တရားကိုများ ဘယ်လို ဆင်ခြင်သုံးသပ်သလဲ ?
တပည်တော် ခြောက်အာရုံ
ခြောက်ဒွါရတိုက်တဲ့အခါ သိသဘောလေး
ဖြစ်ပုံ ပျက်ပုံ ဒီလိုသိတဲ့ သိသဘောလေး ဟာ
ယောကျာ်းမိန်းမ ပုဂ္ဂိုလ် သတ္တဝါ မဟုတ်
ဒီသိသဘောမျှသာ ဖြစ် တယ်ဟုတ်တယ်လို့ ဒီလို ရှုပါတယ်ဘုရား 🙏
ဒကာကြီးဒီလိုရှုမှတ်နေတာ ဘာကြောင့်ရှုရတာပါလဲ ?
နိဗ္ဗာန် ရောက်ချင်လို့ပါဘုရား ၊၊
ဒကာကြီးနိဗ္ဗာန်ကို ဒီရုပ်အတုံးအခဲကြီး ရောက်တာလား ဒါကြီးက သေရင်
မြေကြီး ထဲ ပစ်လိုက်ရတဲ့ ဟာ ဒါဖြင့် ဘယ်သူ ရောက်မှာလဲ?စိတ်က ရောက်မှာပါဘုရား
ဒကာကြီး ကျုပ်အမေနံမည်သိလား ?
မသိပါဘူး ဘုရား
မသိအောင် ဘယ်လို လုပ်ရလဲ သိလား?
ဘယ်လိုမှ မလုပ်ရပါဘူး ဘုရား
ဒါဖြင့်
သိအောင်တော့ လုပ်ရမှာ မဟုတ်ဘူးလား?
သိအောင် တော့လုပ်ရမှာပါဘုရား
လုပ်မှသိမယ်ဆိုရင်လုပ်စမ်းပါ သိအောင်
လုပ်ရင်သိမှာလား လို့?
လုပ်မရပါဘူး ဘုရား
အေး သိအောင် လုပ်လို့မရပါဘူး
သိတဲ့သူက ပြောပြမှ သိမှာ
အဲ့လိုပဲ တရားတွေအပေါ်မှာ
သိအောင် မသိအောင် လုပ်လို့မရပါဘူး
သိတဲ့သူက ပြောပြမှ
ပြောရင် မသိဘူးလား ?
ကျုပ်အမေနံမည် ဒေါ်ငယ် သိပြီလား?
သိပါပြီ ဘုရား
ဒကာကြီး အဖေ နံမည်ဘယ်သူတုန်း ?
ဦးချစ်ပါဘုရား
ဒကာကြီး အဖေဦးချစ်ပြောချိန်မှာ ဒကာကြီး
အမေနံမည်သိစိတ် ဘယ်ရောက်သွားလဲ?
ပျောက်နေပါတယ်ဘုရား
အဲ့လို ပျောက်သွားအောင် ဒကာကြီးလုပ်လိုက်ရသလား?
မလုပ်လိုက်ရပါဘူး ဘုရား
အေး အဲဒီဖြစ်အောင် မလုပ်လိုက်ရတဲ့စိတ်
ပျက်အောင် မဖျက်လိုက်ရတဲ့စိတ်ဟာ
ယောကျာ်း မိန်းမပုဂ္ဂိုလ်သတ္တဝါ လား
တရားပါ ဘုရား
ဘာတရားလဲ
စိတ်တရားပါဘုရား
အဲ့စိတ်က ဘယ်သူ့တရားလဲ
(ဘယ်သူ့တရားမှ မဟုတ်ပါဘူး)
သူဟာသူဖြစ်ပြီး သူဟာသူပျက်တဲ့
ဖြစ်ပျက်တရားပါ
ဒါဖြင့် နိဗ္ဗာန် က စိတ်ကရမှာဆို
ခုကျတော့
ဒီစိတ်က သူဟာသူဖြစ်ပြီးသူဟာသူပျက်တဲ့
ဖြစ်ပျက် တရား ဘယ်သူတရား မှ
မဟုတ်ဘူး ရှေ့စကား
နောက်စကား မညီပါလား?
