ဗုဒ္ဓမြတ်စွာရဲ့ အရဟံဂုဏ်တော် ဆိုသည်မှာ....
အက္ခ ရာ သုံးလုံး ပေါင်းစပ်ထားတဲ့ စကား ပင် ဖြစ်စေ ကာ မူ မြတ်စွာဘုရားရဲ့ ဂုဏ်တွေ အများကြီး ပါဝင်နေတဲ့ ဂုဏ်တော် အရည်အချင်းတစ်ခုဖြစ်ပါ တယ်။
အရဟံ ၏ အဓိပ်ပ္ပာယ်
°°°°°°°°°°°°°°°°°°°°°°°°°°°°°°°°
အရဟံ- ဝေးကွာခြင်း၊ ဘာတွေနဲ့ ဝေးကွာတာတုန်း
ဆိုရင် လောဘ၊ဒေါသ၊မောဟ၊မာန်မာန၊စိတ်နှလုံး မှာပူလောင်စေတတ်တဲ့ အကုသိုလ် အညစ် အကြေး တွေမှ လုံးဝဝေးကွာတယ်။
သူ့ဟာသူ ဝေးကွာတာလားဆိုရင် မဟုတ်ဘူး။
သောတာပတ္တိမဂ်နဲ့ ဖယ်ရှားလိုက်တယ်။
သကဒါဂါမိမဂ် နဲ့ဖယ်ရှားလိုက်တယ်။
အနာဂါမိမဂ် နဲ့ ဖယ်ရှားလိုက်တယ်။
အရဟတ္တမဂ်နဲ့ ဖယ်ရှားလိုက်တယ်။
ဒါကြောင့် ဝေးကွာတယ်။
မြတ်စွာဘုရားရဲ့စိတ်ဟာ ကိလေသာတွေနဲ့ ဘယ် တော့မှမစပ်ဘူး။ဝေးကွာသွားပြီ၊ခွဲထုတ်လိုက်ပြီ၊ဒီလိုပြောတာနော်။
ဘုန်းကြီး တို့တတွေ ရဲ့ စိတ်မှာ ခွဲမရ လောက် အာင်လောဘ၊ဒေါသ၊မောဟတွေကတွဲဖက်နေ
တယ်။
မြတ်စွာဘုရားကျတော့ လောဘတွေနဲ့ လည်း ဝေးသွားပြီ၊ဒေါသတွေ နဲ့လည်း ဝေးသွားပြီ ၊ မောဟ တွေနဲ့လည်း ဝေးသွားပြီ၊ကိလေသာ အပူ တွေနဲ့လည်း ဝေးသွားပြီ။
ဒါကြောင့် မြတ်စွာဘုရားရဲ့စိတ်နှလုံးဟာ ဘယ် လောက် အးချမ်းနေမယ်ဆိုတာစဉ်းစားကြည့်။
ပူတယ် ဆိုတာ ကိလေသာကြောင့် ပူတာဖြစ် တယ်။
ကိလေသာမရှိရင် အေးချမ်းတယ်။
ဒါကြောင့်အရဟံ ရဲ့ အဓိပ္ပာယ်တစ်ခုက အာရကာ-ဝေးကွာ ခြင်း ဆိုတဲ့အဓိပ္ပာယ်ပဲ။
ကိလေသာတွေက ဝေးကွာနေတယ်တဲ့။
မဂ်လေးပါးနဲ့ ကိလေသာတွေကို ဖယ်ရှားဖျက်ဆီး ပစ်ထားတာ ဖြစ်သောကြောင့် မြတ်စွာဘုရားဟာ ကိလေသာတွေနဲ့ အလွန်ကိုဝေးတယ်။
ရဟန္တာတွေမှာတော့ အနံ့အသက်တွေကျန် နေတယ်။
လောဘကို ဖယ်လိုက်ပြီ၊လောဘရဲ့အနံ့အသက် ကျန်နေတယ်။
ဒေါသကို ဖယ်လိုက်ပြီ၊ အနံ့အသက် ကျန်နေ တယ်။
မောဟကို ပယ်လိုက်ပြီ၊အနံ့အသက်ကျန်တယ်။
ရဟန္တာ ဖြစ်သွားပေမယ့် နဂိုပင်ကိုယ်စရိုက်တွေ
မပျောက်ဘူး။
မြတ်စွာဘုရားကျတော့ လောဘရဲ့အငွေ့အသက်၊
ဒေါသရဲ့ အငွေ့အသက်၊မောဟရဲ့အငွေ့အသက်
၊ကိလေသာတွေရဲ့ အငွေ့အသက် တစ်ခုမှမ ကျန် ဘူး။
ဒါကြောင့်မို့ ဘုရားမှာ ဝါသနာနှင့်တကွ ကိလေသာ တွေကို ပယ်တယ် လို့ ပြောတယ်။
ရဟန္တာ ပုဂ္ဂိုလ်တွေ အရဟတ္တမဂ်ရပေမယ့် ဝါသနာ ကိုမပယ်နိုင်ဘူးတဲ့။ ။
မြတ်စွာဘုရားမှာ ဝါသနာ ဆိုတဲ့ ကိလေသာရဲ့ အငွေ့အသက် သတ္တိ ဟာ လုံးဝမရှိတော့ဘူး။
ဒါ့ကြောင့် “ကိလေသာမှဝေးကွာသူ”ဆိုတဲ့ ဂုဏ် ဟာ ရဟန္တာပုဂ္ဂိုလ်နဲ့တောင်မှမထိုက် တန်ဘူး။
ဘုရားမှ ထိုက်တန်တယ်နော်။
ဒါကြောင့်မို့အရဟံ- ဆိုသည်မှာ ကိလေသာတွေက ဝေးကွာနေခြင်းဆိုတဲ့အရည်အချင်းတစ်ခုလို့ မှတ်သားကြရမယ်။
ဒါဖြင့် မြတ်စွာဘုရားရဲ့ ဂုဏ်အရည်အချင်း တွေ ဟာ ဒီ“အရဟံ”ဆိုတဲ့ စကားလုံးလေး တစ်လုံး ထဲ မှာ ပဲ တစ်စုတည်းပြောမယ်ဆိုရင်...
