ်းခံကြွ၀င်တော်မူ၏။ ထိုသို့ ကြွ၀င်တော်မူရာမှာလည်း တရံတခါ ပကတိသော ကြွ၀င်ခြင်းဖြင့် ကြွ၀င်၍ တရံတခါ များစွာသော တန်ခိုး ပြာဋိဟာတို့ဖြင့် ကြွ၀င်တော်မူ၏။ ကြွ၀င်တော်မူပုံမှာ-

မြတ်စွာဘုရားရှင် ဆွမ်းခံ၀င်တော်မူလတ်သည်ရှိသော် ရှေ့တော် ရှေ့တော်မှ လေပြေ လေညှင်းတို့သည် တိုက်ခတ်ကြကာ မြေအပြင်ကို စင်ကြယ်စေကြလေသည်။ တိမ်တိုက်တို့သည် ရေပေါက်တို့ကို တဖွားဖွား လွှတ်ကုန်လျက် လမ်းခရီးတလျောက်ရှိ မြူမှုန်များကို သိပ်စေကြ၍ ကိုယ်တော်မြတ်၏ အထက်၌ ဗိတာန်မျက်နှာကြက်ပမာ လိုက်ပါကြကုန်၏။ အခြားသော လေတို့ကလည်း ထိုထိုအရပ်၌ ပွင့်သောပန်းများကို ယူဆောင် တိုက်ခတ်ခဲ့ကြ၍ ကြွသွားတော်မူရာ လမ်းတလျောက်၌ ပန်းမွေ့ရာ ကြဲဖြန့် ခင်းကြကုန်၏။ ပင်ကိုယ်က မြင့်မောက်နေသော မြေအရပ်တို့သည် အလိုလို နိမ့်ကျကာ တညီတညွတ်တည်း ဖြစ်ကြကုန်၏။ ပင်ကိုယ်က နိမ့်ဝှမ်းသော မြေအရပ်တို့သည် အလိုလိုမြင့်တက်ကာ တညီတညွှတ်တည်း ဖြစ်ကြကုန်၏။ ကျောက်တုံး ကျောက်ခဲ ကျောက်စရစ်များ အိုးခြမ်းကွဲများ သစ်ငုတ် ဆူးညောင့်များသည် သူတို့အလိုလို ဖယ်နှင့် ရှားနှင့်ကြကုန်၏။

ခြေတော်ကို မြေပေါ်သို့ ချနင်းသောအခါ မြေအပြင်သည် ညီညွှတ်ပြီးသား ဖြစ်နေလေ၏။ သို့မဟုတ် အတွေ့ကောင်းသော ရထားလှည်းဘီး ပမာဏရှိသည့် ပဒုမာကြာပန်းကြီးများကသော်မူလည်း ခြေတော်အောက်က အသင့်ခံလင့်ကြကုန်၏။

ထိုထို မြို့ရွာ အ၀င်၀ တံခါးခုံအတွင်း လင်္ကျာခြေတော်ကို ချထားမိလျှင်ပင် ကိုယ်တော်မှ ရောင်ခြည်တော် ခြောက်သွယ်တို့ ကွန့်မြူး ထွက်ကြွကုန်၏။ လေးထောင့်ပြသာဒ် အထွတ်တပ်သော တိုက်အိမ် အစရှိသည့် ထိုထိုအဆောက်အဦးများကို ရွှေရည်ဖြင့် သွန်းလောင်းအပ်ကုန်သကဲ့သို့၄င်း၊ ဆန်းကြယ်သော အ၀တ်တို့ဖြင့် ရစ်ပတ် ဖုံးအုပ်အပ်ကုန်သကဲ့သို့၄င်း၊ အရောင်ပြိုးပြက် တလက်လက် ထွက်အောင်ပြုလုပ်ကြ၍ ထိုမှ ဤမှ ပြေးသွားကြကုန်၏။ ဆင်မြင်း ကျေးငှက်အစရှိသော တိရစ္ဆာန် သတ္တဝါတို့သည် မိမိမိမိတို့၏ နေရာဌာန၌ တည်နေကြရင်းကပင် ချိုမြိန်သာယာသော အသံကို တွန်ကြမြည်ကြ ဟီကြကုန်၏။ ထို့အတူပင် စည်စောင်းအစရှိသော တူရိယာမျိုးတို့သည်လည်း လူတို့က မတီးအပ်ပဲ သာယာသော အသံကို မြည်ကြကုန်၏။ လူတို့ ကိုယ်၀ယ် ၀တ်ဆင်ထားအပ်သည့် ပုတီး နားဋောင်း လက်ကောက် လက်ကြပ်စသော အဆင်တန်ဆာတို့ကလည်း အလိုလို သာယာသော အသံကို မြည်ကြကုန်၏။ ထိုအမှတ်သင်္ကေတဖြင့် လူတို့သည် “ယနေ့ မြတ်စွာဘုရားရှင်သည် ငါတို့မြို့ရွာသို့ ဆွမ်းခံ ကြွ၀င်တော်မူလာပြီ” ဟု သိရှိကြကုန်၏။

