နှလုံးစိတ်ဝမ်း အေးချမ်း ချင်ရင်...
ဒီလမ်းက လျှောက်ဆိုပြီး မြတ်စွာဘုရား က ဟောကြား ခဲ့တယ်..
ဒီ လမ်းကြောင်း က တစ်ခုတည်း သော လမ်းကြောင်း ဖြစ်တယ်။
စိတ်နှလုံးရဲ့ ပူလောင်မှု တွေ ဆိုတာ...
သောက၊ ပရိဒေဝ၊ ဒုက္ခ၊ ဒေါမနဿ
(ဒုက္ခအပေါ်မှာနောက်လိုက်ပါလာတဲ့ စိတ်ဆင်းရဲမှု)
ဒါတွေ ဖြစ်တယ်။
သောကဆိုတာ စိုးရိမ်စိတ်...
စိုးရိမ်စိတ် လွန်ကဲလာတဲ့အခါ သတိလက်လွတ်နဲ့ ရူးသွပ်သွားတဲ့ အနေအထားမှာ ရှိတယ်။
ပဋာစာရီ လည်း ထိုနည်း၄င်းပဲ။ သောကကို မထိန်းချုပ်နိုင်လို့ သတိလက်လွတ်နဲ့ ရူးသွပ်ပြီး ဆင်းရဲဒုက္ခနဲ့ ကြုံတွေ့ခဲ့ရတယ်။
သောကဆိုတဲ့အရာက တစ်စုံတစ်ရာ ပျက်စီး သွားပြီ ဆိုရင် စိုးရိမ်တတ်ကြတယ်။
ဘာလုပ်ရမလဲ ဆိုရင်....
မဂ္ဂင် ရှစ်ပါး အကျင့်ကိုကျင့်ပါ။
မဂ္ဂင်ရှစ်ပါးလမ်းကိုလျှောက်ပါ။
ဘုရားကိုနှလုံးသွင်း၊ တရားကိုဆင်ခြင်ပါ။
ငါဆိုတဲ့ အရာ ငါ့ပစ္စည်း ငါ့ဟာဆိုတဲ့ အတွေးကို ဖျောက်ပါ။
အယူမှား အတွေးမှား ဒိဋ္ဌိနဲ့ တဏှာဆိုတဲ့ စွဲလန်းမှု တွေကို လျှော့ချ နိုင်မှသာလျှင်..
....ဒီလမ်းကလျှောက်ရင် အစဉ်ထာဝရ နှလုံးစိတ်ဝမ်း အေးချမ်းသွားနိုင်တယ်။
သောက မဖြစ်ခင်က ကြိုလျှောက်ထားရင် ခံနိုင်စေတယ်။
သောကဖြစ်လာတဲ့ အခါမှာလည်း သောကတွေကို ခံနိုင်ရည်ရှိစေတယ်။
မြတ်စွာဘုရားရဲ့ တရားဓမ္မဟာ စိတ်နှလုံးကို ဦးတည်ပြီး ဟောတဲ့ တရားတွေ ဖြစ်တဲ့အတွက် ကြောင့် စိတ်နှလုံး စိတ်ဝမ်း အေးချမ်းစေတယ်။
ဘယ်လိုအခက်အခဲ ကိုပဲ ကြုံတွေ့ကြုံတွေ့ စိတ်နှလုံးဟာခြောက်ခြားမှုမရှိ အေးချမ်းမှု ရှိတဲ့အထိ မြတ်စွာဘုရားက သွန်သင်တယ်။
အေးချမ်းမှုတွေရအောင် မြတ်စွာဘုရားရဲ့ တရားတွေက စွမ်းဆောင်ပေးနိုင်ပါတယ်။
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ
Credit. .
No comments:
Post a Comment