အဲဒါဆိုရင် ခဲခဲယဉ်းယဉ်း ရလာတဲ့ လူ့ဘဝ
လူ ဖြစ်ကျိုးနပ်ပါ့မလား။မနပ်ပါဘူး။
အေး ဒါကြောင့်မို့ လူဖြစ်ရကျိုးနပ်ဖို့ ကိုယ့်ဘဝအရေးစဉ်းစားရမယ်။
ဒီအတိုင်းမှတ်တမဲ့ မနေရဘူး။
လူဖြစ်ကျိုးနပ်အောင်နေရမယ်။
အဲဒီတော့ လူဖြစ်ကျိုးနပ်အောင်နေဖို့ဆိုတာ
ဘာတွေလုပ်ဖို့လိုလဲ၊ဘယ်လိုလုပ်မှ လူဖြစ်ကျိုး
နပ်မလဲဆိုတာသိရမယ်။
အရေးကြီးဆုံးကဘာလုပ်ရမလဲ။
နံပါတ်တစ်က လူဖြစ်လာပြီဆိုရင် အရေးကြီးဆုံး ခံယူချက်က ကမ္မဿကတာ သမ္မာဒိဌိဆိုတဲ့ မှန်ကန်တဲ့အမြင် ရအောင်လုပ်ရမယ်၊မရသေးရင် ရအောင်လုပ်ရမယ်။
ကမ္မဿကတာ သမ္မာဒိဋ္ဌိဆိုတာ ဘာပြောတာလဲ။
ကိုယ်လုပ်တာ ကိုယ်နဲ့သာဆိုင်တယ်ဆိုတဲ့
ခံယူ ချက်။
မြတ်စွာဘုရားက ဟောထားတယ်။
ယံကမမြံ ကရိ ဿနတြိ ကလှာထံ ဝါ ပါပကံ ဝါ တဿ ကမမြဿ ဒါယာဒါ။
ကောင်းတာလုပ်လုပ်၊ဆိုးတာလုပ်လုပ် ဘာပဲလုပ်လုပ် ကိုယ်ပဲဆိုင်တယ်။ကိုယ်ပဲအမွေခံရမယ်။
အဲဒီခံယူချက်ထားတာကို ကမ္မဿကတာ သမ္မာဒိဋ္ဌိခေါ်တယ်။
အဲဒီအမြင် ရှိရမယ်တဲ့။မှန်ကန်တဲ့ အဲဒီအမြင်မရှိရင် လူတော်လူကောင်းမဖြစ်နိုင်ဘူး။
ဒါကြောင့်မို့လို့ နံပါတ်(၁)လူဖြစ်လာလို့ရှိရင်
ကမ္မဿကတာသမ္မာဒိဋ္ဌိ ရှိရမယ်။
မကောင်းတာလုပ်ရင် မကောင်းတာဖြစ်မယ်။
ကောင်းတာလုပ်ရင် ကောင်းတာဖြစ်မယ်လို့ ခံယူထားသည့်အတွက်ကြောင့်ကောင်းတာလုပ်ဖို့ပဲ ကြိုးစားလိမ့်မယ်။
မကောင်းတာလုပ်ဖို့ မကြိုးစားတော့ဘူး။
ဘာဖြစ်လို့လဲဆိုတော့ လူတိုင်းလူတိုင်းဟာ
ကောင်းတာပဲရချင်လို့ပေါ့။
မကောင်းတဲ့ အမွေတွေတော့ ဘယ်သူမှ
မခံချင်ဘူး။
ကောင်းတဲ့အမွေ ရအောင်ဆိုပြီး ကောင်းအောင်
နေလိမ့်မယ်တဲ့။
ဒါကကိုယ့်ကိုကိုယ် စဉ်းစားဖို့ လိုအပ်တဲ့အချက်ပဲ။
ဒီဘဝတင်ပဲကြည့်၊လူတိုင်းလူတိုင်းမှာ ကံရဲ့ပုံရိပ်အမှတ်တံဆိပ်တွေ ပေါ်နေတယ်တဲ့။
အမှတ်တမဲ့မနေနဲ့ ကံရဲ့ ပုံရိပ်အမှတ်တံဆိပ်တွေ
လူတိုင်းလူတိုင်းမှာရှိတယ်။
ကြည့်လေ ။ကံရဲ့ ပုံရိပ်တွေ ဘယ်လိုပေါ်လာလဲလို့ဆိုရင် တစ်ချို့ကျတော့ ရုပ်လှတယ်တဲ့။
တစ်ချို့ကတော့ရုပ်မလှဘူးတဲ့၊ ဒါဟာ ကံရဲ့ပုံရိပ်အမှတ် တံဆိပ်လေးပါပဲ။
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ အရှင်နန္ဒမာလာဘိဝံသ
🙏🙏🙏
No comments:
Post a Comment