ထိုလူတို့သည် အ၀တ်ကောင်း အရုံကောင်းကို ၀တ်ကြရုံကြကုန်လျက် နံ့သာပန်း စသည်တို့ကို လက်စွဲကြကာ မိမိ မိမိတို့၏ အိမ်မှ အသီးအသီး ထွက်ကြ၍ မြို့လယ်လမ်းမသို့ တစုတရုံး သွားရောက်ကြလျက် မြတ်စွာဘုရားရှင်ကို နံ့သာပန်း စသည်တို့ဖြင့် ရိုသေစွာ ပူဇော်ရှိခိုးကြပြီးလျင် ”အရှင်ဘုရားတို့ဘုရား.... တပည့်တော်များအား ရဟန်းတော် ဆယ်ပါးပေးကြပါကုန်။ တပည့်တော်များအား ရဟန်းတော် နှစ်ကျိပ်ပေးကြပါကုန်။ တပည့်တော်များအား ရဟန်းတော် တရာပေးကြပါကုန်” စသည်ဖြင့် မိမိတို့ တတ်နိုင်သလောက် တောင်းယူကြပြီးလျင် မြတ်စွာဘုရားရှင်၏ သပိတ်တော်ကိုလည်း ယူဆောင်ကြ၍ နေရာတော် ခင်းကြပြီး ရိုသေစွာ ဆွမ်းပြုစု လုပ်ကျွေးကြလေသည်။

မြတ်စွာဘုရားရှင်သည် ဆွမ်းဘုဉ်းပေးခြင်း ကိစ္စပြုပြီးလတ်သော် ထိုလူများ၏ အတွင်းအဇ္စျာသယဓာတ်နှင့် လိုက်လျောအောင် ကြည့်ရှု့တော်မူပြီးလျင် အချို့သရဏဂုံသုံးပါး၌ တည်အောင် အချို့ ငါးပါးသီလတို့၌တည်အောင် အချို့သောတာပတ္တိဖိုလ် သကဒါဂါမိဖိုလ် အနာဂါမိဖိုလ်တို့တွင် တပါးပါး၌တည်အောင် အချို့ရဟန်းပြု၍ အရဟတ္တဖိုလ်၌ တည်ကြအောင် တရားဟောတော်မူလေ၏။ ဤနည်းဖြင့် လူများအပေါင်းကို အကျိုးရအောင် ချီးမြှောက်တော်မူပြီးမှ ကျောင်းသို့ ပြန်ကြွတော်မူလေသည်။

ကျောင်းတော်သို့ ရောက်သောအခါ နံ့သာတန်ဆောင်း၀န်းအတွင်း အသင့်ခင်းထားအပ်သော ဘုရားနေရာတော်၌ ရဟန်းတို့၏ ဆွမ်းကိစ္စပြီးဆုံးချိန်ကို ငံ့လင့်တော်မူကာ ထိုင်နေလေသည်။ ထို့နောက်မှ ရဟန်းတို့၏ ဆွမ်းကိစ္စပြီးဆုံးသောအခါ၌ အလုပ်အကျွေးရဟန်းသည် မြတ်စွာဘုရားရှင်အား (ရဟန်းတို့၏ ဆွမ်းကိစ္စပြီးဆုံးပါကြောင်း) ကြားလျှောက်လေသည်။ ထိုအခါမှာ မြတ်စွာဘုရားရှင်သည် ဂန္ဓကုဋီကျောင်းတော်သို့ ၀င်ကြွတော်မူလေသည်။