၁။ ကိလေသာတွေက လုံးဝဝေးကွာနေခြင်း။
၂။ ကိလေသာရန်သူတွေကို ဖယ်ရှားပြီးဖြစ်ခြင်း။
၃။ သံသရာ စက်အကန့်လို့ဆိုတဲ့အကြောင်းတရား
ကိလေသာတရားတွေကို ဖယ်ရှားပြီးဖြစ်ခြင်း။
၄။ တစ်လောကလုံးရဲ့ ဦးညွှတ်လေးစားမှု၊ လှူ ဒါန်း မှု ထိုက်တန်သူဖြစ်ခြင်း။
၅။ ဆိတ်ကွယ်ရာမှာ မကောင်းမှု ကို လုပ်တာ မရှိ ခြင်း။
ဆိုတဲ့ အဲဒီ အရည်အချင်းငါးမျိုးကြောင့် မြတ်စွာ ဘုရား ကိုအရဟံ ဆိုတဲ့ ဂုဏ်တော်နဲ့ ချီးမွမ်း ထိုက် တယ်။
လောကမှာ မြတ်စွာဘုရားကို အရဟံလို့ဆိုတဲ့ ဒီဂုဏ်ထူးကြီးဟာ မြေပြင်မှကောင်းကင်ထိအောင် တစ်လောကလုံးမှာပျံ့နှံ့ထင်ရှားနေတယ်။
လူတိုင်းလူတိုင်းက အသိအမှတ်ပြုထားတဲ့ ဂုဏ် ရည် တစ်ခု ပါလို့ ဒီလိုဆိုလိုတာပေါ့နော်။
ဒါကြောင့်မို့ ဦးညွှတ်လေးစားတဲ့ ပုဂ္ဂိုလ်တိုင်းက “နမောတဿ ဘဂဝတော အရဟတော” ဆိုတာ အဲဒါကိုပြောတာ။
ဒီအရည်အချင်းတွေနဲ့ မြတ်စွာဘုရားကို ပူဇော် ကြတာ၊ကိုးကွယ်ကြတာ လို့ ဒီလိုဆိုလိုတယ်။
တရားချစ်ခင် သူတော်စင်ပရိသတ် အပေါင်းတို့...
ဗုဒ္ဓမြတ်စွာရဲ့ အရဟံဂုဏ်တော် ဆိုသည်မှာ အက္ခ ရာ သုံးလုံး ပေါင်းစပ်ထားတဲ့ စကား ပင် ဖြစ်စေ ကာ မူ မြတ်စွာဘုရားရဲ့ ဂုဏ်တွေ အများကြီး ပါဝင်နေတဲ့ ဂုဏ်တော် အရည်အချင်းတစ်ခုဖြစ်ပါ တယ်။
ခုလို အရဟံ ဆိုတဲ့ အရည်အချင်း ရှိမှ သာလျှင် ဘုရား အစစ် ဖြစ်နိုင်ပါတယ် ဆိုတာကို မှတ်ယူ ကြပြီးဗုဒ္ဓါနုဿတိဂုဏ် ကို စိတ်အာရုံမှာ အမြဲ တမ်း ညွှတ်ပြီး ပီတိ သောမနဿတွေ ဖြစ်အောင် မိမိတို့ရဲ့ စိတ်ကို လွှမ်းထုံထား နိုင်ကြပါစေ ကုန် သတည်း။
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ
#ပါချုပ်ဆရာတော် #တရားမှတ်စု Credit...KhinSandarSoeHtut
No comments:
Post a Comment