ပဋိစ္စသမုပ္ပါဒ်လင်္ကာ
🌷🌷🌷🌷🌷🌷🌷🌷
အမှန်မသွား အမှားမြင်ကာ
အဝိဇ္ဇာကြောင့် ချမ်းသာလိမ့်နိုး ရည်မျော်ကိုးလျက်
သုံးမျိုးမှုကံ ပြုစီမံ၍
ဝိညာဏ်တွယ်စပ် နာမ်ရုပ်ကပ်လျက်
ခြောက်ရပ် အာယတန
ဖဿခြောက်ဖြာ ဝေဒနာကြောင့်
တဏှာ ၆ တန် ဥပါဒါန်နှင့်
ဖြစ်ရန်အကြောင်း ကံဆင့်လောင်း၍
ဆိုးကောင်းဘ၀ ဖြစ်ရပြန်ရာ
အိုကာသေရေး ပူအဆွေးနှင့်
ငိုကြွေးကိုယ်နွမ်း စိတ်မချမ်းမြ
ပူပန်ရသည် လုံး၀ဆင်းရဲစုသာတည်း…..
===
မသိမှု သိမှားမှု အဝိဇ္ဇာကြောင့်
အားထုတ်မှု သင်္ခါရတို့ဖြစ်ကြသည်။
သင်္ခါရကြောင့်
ဘ၀သစ် ဝိညာဏ်ဖြစ်သည်။
ဝိညာဏ်ကြောင့်
နာမ်ရုပ်ဖြစ်သည်။
နာမ်ရုပ်ကြောင့် မျက်စိ နား နှာ လျှာ ကိုယ် စိတ်
ဟူသော အာယတန ၆ ပါးဖြစ်သည်။
အာယတန ၆ ပါးကြောင့်
အာရုံနှင့် စိတ် ထိတွေ့မှု ဖဿ ဖြစ်သည်။
ဖဿကြောင့်
အကောင်းအဆိုး ခံစားမှု ဝေဒနာဖြစ်သည်။
ဝေဒနာကြောင့်
တပ်မက်ဆာလောင်မှု တဏှာဖြစ်သည်။
တဏှာကြောင့်
စွဲလန်းမှု ဥပါဒါန်ဖြစ်သည်။
ဥပါဒါန်ကြောင့်
ဖြစ်ကြောင်း ကံ ဘ၀ ဖြစ်သည်။
ဘဝကြောင့်
ဘ၀သစ်ဖြစ်မှု ဇာတိ ပေါ်လာသည်။
ဇာတိကြောင့်
အိုခြင်း သေခြင်း ဇရာမရဏ ဖြစ်သည်။
စိုးရိမ်ပူဆွေးခြင်း သောက ၊ ငိုကြွေးခြင်း ပရိဒေ၀ ၊
ကိုယ်ဆင်းရဲ ဒုက္ခ ၊ စိတ်ဆင်းရဲ ဒေါမနဿ ၊
အပြင်းအထန်စိတ်ပူပန်ခြင်း ဥပါယာသ တို့လည်း
ဖြစ်ပေါ်ကြသည်။
ဤပုံဤနည်းဖြင့်
ဆင်းရဲအစုသက်သက်မျှသာ
ဖြစ်ပေါ်လျက်ရှိချေသည်။
=================
အတိတ်အကြောင်းကြောင့်
ပစ္စုပ္ပန်အကျိုးပေါ်ပုံ
-----------------------
အမှန်မသွား အမှားသိမြင်
အဝိဇ္ဇာဖုံး ကောင်းလုံးမှတ်ထင်
စိတ် ကိုယ် နှုတ်မှု့ ကြံ ပြု ပြော လျင်
ဝိညာဏ်စပ် နောက်ထပ် သန္ဓေရှင်။
ပစ္စုပ္ပန်အကျိုးငါးပါး ပေါ်လာပုံ
------------------------------
ဝိညာဏ်မျိုးစေ့ စ၍ဖြစ်လျင်
နာမ်နှင့်ရုပ်လည်း ပူးတွဲပါ၀င်
အာယတန ဖဿပေါ်ထင်
ကောင်းဆိုးများ ခံစားမိရိုးပင်။
ပစ္စုပ္ပန်အကျိုးနှင့်စပ်၍ အကြောင်းအသစ်ပေါ်လာပုံ ၊