(ဤကား ပုရေဘတ္တကိစ္စ=နံနက်ခင်း ဗုဒ္ဓလုပ်ငန်းစဉ် ဖြစ်သည်။ ဤနေရာ၌ မဖေါ်ပြအပ်သော ဗုဒ္ဓကိစ္စ အသေးစိတ်လုပ်ငန်းစဉ်များလည်း ကျန်ရှိသေး၏။ ထိုလုပ်ငန်းစဉ်များကို မဇ္စျိမပဏ္ဏာသပါဠိတော် ဗြဟ္မာယုသုတ်၌ ဟောတော်မူသည့်အတိုင်း မှတ်ယူရာ၏။)

အချုပ် =

(၁) အိပ်ယာတော်မှ ထတော်မူပြီး ကိုယ်လက်သုတ်သင်တော်မူသည်

(၂) ဆွမ်းခံကြွ၀င်တော်မူသည်

(၃) ဆွမ်းဒကာများကို အနုမောဒနာတရား ဟောကြားတော်မူသည်။

(၂) ပစ္ဆာဘတ္တဗုဒ္ဓကိစ္စ = ဆွမ်းစားပြီးနောက် ဗုဒ္ဓလုပ်ငန်းစဉ်

ထို့နောက်မှ မြတ်စွာဘုရားရှင်သည် နံနက်ခင်း ဆွမ်းကိစ္စကိုပြုပြီးလတ်ရကား ဂန္ဓကုဋိကျောင်းတော်အနီး အလုပ်အကျွေးရဟန်း ခင်းထားအပ်သောနေရာ (ရဟန်းတော်တို့ ညီမူဆည်းပူးရာ)၌ ထိုင်နေတော်မူကာ ခြေတော်တို့ကို ဆေးကြောတော်မူ၍ ခြေဆေးအင်းပြင်၌ ရပ်တော်မူရင်းကပင် ရဟန်းသံဃာကို-

“ရဟန်းတို့…. အပ္ပမာဒတရားဖြင့် သိက္ခာသုံးပါးကို ပြည့်စုံအောင် ကြိုးစားအားထုတ်ကြကုန်လော့။ လောက၌ မြတ်စွာဘုရားရှင် ဖြစ်ပွင့်တော်မူရာ အခါကာလကို ရခဲလှ၏။ လူ့အဖြစ်ကိုလည်း ရခဲလှ၏။ သဒ္ဓါတရားနှင့် ပြည့်စုံခြင်းကိုလည်း ရခဲလှ၏။ ရှင်ရဟန်းအဖြစ်ကိုလည်း ရခဲလှ၏။ သူတော်ကောင်းတရား နာကြားရခြင်းကိုလည်း (ကြားနာရန်အခွင့်ကိုလည်း) ရခဲလှ၏။ဟု အပ္ပမာဒ သြ၀ါဒဒေသနာဖြင့် ဆုံးမတော်မူလေသည်။

ထိုအစည်းအဝေး၌ အချို့ရဟန်းတို့က မြတ်စွာဘုရားရှင်တို့ ကမ္မဌာန်းတရား လျှောက်ထားမေးမြန်းကြလေသည်။ မြတ်စွာဘုရားရှင်သည် ထိုရဟန်းတို့အား စရိုက်အားလျော်သော ကမ္မဋ္ဌာန်းကို ပေးတော်မူလေသည်။ ထို့နောက်မှ ရဟန်းအားလုံးပင် မြတ်စွာဘုရားရှင်ကို ရိုသေမြတ်နိုး ရှိခိုးကြပြီးနောက် မိမိ မိမိတို့၏ နေ့သန့်ရာဌာနများ ညဉ့်သန့်ရာဌာတို့သို့ အသီးအသီး ဖဲသွားကြလေသည်။ အချို့ကတောအရပ်သို့ အချို့က သစ်ပင်ရင်းသို့ အချို့က တောင်စသည်တို့တွင် တပါးပါးသောအရပ်သို့ အချို့က စတုမဟာရာဇ်နတ်ပြည်သို့ အချို့က တာ၀တိ ံသာနတ်ပြည်သို့ ယာမာနတ်ပြည် တုသိတာနတ်ပြည် နိမ္မာနရတိနတ်ပြည် ပရနိမ္မိတ၀သ၀တ္တိနတ်ပြည်သို့ ဖဲသွားကြလေသည်။