မှန်ပါတယ် ဘုရား တပည့်တော်
စိတ်က နိဗ္ဗာန် ရောက်မှာပါ လို့ ဖြေခဲ့တာ
မှားပါတယ် ဘုရား
အေးရုပ်ကလည်း သေရင်မြေကြီးထဲ
ပစ်လိုက်ရမှာ နိဗ္ဗာန် ရောက်မဲ့သူမရှိဘူး
စိတ်တရားကလည်း သူ့ဟာသူဖြစ်
သူဟာသူပျက်တဲ့ တရား မို့ နိဗ္ဗာန် ရောက်မှာ မဟုတ်ဘူး
ဒါကြောင့် ရုပ်နာမ်ရှိတဲ့သူလည်းမရှိဘူး
ရောက်မဲ့သူလည်းမရှိဘူး
ဒီ( စိတ် စေတသိတ် ရုပ် )
ဆိုတဲ့တရားတွေဟာ
ဖြစ်ပြီး ပျက် တာကို ပေါ်လာတိုင်း
ခဏခဏ ယောကျာ်းမိန်းမပုဂ္ဂိုလ်သတ္တဝါ
မဟုတ်ဘူးလို့ သိသဘောလေးသာ
ဖြစ်တယ်လို့
ထပ်ပြန်တလဲလဲ ရှုနေဘို့လိုသေးသလား ?
ဒီအသိ မခိုင်မြဲသေးရင်တော့
ကြိမ်ဖန်များစွာ ပွား
ခိုင်မြဲသွားရင်တော့ ထပ်ပြန်တလဲလဲ ရှုနေဘို့
မလိုတော့ဘူးလို့ သိတာဟာ
အမှန်ကို အမှန်အတိုင်း သိသွားလို့
ဒီအမှန်ဟာ ဘုန်းကြီး ဟောလို့ မှန်တာလား?
ဒကာကြီး သိသွားလို့ မှန်တာလား?
တပည်တော် သိလို မှန်တာပါ ဘုရား
ဒကာကြီး သိလို့မှန်တာလား ?
တရားကိုက မှန်တာလား?
တရားတွေက မှန်တာပါ ဘုရား
အေး ဒီတရားတွေကို
အမှန်အတိုင်း သိသွားတာက
ဥာဏ် ပဲဒီဥာဏ်တွေက အနတ္တ ကို
သိတဲ့ဥာဏ် မို့
အနတ္တာသမ္မာဒိဌိဥာဏ်လို့ ခေါ်တယ်
အနတ္တ ဆိုတာ သူငါအနေနဲ့ပြစရာမရှိ
ရုပ်ကလည်းတရား စိတ်ကလည်းတရား
စေတသိတ် ကလည်းတရား
ဒီ စိတ် စေတသိတ်ရုပ် တရားတွေထဲမှာ
နိဗ္ဗာန် ရောက်မဲ့သူလည်းမရှိဘူး
သိသွားတဲ့ဥာဏ်လည်း အနတ္တ
ကိုသိတဲ့ အနတ္တာသမ္မာဒိဌိဥာဏ်လို့
ဒါဖြင့် နိဗ္ဗာန် က ဘယ်မှာရှိတာလဲ?
နိဗ္ဗာန် ဆိုတာ နတ်ပြည် ဗြဟ္မာ ပြည်လို့
ဘုံကြီး ဗိမာန်ကြီးနဲ့ ရှိတာ မဟုတ်ဘူး
ညွှန်ပြလို့မရဘူး
(အတိတ် အနာဂတ် ပစ္စုပ္ပန် )
ဆိုတဲ့ ကာလ သုံးပါး လွတ်တယ်
ဒါဖြင့်
နိဗ္ဗာန် မရှိဘူးလားဆိုတော့ ရှိတယ် ဘယ်မှာရှိတာလဲ?
