အဲ့ဒီပစ္စည်းတွေဟာ ကိုယ့်ဟာလည်း ဟုတ်တယ်
ကိုယ့်ဟာလည်း မဟုတ်ဘူး
ဘာ့ကြောင့် ကိုယ့်ပစ္စည်းဟုတ်တာလဲဆိုတော့
ကိုယ့်ပိုက်ဆံနဲ့ ဝယ်ထားလို့၊ ကိုယ်ကြိုက်လို့ ဝယ်ထားလို့။
'ကိုယ့်ဟာလည်း မဟုတ်ဘူး" ဆိုတာက ဒီပစ္စည်းတွေနဲ့ emotional relation မရှိလို့။ စိတ်ထဲမှာ ဆက်ဆံရေးမရှိဘူး။ ဘယ်တစ်ခုကိုမှ အရမ်းကြီး မကြိုက်ဘူးပေါ့။
ဒီထက်ပိုပြီး ရှင်းတဲ့စကားနဲ့ ပြောရင် လွယ်အိတ်တွေ အများကြီးရှိတယ်။ ဘယ်တစ်လုံးကိုမှ တိတိကျကျ မချစ်ဘူးပေါ့။ ချစ်တယ်ဆိုရင် အဲ့ဒီလွယ်အိတ်တစ်လုံးထဲနဲ့ စိတ်ချမ်းသာမှု ရရမယ်။
အခုကျတော့ ဘယ်တစ်လုံးမှာမှ စိတ်ချမ်းသာမှု အပြည့်အဝမရဘူး။ ဒီတစ်လုံးနဲ့ ပွဲတစ်ပွဲသွားတယ်။ ပြန်လာတော့ ဒီတစ်လုံးကို ချောင်ထိုးထားတယ်။
တချို့ handbag တွေက တချို့လွယ်အိတ်တွေက ဘယ်ကနေလာတုန်းဆိုတော့ crocodine skin မိချောင်းတွေရဲ့ အရေကနေ လာတာ။ သူတို့ကို မွေးထား၊ သူတို့ကို သတ်၊ အဲ့ဒီကနေ လုပ်ထားတာ။ အများစုကတော့ တိရစ္ဆာန်ရဲ့ အရေတွေ။
ကိုယ့်အရေကို နည်းနည်းလေး ခြင်ကိုက်ရင်တောင် လုံးဝမကြိုက်တာ သူများအရေကို ကိုယ်ကအလှလာလုပ်တယ်။ ဒီထဲမှာ လိုအပ်လို့ တစ်လုံး နှစ်လုံးဆိုတော်သေးတယ်။ တချို့ကျတော့ များလွန်းလို့ အိမ်တစ်အိမ်မှာ ဘုန်းဘုန်းတွေ့တာ အများကြီးပဲ။ အဲ့ဒီမှာ ဒကာမကြီးက စိတ်ချမ်းသာမှုကို လိုက်ရှာနေသေးတယ်။
ဆိုလိုတာက ဒီလောက်စျေးကြီးတဲ့ handbag တွေ သုံးထောင်၊ လေးထောင် တွေက စိတ်ချမ်းသာမှု ပေးမယ်ထင်ပြီးတော့ ဝယ်ထားတာ တစ်ခုမှ စိတ်ချမ်းသာမှု မပေးနိုင်ဘူး။
ကိုယ့်လက်ထဲရောက်တဲ့အခါကျတော့ စိတ်ချမ်းသာမှု မတွေ့ဘူး။ ဒါ့ကြောင့် လိုအပ်ချက်နဲ့၊ လိုအပ်မှုနဲ့ လိုချင်မှု။ သူ့ရဲ့ Boundry က paper thin ဆိုတဲ့ စက္ကူလောက် ပါးတာ။
စိတ်ကို မဆုံးမထားဘူးဆိုရင် ဒီဘက်ကနေပြီးတော့ ဟိုဘက်ကို ကူးသွားဖို့အတွက် အလွယ်တကူပဲ။ ဘယ်အချိန်ကူးသွားမှန်းတောင် မသိဘူး။ သူများကိုင်တာနဲ့ ကိုယ်ကလည်း ကိုင်ချင်တယ်။ သူများဝတ်တာ မြင်ရင် ကိုယ်ကလည်း ဝတ်ချင်တယ်။
အောက်စ်ဖိုဒ့်ဆရာတော်
ဘဝမှာ အလိုမပြည့်သောအခါ တရားတော်မှ
ထုတ်နှုတ်ပူဇော်ပါသည်
Donated by Dhamma Dana
No comments:
Post a Comment