ထို့နောင်မှ မြတ်စွာဘုရားရှင်သည် ဂန္ဓကုဋိကျောင်းတော်သို့ ၀င်၍ အလိုတော်ရှိလျင် လင်္ကျာနံတောင်းဖြင့် သတိသမ္ပဇဉ် လက်မလွတ်ပဲ တခဏမျှ မြတ်သော လျောင်းစက်မှု ပြုတော်မူ၏။

ထို့နောက်သက်သာစေအပ်ပြီးသော ကိုယ်တော်ရှိကာ လျောင်းတော်မူရာမှ ထပြီးလျှင် (နေ့၏) ဒုတိယပိုင်း၌ သတ္တလောကကို ကြည့်ရှုဆင်ခြင်တော်မူ၏။ (နေ့၏) တတိယပိုင်း၌မူ ဂေါစရဂါမ်အမှီပြု၍ နေရာ ထိုထိုမြို့ရွာ၌ နေထိုင်ကြသူ လူများအပေါင်းတို့သည် နံနက်ခင်း အလှူပေးကြပြီးနောက် မွန်းလွဲသောအခါ အ၀တ်ကောင်း အရုံကောင်း ၀တ်ရုံကြလျက် နံ့သာပန်းစသည်တို့ကို လက်စွဲကြကာ ကျောင်းတိုက်တော်အတွင်း၌ တရားနာရန် လာရောက် စည်းဝေးကြလေ၏။

ထိုအခါ မြတ်စွာဘုရားရှင်သည် ရောက်ဆိုက်လာသော ပရိသတ်အား သင့်လျော်လျောက်ပတ်သော တန်ခိုးပြာဋိဟာဖြင့် ကြွရောက်တော်မူကာ တရားသဘင် (=တရားဟောရာ တန်ဆောင်း၀န်း)၀ယ် ခင်းထားအပ် မြတ်သော ဘုရားနေရာတော်၌ ထိုင်နေတော်မူကာ အချိန်ကာလ အတိုင်းအရှည်ပမာဏနှင့် သင့်လျော်လျောက်ပတ်သော တရားစကား ဟောကြားတော်မူပြီးနောက် အခါကို သိတော်မူကာ ပရိသတ်ကို လွှတ်လိုက်လေသည်။ လူအပေါင်းတို့သည် မြတ်စွာဘုရားရှင်ကို ရှိခိုးပြီးလျှင် ဖဲသွားကြလေ၏။

(ဤကား ပစ္ဆာဘတ္တဗုဒ္ဓကိစ္စ = ဆွမ်းစားပြီးနောက် နေ့ပိုင်း ဗုဒ္ဓလုပ်ငန်းစဉ်တည်း)

အချုပ် =

(၁) ရဟန်းများကို သတိပေးတရားဟောတော်မူပြီး ကမ္မဋ္ဌာန်းတရားပေးတော်မူသည်

(၂) ခေတ္တခဏမျှ လျောင်းစက်အနားယူတော်မူသည်

(၃) သတ္တလောကကို ကြည့်ရှုဆင်ခြင်တော်မူသည်

(၄) လာရောက်ကြသည့် ပရိသတ်များကို တရားဟောတော်မူသည်။

(၃) ပုရိမယာမဗုဒ္ဓကိစ္စ= ညဉ့်ဦးယံပိုင်း ဗုဒ္ဓလုပ်ငန်းစဉ်

မြတ်စွာဘုရားရှင်သည် ဤသို့ ပစ္ဆာဘတ္တကိစ္စ= ဆွမ်းစားပြီးနောက် နေ့ပိုင်းဗုဒ္ဓလုပ်ငန်းစဉ်တို့ကို ဆောင်ရွက်ပြီးသော် ကိုယ်တော်ကို ရေချိုးတော်မူလိုလျင် ဗုဒ္ဓါသန= ဘုရားနေရာတော်မှ ထခဲ့၍ အလုပ်အကျွေးရဟန်း ချိုးတော်ရေ စီမံရာဌာနသို့ ကြွရောက်ပြီးလျှင် အလုပ်အကျွေး ရဟန်း၏လက်မှ ရေသနုပ်ကို ယူတော်မူ၍ ရေချိုးအိမ်သို့ ၀င်တော်မူလေသည်။