နိဗ္ဗာန် ဟာ ခန္ဓာ နဲ့တစပ်တည်းရှိတယ်
ခန္ဓာ ရဲ့အပြင် မှာလည်းမဟုတ်ဘူး
အတွင်းမှာလည်းမဟုတ်ဘူး
ခန္ဓာ နဲ့ကင်းပြီးတော့လည်း နိဗ္ဗာန် မရနိုင်ဘူး
ဒါကြောင့်
ခန္ဓာ နဲ့တစပ်တည်းရှိတယ် ပြောတာ
ခန္ဓာ ဆိုတာ ဗမာလိုပြန်ရင်
(အပေါင်းအစုလို့ ) အဓိပ္ပာယ် ရတယ်
အဆင်း အသံ အနံ အရသာ အတွေ့ အတွေး
ဆိုတဲ့ (အာရုံခြောက်ပါး နဲ့ )
မျက်စိနားနှာခေါင်းလျှာကိုယ်စိတ် ဆိုတဲ့
(ခြောက်ဒွါရ ဒွါရခြောက်ပေါက် ) တိုက်ရင်
ဝိဉာဉ်သိစိတ်လေးတွေ ပေါ်လာတာ
ဒီသိသဘော ဖြစ်လာတာကိုပဲ
ခန္ဓာနဲ့ပြောရင် ခန္ဓာငါးပါး ပေါ်တာ
ရုပ်နာမ် နဲ့ပြောရင် ရုပ်နာမ် ပေါ်တာ
စိတ်နဲ့ပြောရင် စိတ်ပေါ်တာ
ဒါဖြင့် ဒီစိတ် တွေက အာရုံဒွါရမတိုက်ခင်
ပေါ်ပြီးသားအနေနဲ့ ရှိသလားဆိုရင် ပေါ်ပြီးသားအနေနဲ့ တော့ မရှိဘူး
အာရုံ ဒွါရ တိုက်မှပေါ်တာ
ဒါဖြင့်ဒီစိတ်တွေ ဖြစ်လာဘို ရာ
အသံမရှိပဲနဲ့ ကြားစိတ် ရပါ့မလား?
မရပါဘူး ဘုရား
အနံမရှိပဲနဲ့ ဒီနံစိတ် မရဘူးနော်
ကိုင်မကြည် ထိမကြည်ပဲနဲ့
ပူတယ်အေးတယ်လို့
သိစိတ်ဖြစ်ပါ့မလား
မရပါဘူးဘုရား
ဒါဖြင့်
ဒီ မြင်စိတ် ကြားစိတ် နံစိတ် ထိသိစိတ်
ယားနာ ကောင်း မကောင်း စိတ်တွေဟာ
အစကပျောက်မနေဘူးလား???
ကြားစရာရာအသံတစ်ခုခုရှိမှ မြင်စရာရှိမှ
နံစရာအနံတစ်ခုခုကို ရှုရှိက်မိမှ နံစရာရှိမှ
အိမ်ကျောင်းခွေးနွား သားသမီး ဇနီး ခင်ပွန်း
အမေအဖေ စသဖြင့် အသိအမှတ် တွေ က
ပေါ်လာမှ သိတာ
ဒါဖြင့် ဒီအသိအမှတ်တွေ ထဲမှာ
လောဘဒေါသမောဟတွေ ပါလာသလား? ??
မပါဘူး ဘုရား
ငြိစွဲမှုတွေရောပါလား?
မပါပါဘူးဘုရား
ဒါဖြင့်ဒီ လောဘဒေါသမောဟတွေ ငြိစွဲမှု
စွဲလန်းချက် တွေ ဘယ်ရောက်နေလဲ? ?
သူအလိုလို ချုပ်ပျောက်နေတာ
မမှန်ဘူးလား? ?