ထိုအကြောင်းကြောင့် အနာဂါတ်အကျိုးပေါ်ပုံ
-----------------------
ခံစားသည့်တွက် တပ်မက်ခင်မင်
မည်သို့ပြုငြား ကောင်းစားမည်ထင်
၀င်စားစွဲလမ်း ရော်ယမ်းပြုလျင်
နောင်ဘ၀ ဖြစ်ရ ဇာတိပင်။
အနာဂါတ်အကျိုးများပေါ်လာပုံ
-----------------------
ဘ၀ဇာတိ သူရှိပြန်လျင်
အို သေ ပူဆွေး ငိုကြွေး ထို့ပြင်
ကိုယ် စိတ် ဆင်းရဲ ထန် သဲ ပူပင်
သို့ဖြစ်ရ လုံး၀ ဆင်းရဲပင်။
သက်ရှိရုပ်နာမ်ဖြစ်စဉ်က အရေးကြီးတယ်
-----------------------------------
အရေးကြီးတာကတော့
သက်ရှိရုပ်နာမ်တွေရဲ့ဖြစ်စဉ်ပါပဲ။
ဒီသက်ရှိ ရုပ်နာမ်တွေဟာ
မပြုမပြင်ဘဲထားရင်
ထပ်တလဲလဲ ဖြစ်ပျက်နေတော့တာပဲ။
သံသရာထဲမှာ တပြောင်းပြန်ပြန်
ကျင်လည်နေရတော့တာပဲ။
အများအားဖြင့်
ယုတ်ညံ့တဲ့ဘဝတွေရောက်ပြီး
ဆင်းရဲဒုက္ခတွေကို ခံစားနေရတော့တာပဲ။
သံသရာထဲမှ မလွတ်မြောက်နိုင်ဘူး။
ဒီရုပ်နာမ်တွေရဲ့ ဖြစ်စဉ်ကို
သိနားလည်ပြီး ပြုပြင်ပေးရင်တော့
တဆင့်ထက်တဆင့်ရင့်ကျက်ပြီး
သံသရာက လွတ်မြောက်နိုင်တယ်။
သံသရာက လုံး၀မလွတ်မြောက်သေးတောင်
ပြုပြင်ပေးနေရင်
မြင့်မြတ်တဲ့ဘဝတွေကိုရောက်ပြီး
သံသရာထဲမှာ အထိုက်အလျောက်
ချမ်းသာသွားနိုင်တယ်။
ဒါ့ကြောင့်
ဒီသက်ရှိရုပ်နာမ်တရားတွေရဲ့ဖြစ်စဉ်ကိုသိပြီး
ပြုပြင်ပေးနိုင်အောင် ပဋိစ္စသမုပ္ပါဒ်တရားကို
မြတ်စွာဘုရားဟောတော်မူခဲ့ပါတယ်။
ပဋိစ္စသမုပ္ပါဒ်တရားကို ကောင်းကောင်းသိရင်
ယုံမှားနဲ့ဒိဋ္ဌိသာ မဟုတ်ဘူး
ဘယ်ကိလေသာမှ မဖြစ်နိုင်တော့ဘူး။
ကိလေသာခပ်သိမ်း အကုန်ငြိမ်းသွားတယ်။
ဒါ့ကြောင့် ပဋိစ္စသမုပ္ပါဒ်တရားကို
သိဖို့ အလွန်အရေးကြီးပါတယ်။
=========
နိဂုံး
မူလနှစ်ဖြာ ဒွေးသစ္စာမှ
အလွှာလေးထပ် ၀ဋ်သုံးရပ်နှင့်
အစပ်သုံးဖြာ အင်္ဂါဆယ့်နှစ်၀
ကာလသုံးသွယ် နှစ်ဆယ်ခြင်းရာ
ဤရှစ်ဖြာ၀ယ် အင်္ဂါငါးတန်
ပစ္စုပ္ပန်တရား အကျိုးများကို
ထင်ရှားမိမိ ရှုသိသူမှာ
ဝေဒနာကြောင့် တဏှာ၀ဋ်မြစ်
မဖြစ်လာဘဲ စက်ပြတ်စဲသည်
ဆင်းရဲချုပ်ငြိမ်းလေသတည်း………..