ထိုသို့ မြတ်စွာဘုရားရှင် ရေသုံးသပ်တော်မူချိန်မှာပင် အလုပ်အကျွေးရဟန်းသည်လည်း ဘုရားနေရာတော်ကို ယူဆောင်ခဲ့၍ ဂန္ဓကုဋိ ပရိဝုဏ်အတွင်း၌ ခသ်ဒထယဒလေ၏။ မြတ်စွာဘုရားရှင်သည် ကိုယ်တော်ကို ရေသုံးသပ်တော်မူပြီးလျှင် ကောင်းစွာ တပ်ဆိုးအပ်သည့် နှစ်ထပ်သင်္ကန်းကို ၀တ်တော်မူ၍ ခါးပန်းကို ပန်ပြီးလျှင် ကိုယ်၀တ်စံပယ်တင် (လက်ကန်တော့ထိုး)တော်မူလျှင် တပါးတည်းပင် ထိုဂန္ဓကုဋိ ပရိဝုဏ်အတွင်း ခင်းထားအပ်သော ဘုရားနေရာတော်၌ တခဏမျှ အပန်းဖြေကာ ထိုင်နေတော်မူလေသည်။

ခဏကြာသောအခါ ရဟန်းတို့သည် ထိုထိုနေ့သန့်ရာ ညဉ့်သန့်ရာ အရပ်တို့မှ အသီးအသီး လာရောက်ကြကာ မြတ်စွာဘုရားရှင်အား ဆည်းကပ်ခစားကြကုန်၏။ ထိုအစည်းအဝေး၌ အချို့သော ရဟန်းတို့က ပြဿနာမေးလျှောက်ကြ၍ အချို့သော ရဟန်းတို့က ကမ္မဋ္ဌာန်းတရား မေးမြန်းလျှောက်ထားကြလေသည်။ အချို့သောရဟန်းတို့က တရားနာဖို့ရန် (=တရားဟောပါမည့် အကြောင်း) တောင်းပန် လျှောက်ထားကြလေသည်။ မြတ်စွာဘုရားရှင်သည် ထိုပြဿနာမေးလျှောက်သော ရဟန်း ကမ္မဋ္ဌာန်းတရားမေးလျှောက်သောရဟန်း တရားနာရန် (တရားဟောပါမည့်အကြောင်း) တောင်းပန်လျှောက်ထားကြသော ရဟန်းအားလုံးတို့၏ လိုလားတောင့်တချက်ကို ပြည့်စုံအောင် ချီးမြှောက်တော်မူလျက် ညဉ့်ဦးယံ အချိန်ပိုင်းကို ကုန်လွန်စေတော်မူလေသည်။

အချုပ် -

(၁) နေ့ခင်းကိစ္စပြီးလျှင် ရေချိုးလိုက ရေချိုးတော်မူခြင်း

(၂) ဂန္ဓကုဋိတော်တွင် နားနေလျက် - ပြဿနာများကို ဖြေပေးခြင်း၊ ကမ္မဋ္ဌာန်းလိုချင်သူကို ကမ္မဋ္ဌာန်းပေးခြင်း၊ တရားနာလိုသူကို တရားဟောပေးခြင်းများကို ပြုတော်မူသည်။