မှန်ပါတယ်ဘုရား
လောဘဒေါသမောဟတွေ ဟာ
သူအလိုလိုချုပ်ပျောက်နေ လို့မရှိဘူး
ဒါဖြင့် အာရုံဒွါရတိုက်လို့ ပေါ်လာတဲ့ စိတ်တွေကလည်း ဖြစ်ပြီးပျက်သွားလို့ မရှိဘူး
ဆိုရင် ဒီစိတ်တွေ ချုပ်ပျောက်သွားတဲ့နေရာမှာ
ဘာရှိမလဲ???
ဘာမှမရှိ ပါဘူး ဘုရား
အေး ဘာမှမရှိ တဲ့ ဟာလာဟင်းလင်း ထဲမှာ
ခန္ဓာ ပျောက်နေတဲ့အတွက်
ရုပ်နာမ် ခန္ဓာ တွေမရှိဘူး
ရုပ်နာမ် ခန္ဓာ မရှိတော့ ဖြစ်ခြင်းပျက်ခြင်းတွေ
လည်းမရှိဘူး အဖြစ် အပျက်ကင်းလို့
ဒုက္ခ တွေ ချုပ်နေတာ
ပုဂ္ဂိုလ်သတ္တဝါ အရိပ်နိမိတ်တွေ
ကင်းဆိတ်ငြိမ် နေတယ်
ကိလေသာ မရှိလို့ အပူခပ်သိမ်းငြိမ်းနေတယ်
အဲ့ဒီ ဖြစ်မှုပျက်မှုလေးတွေ ဘာမှမရှိ လို့
လွတ်တဲ့နေရာ လွတ်ရာကြီးကို
ဘာခေါ်မလဲ? ??
နိဗ္ဗာန် ပါ ဘုရား 🙏
အဲ့ဒီ လွတ်ရာလို့ ခေါ်တဲ့အရာဟာ
နိရောဓသစ္စာ ကိုသိမြင်သွားတဲ့ ဉာဏ် ဟာ မဂ်ဉာဏ်ပါပဲ
နိဗ္ဗာန် ရောက်တယ် ရတယ်ဆိုတာ အထည်ဒြပ်အနေနဲ့ သူငါရောက်တာရတာ
မဟုတ်ဘူး။ ဘယ်ကို မှ အာရုံမပြုလို့
သိစိတ် မှတ်စိတ် လောစိတ် ဒေါသစိတ်ဆိုတဲ့
စိတ်တွေမရှိလို့
အလုံးစုံသောလောကီအာရုံတွေမှ ကင်းလွတ်နေတဲ့အတွက် စိတ်နဲ့ လွတ်ရာအာရုံ တနည်း နိဗ္ဗာန် အာရုံ
အာရုံနဲ့အာရမ္မိက တထပ်တည်း တသားတည်း
ကျတာကိုနိဗ္ဗာန် ရောက်တယ် ရတယ်
မျက်မှောက်ပြုတယ်လို့ သုံးနှုံးကြတာပါ ။
နိဗ္ဗာန်ရောက်တယ် ဆိုတာ သေပြီးမှ
ရောက်တာ မဟုတ်ဘူး
အခုသိ အခုရောက်တာ လက်ငင်း ချက်ခြင်း
လက်ငင်း နိဗ္ဗာန်
ဒါကြောင့် သိန္နိဌိကော ယခုဘဝမှာ
ပစ္စက္ခ ဒိဋ္ဌ ကိုယ်တိုင် တွေ့မြင်ခံစား ရတယ်
အကာလိကော အခါမလင့် အကျိုး ပေးတယ်
ဆိုတဲ့ တရားဂုဏ် တော် လည်း ကိုက်ညီပါတယ်
သာဓုသာဓုသာဓုပါ ဘုရား🙏
ဓာတ်တော်ကျမြေငူဆရာတော်ဘုရားကြီး
ဘဒ္ဒန္တကုသလ🙏
Credit 🙏
No comments:
Post a Comment