-----------🌿🌸🌿--------
သံလိုက်က သံကိုပဲ ဆွဲတယ်။
မီးဆိုတာ အမှိုက်ရှိရာပဲ လာတတ်တယ်။
မီးက ရေနောက် မလိုက်ဘူး။
သဘောချင်း တူရာနဲ့
မိမိအလိုလိုက်ရာကို
စိတ်က လိုက်ပါနေတယ်။
စိတ်ကို မကောင်းတဲ့ဘက်
မသွားစေချင်ရင်
ကိုယ့်မှာရှိတဲ့
မကောင်းတဲ့ဓာတ်တွေ
အရင် ဖျက်ပစ်ရမယ်။
ကိုယ့်ဆီမှာ~
မကောင်းတာတွေ ရှိနေရင်
သူများတွေဆီက~
မကောင်းတာတွေ လာမယ်။
ကိုယ့်ဆီက မကောင်းတာတွေကလည်း
သူများရဲ့မကောင်းတွေနဲ့ပဲ
သွားပေါင်းလိမ့်မယ်။
ဓါတ်တူခြင်းသာ တွေ့လိမ့်မယ် ။
လောကကြီးမှာ သဘောတူရာချင်းသာ
ပေါင်းဖက် တွေ့ဆုံတတ်ကြပါတယ်။
ကိုယ့်မှာ "မာနကင်း"နေရင်~
"ဂါရဝရှိသူ"နဲ့သာ ဆုံတွေ့ရတတ်ပါတယ်။
အရက်သမားက
အရက်သမားချင်း ပေါင်းတယ်။
ဖဲသမားကလည်း
ဖဲသမားချင်း ပေါင်းတယ်။
ကိုယ့်မှာ မာနရှိနေရင်~
မာနသမားက လာပေါင်းမယ်။
တဏှာရှိနေရင်~
တဏှာသမားက လာပေါင်းမယ်။
တရားသမားကလည်း
တရားသမားချင်းသာ ပေါင်းလိမ့်မယ်...။
မဟာဗောဓိမြိုင်ဆရာတော်ဘုရားကြီး
No comments:
Post a Comment