(၄) မဇ္စျိမယာမ ဗုဒ္ဒကိစ္စ =သန်းခေါင်ယံပိုင်း ဗုဒ္ဓလုပ်ငန်းစဉ်

ညဥ့်ဥိးယံပိုင်း ဗုဒ္ဓလုပ်ငန်းစဉ် ပြီးဆုံးသဖြင့် ရဟန်းတော်များ မြတ်စွာဘုရားရှင်ကို ရှိခိုး၀တ်ပြု၍ ဖဲသွားကြလေသော် ဇာတိခေတ် စကြာ၀ဠာပေါင်း တိုက်တသောင်း၌ နေထိုင်ကြသော နတ်ဗြဟ္မာတို့သည် အခွင့်ရကြသဖြင့် မြတ်စွာဘုရားရှင်အထံတော်သို့ ဆည်းကပ်ကြပြီးလျင် မိမိတို့ စီရင်ဆင်ခြင် စဉ်းစားခဲ့ကြသည့် အမေးပုစ္ဆာ ပြဿနာများကို အယုတ်သဖြင့် အက္ထရာလေးလုံးမျှရှိသည့် ပြဿနာကိုသော်လည်း မေးမြန်းလျှောက်ထားကြလေသည်။ မြတ်စွာဘုရားရှင်သည် ထိုထိုနတ်ဗြဟ္မာတို့ကို တခုမကျန် ဖြေရှင်းတော်မူကာ မဇ္စျိမယံ (=သန်းခေါင်းယံ)အချိန်ကို ကုန်လွန်စေတော်မူလေသည် (ဤကား မဇ္စျိမယာမ ဗုဒ္ဒကိစ္စ = သန်းခေါင်ယံပိုင်း ဗုဒ္ဓလုပ်ငန်းစဉ်တည်း)

အချုပ် =နတ်ဗြဟ္မာများအား တရားဟောကြားတော်မူသည်။

(၅) ပစ္ဆိမယာမဗုဒ္ဓကိစ္စ= မိုးသောက်ယံပိုင်း ဗုဒ္ဓကိစ္စ

ပစ္ဆိမယံ=မိုးသောက်ယံ) အချိန်ပိုင်းကို သုံးပိုင်း ပိုင်း၍ နံနက်အချိန်မှ အစပြုကာ ထိုင်နေခြင်း ဣရိယာပုထ်ဖြင့် နှိပ်စက်အပ်သည့် ရူပကာယကိုယ်တော်မြတ် အပင်အပန်းအနွမ်းအနယ် ပြေပျောက်စေရန် တပိုင်းတပုံ အချိန်ကို စင်္ကြန်ကြွသွားခြင်းဖြင့် ကုန်လွန်စေတော်မူသည်။

ဒုတိယပိုင်းအချိန်၌ ဂန္ဓကုဋီကျောင်းတော်သို့၀င်၍ လင်္ကျာနံတောင်းဖြင့် သတိသမ္ပဇဉ် လက်မလွတ်ပဲ မြတ်သောလျောင်းစက်မှုကို ပြုတော်မူလေသည်။

တတိယပိုင်းအချိန်၌ လျောင်းတော်မူရာမှ ထပြီးလျှင် ထက်၀ယ်ဖွဲ့ခွေ ထိုင်နေတော်မူ၍ ရှေးရှေးဘုရားရှင်တို့၏ အထံ၌ ဒါနသီလအစရှိသောအားဖြင့် အဓိကာရ (အထိကရ) ကုသိုလ်ထူး ပြုခဲ့ဖူးသော ပုဂ္ဂိုလ်များကို ပိုင်းခြားထင်ထင် လင်းလင်းမြင်ရန် အာသယာနုသယညာဏ် ဣနြ္ဒိယပရောပရိယတ္တိညာဏ် တည်းဟူသော ဗုဒ္ဓစက္ခုတော်အစုံဖြင့် သတ္တလောကကို ကြည့်ရှုတော်မူလေသည်။၏

ဤကား သံယုတ်အဋ္ဌကထာ သီလက္ခန်အဋ္ဌကထာ စသည်တို့၌ ဖွင့်ပြပုံတည်း။

သုတ္တနိပါတ်အဋ္ဌကထာ၌ ဖွင့်ပြပုံမှာ… မိုးသောက်ယံအချိန်ပိုင်းကို လေးပိုင်းပိုင်း၍ ပထမအချိန်ပိုင်း၌ စင်္ကြန်ကြွတော်မူသည်။

ဒုတိယအချိန်ပိုင်း၌ ဂန္ဓကုဋိကျောင်းတော်သို့ ၀င်၍ လင်္ကျာနံတောင်းဖြင့် သတိသမ္ပဇဉ် လက်မလွတ်ပဲ မြတ်သော လျောင်းစက်မှုကို ပြုတော်မူသည်။