========
ဆုတောင်းပတ္တနာ
ဤပဋိစ္စသမုပ္ပါဒ်တရားတော်ကို
ရိုသေစွာ နာခံမှတ်သား
ကျင့်ကြံကျိုးကုတ်အားထုတ်ရသော
ကောင်းမှု့ကံစေတနာတို့ကြောင့်
ဤတရားတော်၌ပါ၀င်သော
အကြောင်းအကျိုးဆက်နွယ်၍ဖြစ်ပေါ်နေပုံကို
သဘောပေါက်သိမြင်အောင်
နှလုံးသွင်းဆင်ခြင်နိုင် ရှုမှတ်နိုင်ကြ၍
ဝိပဿနာဥာဏ်အစဉ် မဂ်ဖိုလ်ဥာဏ်အစဉ်ဖြင့်
ဆင်းရဲခပ်သိမ်းငြိမ်းရာ နိဗ္ဗာန်ချမ်းသာမြတ်ကို
လျင်မြန်စွာဆိုက်ရောက်၍ မျက်မှောက်ပြုနိုင်ကြပါစေ။
သာဓု…. သာဓု…. သာဓု ။
ကျေးဇူးတော်ရှင် အဂ္ဂမဟာပဏ္ဍိတ
မဟာစည်ဆရာတော်ဘုရားကြီးရေးသားသော
ပဋိစ္စသမုပ္ပါဒ်တရားတော်ကြီးမှ
=================================
ပဋိစ္စသမုပ္ပါဒ်လင်္ကာ (အစအဆုံး)
နိဒါန်း
-----
အမှန်မသွား အမှားမြင်ကာ
အဝိဇ္ဇာကြောင့် ချမ်းသာလိမ့်နိုး ရည်မျော်ကိုးလျက်
သုံးမျိုးမှုကံ ပြုစီမံ၍
ဝိညာဏ်တွယ်စပ် နာမ်ရုပ်ကပ်လျက်
ခြောက်ရပ် အာယတန
ဖဿခြောက်ဖြာ ဝေဒနာကြောင့်
တဏှာ ၆ တန် ဥပါဒါန်နှင့်
ဖြစ်ရန်အကြောင်း ကံဆင့်လောင်း၍
ဆိုးကောင်းဘ၀ ဖြစ်ရပြန်ရာ
အိုကာသေရေး ပူအဆွေးနှင့်
ငိုကြွေးကိုယ်နွမ်း စိတ်မချမ်းမြ
ပူပန်ရသည် လုံး၀ဆင်းရဲစုသာတည်း…..
အတိတ်အကြောင်းကြောင့်
ပစ္စုပ္ပန်အကျိုးပေါ်ပုံ
-----------------------
အမှန်မသွား အမှားသိမြင်
အဝိဇ္ဇာဖုံး ကောင်းလုံးမှတ်ထင်
စိတ် ကိုယ် နှုတ်မှု့ ကြံ ပြု ပြော လျင်
ဝိညာဏ်စပ် နောက်ထပ် သန္ဓေရှင်။
ပစ္စုပ္ပန်အကျိုးငါးပါး ပေါ်လာပုံ
------------------------------
ဝိညာဏ်မျိုးစေ့ စ၍ဖြစ်လျင်
နာမ်နှင့်ရုပ်လည်း ပူးတွဲပါ၀င်
အာယတန ဖဿပေါ်ထင်
ကောင်းဆိုးများ ခံစားမိရိုးပင်။
ပစ္စုပ္ပန်အကျိုးနှင့်စပ်၍ အကြောင်းအသစ်ပေါ်လာပုံ ၊
ထိုအကြောင်းကြောင့် အနာဂါတ်အကျိုးပေါ်ပုံ
-----------------------
ခံစားသည့်တွက် တပ်မက်ခင်မင်
မည်သို့ပြုငြား ကောင်းစားမည်ထင်
၀င်စားစွဲလမ်း ရော်ယမ်းပြုလျင်
နောင်ဘ၀ ဖြစ်ရ ဇာတိပင်။
အနာဂါတ်အကျိုးများပေါ်လာပုံ
-----------------------
ဘ၀ဇာတိ သူရှိပြန်လျင်
အို သေ ပူဆွေး ငိုကြွေး ထို့ပြင်
ကိုယ် စိတ် ဆင်းရဲ ထန် သဲ ပူပင်
သို့ဖြစ်ရ လုံး၀ ဆင်းရဲပင်။
နိဂုံး
----
မူလနှစ်ဖြာ ဒွေးသစ္စာမှ
အလွှာလေးထပ် ၀ဋ်သုံးရပ်နှင့်
အစပ်သုံးဖြာ အင်္ဂါဆယ့်နှစ်၀
ကာလသုံးသွယ် နှစ်ဆယ်ခြင်းရာ
ဤရှစ်ဖြာ၀ယ် အင်္ဂါငါးတန်
ပစ္စုပ္ပန်တရား အကျိုးများကို
ထင်ရှားမိမိ ရှုသိသူမှာ
ဝေဒနာကြောင့် တဏှာ၀ဋ်မြစ်
မဖြစ်လာဘဲ စက်ပြတ်စဲသည်
ဆင်းရဲချုပ်ငြိမ်းလေသတည်း………..
Credit to Dhamma practitioner
No comments:
Post a Comment