ဆင်းရဲပြီး ဒုက္ခရောက်နေသူများ
ပြုသင့်တဲ့ ကုသိုလ်
**************************
အရှင်ဘုရား…
ဆင်းရဲနွမ်းပါးပြီး ဆေးဖိုးဝါးခ
မတတ်နိုင်သူများ
ကျန်းမာရေး မကောင်းလို့
အလုပ်မလုပ်နိုင်
စားဝတ်နေရေးပါ ဒုက္ခရောက်ရသူများ
ဘယ်လိုကုသိုလ်မျိုး
ပြုသင့်ပါသလဲ ဘုရား-?
အဲဒီလို အခြေအနေမျိုးမှာ
လုပ်နိုင်တဲ့ ကုသိုလ်မျိုးကို လုပ်ဖို့
လိုပါတယ်။
ဗုဒ္ဓစာပေမှာ…
ပုည ကြိယ ဝတ္တုဆယ်မျိုး
ကောင်းသောအကျိုး၏ တည်ရာဖြစ်၍
ပြုသင့်ပြုထိုက်တဲ့
ကုသိုလ်ဆယ်မျိုး ရှိကြောင်း ဖော်ပြထားပါ
တယ်။
အဲဒီဆယ်မျိုးကတော့…
၁။ ဒါန =
ပေးကမ်း လှူဒါန်းခြင်း။
၂။ သီလ =
ငါးပါး၊ ရှစ်ပါး၊ ဆယ်ပါးစသော
သီလဆောက်တည်ခြင်း။
၃။ ဘာဝနာ =
တရားဓမ္မ ကျင့်ကြံ အားထုတ်ခြင်း။
၄။ အပစာယန =
အသက်သိက္ခာ ဂုဏ်ဝါ ကြီးသူအား
အရိုအသေပြုခြင်း။
၅။ ဝေယျာဝစ္စ =
သူများကုသိုလ်ကောင်းမှု၌
ကူညီဆောင်ရွက် လုပ်ကိုင်ပေးခြင်း။
၆။ ပတ်တိဒါန =
မိမိရေသာ
မိမိလုပ်သော ကုသိုလ်ကောင်းမှုကို
အမျှပေးဝေခြင်း
၇။ ပတ္တာနုမောဒန =
မိမိသို့ရောက်လာသော ကုသိုလ်အဖို့
တစ်နည်းအားဖြင့်
သူများပြုသော ကုသိုလ်အဖို့ကို
ဝမ်းမြောက် ဝမ်းသာ သာဓုခေါ်ယူခြင်း။
၈။ ဓမၼႆဝန =
တရားနာယူခြင်း။
၉။ ဓမ္မဒေသနာ =
လာဘ်လာဘကို မငဲ့ဘဲ တရားဟောပြောခြင်း။
၁ဝ။ ဒိဋ္ဌိဇုကမ္မ =
အယူဝါဒကို
ဖြောင့်မတ် မှန်ကန်စွာ ပြုခြင်းတို့ ဖြစ်ပါတယ်။
ဒီ ဆယ်မျိုးထဲက
မိမိတို့ လုပ်နိုင်တဲ့ ကုသိုလ်မျိုးကို
လုပ်နေပါကလည်း
ကုသိုလ် ဖြစ်နေပြီး
ဘာမှ မလုပ်တာထက် စာရင်
အများကြီး အကျိုးကြီးပါတယ်။
ကုသိုလ်ဆိုတာ…
လုပ်တတ်ရင်
ယူတတ်ရင် ရပါတယ်။
လှူစရာမရှိလို့ ကုသိုလ်မရဘူးဆိုတာ
မရှိပါဘူး။
ဒါနလုပ်မှသာ ကုသိုလ်ဖြစ်တာ
မဟုတ်ပါဘူး။
ဒီမှာ ဖော်ပြထားတဲ့ ဆယ်မျိုးထဲမှာ
လုပ်လို့ရတဲ့ ကုသိုလ်တွေ အများကြီးပါ။
မိမိတို့လုပ်နိုင်တဲ့ လုပ်လို့ရတဲ့
ကုသိုလ်မျိုး
ကြိုးစားပြီး လုပ်နေမယ်ဆိုရင်
အဆိုးထဲက အကောင်းဆိုသလို
ကုသိုလ်တရား တိုးပွားနေမှာပါ။
Credit-
မနာပ ဒါယီ အရှင်ဝိစိတ္တ(ဒိုက်ဦး)
မေတ္တာဖြင့် 🙏🙏🙏🙏🙏
ပြန်လည်ယူးယူမျှဝေပါသည်
No comments:
Post a Comment