တတိယအချိန်ပိုင်း၌ အရဟတ္တဖိုလ် ဖလသမာပတ်ကို ၀င်စားတော်မူသည်။

စတုတ္ထအချိန်ပိုင်း၌ မဟာကရုဏာသမာပတ်ကို ၀င်စားတော်မူပြီးလျှင် အပ္ပရဇက္ခသတ္တဝါ မဟာရဇက္ခသတ္တဝါစသည်တို့ကို လင်းလင်းထင်ထင် မြင်နိုင်ဖို့ရန် ဖေါ်ပြရာပါ ဗုဒ္ဓစက္ခုတော်အစုံဖြင့် သတ္တလောကကို ကြည့်ရှုတော်မူလေသည်။

🙏🙏🙏🙏🙏

Credit:တိပိဋကဓရ ဆရာတော် ဦးဝိစိတ္တသာရာဘိဝံသ ဦးစီးရေးသားသည့် နိုင်ငံတော် ဗုဒ္ဓသာသန မဟာဗုဒ္ဓ၀င် စတုတ္ထတွဲမှ ဖေါ်ပြပါသည်။

ဓမ္မဒါနပါရမီကုသိုလ်တော်ပြုပူဇော်ပါသည်။

🙏Diamond May🙏

🕛🕛🕛🕛🕛🕛🕛🕛🕛🕛🕛🕛🕛🕛

မျိုး 5 daily activities of the Buddha 🌷🙏

 ***************************************************  **********************************

 (1) Puribatta Pobba Case = Morning Buddha process

 When the Blessed One arose early and performed the rituals such as cleansing his face for the sake of his physical well-being for the sake of his meritorious service, he spent his time in a quiet place until the time of almsgiving.  Sometimes, surrounded by monks, he would enter the village to give alms.  In this way, He sometimes comes in the form of a physical coming, sometimes with great miracles.  Here is how he came in:

 When the Blessed One entered the almshouse, the breeze in front of him blew and purified the ground.  Clouds send out streams of water, making the dust thicken along the way, and they follow him like a ceiling.  The other winds carried the flowers here and there, scattering flowers along the way.  Naturally high ground is automatically lowered and united.  The lower parts of the earth are naturally raised and united.  Rocks, pebbles, pottery, and stumps were removed by themselves.

 When he set foot on the ground, the ground was level.  Or large Paduma lotus flowers the size of a wagon wheel, but waiting at his feet.

 Even if the poet's foot is placed in the gate of the town or village, the six rays of light radiate from him.  It is like pouring gold on a building, such as a rectangular mansion.  As if covered with a strange garment;  They made a flash of light and ran from here.  Even animals, such as elephants, birds, and birds, have been chirping and rejoicing since they were in their place.  In the same way, instruments such as the harp make a pleasant sound that people should not play.  Accessories such as beads, earrings, bracelets and bracelets, which people wear, also make a pleasant sound.  With this symbol, people know: "Today the Blessed One has come to our town for almsgiving."

 These people, dressed in fine clothes, carrying incense, went out of their homes, went to the streets of the city, and paid homage to the Blessed One with incense.  Give twenty disciples to the disciples.  They asked for as much as they could, and then brought the Buddha's bowl, prepared a place, and served alms reverently.

 When the Blessed One had finished giving alms, he looked at them in accordance with the inner energy of the people, and established some of them in the Three Realms, some in the Five Noble Truths, some in the Tathagata Folly, some in the Anagami Folly, and some established in the Arahant Folly.  In this way he glorified all the people and returned to school.

 When he arrived at the temple, he was sitting in the place of the Buddha, which had been prepared in the winter courtyard, waiting for the monks to finish their alms.  Then, at the end of the bhikkhus' alms-giving, the servant monk informed the Blessed One:  Then the Blessed One entered the Gandhakuti temple.

 (This is the Purbatta case = the morning process of the Buddha. There are still details of the process of the Buddha that are not mentioned here.

 Summary =

 (1) He rose from his bed and washed his hands

 (2) He enters almsgiving

 (3) He preached almsgiving to almsgivers.

 (2) Pissa Bhatta Buddha matter = The process of the Buddha after eating

 Then, after having breakfast, the Blessed One was sitting near the Gandhakuti temple (where the monks were gathered).

 “Bhikkhus….  Strive to fulfill the three qualities by the Dhamma.  It is difficult to find a time in the world when the Blessed One appeared.  It is difficult to be human.  It is also difficult to attain faith.  Being a bhikkhu is also difficult.  It is difficult to hear a good Dhamma (opportunity to hear).

 At that meeting, some monks asked the Blessed One for meditation.  The Blessed One gave these bhikkhus the proper kamma.  Then all the monks paid homage to the Blessed One and then went to their respective sanctuaries, day and night.  Some went to the forest, some to the tree trunk, some to the mountains, some to the Satumaharaja deity, some to the Tawatinatha realm, the Yama deva to the Tusita deity, the Nimmanarati deity to the deity realm.

 Then the Blessed One entered the Gandhakuti temple and, if he wished, recited the verse of poetry with a basket of poetry.

 Then he got up from his seat and looked at the world in the second half of the day.  In the third part of the day, all the people of this town and village, in the place of Gosaragam, donated in the morning, and in the afternoon, dressed in fancy clothes and incense, gathered in the temple to listen to the Dhamma.

 Then the Blessed One came to the audience with the appropriate miracle of power, sat down in the place of the Dhamma and Discipline  the Dhamma Hall), and gave a sermon which was appropriate for a certain period of time and then released the audience.  Everyone worshiped the Blessed One and left.

 (This is the Pissabatha Buddha case = the day after the meal)

 Summary =

 (1) He warned the monks and gave them Kamma Dharma

 (2) He rested for a while

 (3) He looks at the world

 (4) He preached to the audience.

 (3) Purimayama Buddha case = early Buddhist process

 The Buddha, after eating the Pissabatha, after performing the Buddhist rituals during the day, got up from the Buddha's abode to take a bath.

 While the Blessed One was contemplating the water, a servant monk also took the place of the Buddha and recited the K ဒ ဒ ဒadh ဒya in the Gandhakuti compound.  After examining the water, the Blessed One put on a well-worn double-breasted robe, put on a sash, and put on a robe.

 After a while the bhikkhus came from different places that day and night, and followed the Blessed One.  At that meeting, some monks asked questions and some monks asked for Kamma Dharma.  Some monks begged to be heard  to preach).  The Blessed One spent the early hours of the night, fulfilling the wishes of all the bhikkhus who asked the question, the Kamma Dharma, and the monks who asked for the Dhamma (to be preached).

 Summary -

 (1) He takes a bath after noon

 (2) Resting at Gandhakuti: solving problems;  Giving kamma to those who want kamma;  He gives sermons to those who want to listen.

 (4) Mizzima Yama Buddha case = Midnight Buddhist process

 At the end of the Buddhist procession in the early hours of the night, the monks went to worship the Buddha and left.  The Blessed One dealt with all these devas and Brahmans and passed the time of Mizzima midnight).

 Summary: He preached to the devas.

 (5) The case of Pissimayama Buddha = The case of Buddha in the early morning

 Pissimayan = dawn) He spends part of his time walking in the morning, beginning in the morning with three aisles.

 In the second half, he entered the Gandhakuti temple and performed the sacred reclining position with mindfulness.

 In the third part, he arose from his reclining position and sat down in a huddle.

 This is how it is explained in the Eightfold Path, the Eightfold Path, the Eightfold Path, and so on.

 In the eighth stanza of the Sutta Nipada, it is described that… He ascends the corridor in the first part of the dawn in four parts.

 In the second period, he entered the Gandhakuti temple and performed the sacred recitation of the Dhamma with a basket of poetry.

 In the third period, he entered into the Arahant's Folly.

 In the fourth period, after entering into the Great Compassionate Compassion, he looked at the world with the complete set of Buddha-eyes, so that he could clearly see the Apparajakasattva and the Maharajakasattva.

 🙏🙏🙏🙏🙏

 Credit: The fourth volume of the State Buddhism, written by Sayadaw U Wisitthara Bhiwantha of the Tipitaka.

 Dhammadana Parami merit is offered.

 🙏Diamond May🙏