ပထမလမ်းက...ကိုယ်ခန္ဓာကြီးလည်း
လေးနေအောင် ထမ်းထားတယ်။
ပစ္စည်းတွေလည်း လေးနေအောင် ထမ်းထားတယ်။
မိသားစုတွေလည်း လေးနေအောင် ထမ်းထားတယ်
အလုပ်တာဝန်ကိစ္စတွေလည်း လေးနေအောင် ထမ်းထားတယ်။
အိုဒုက္ခ နာဒုက္ခကြီးလည်း လေးနေအောင် ထမ်းထားတယ်။ အထုပ်ကို ဖြည်မကြည့်ဖြစ်ဘူး။
ထမ်းထားတော့ ရှုံးတာပေါ့။
ဒုတိယလမ်းက...ရမ်းကားတဲ့လမ်း။
ဒေါသ ဒိဋ္ဌိ မောဟဦးဆောင်တဲ့လမ်းက ရမ်းကားတယ်။ကိုယ့်ဟာကိုယ်တောင်မှ အသက်ဆုံးရှုံးရတဲ့အထိ ဒုက္ခပေးတဲ့လမ်း။သူများတွေလည်း ပျက်စီးသွားအောင် ပျက်စီးနှောင့်ယှက်တဲ့လမ်း။
တတိယလမ်းက..စွမ်းအားပြတဲ့လမ်း။
ဘယ်လောက်စွမ်းသလဲကွယ့်။
ထမင်းစားရင်လည်း ကုသိုလ်ရအောင်စားတတ်ပြီ။
လမ်းသွားရင်လည်း ကုသိုလ်ရအောင်သွားတတ်ပြီ။
နိုင်ငံတာဝန်ထမ်းဆောင်ရင်လည်း ကုသိုလ်ရအောင် ထမ်းဆောင်တတ်ပြီ။ မိသားစုတာဝန် ထမ်းဆောင်ရင်လည်း ကုသိုလ်ရအောင် ထမ်းဆောင်တတ်ပြီ။
အိုတော့လည်း ကုသိုလ်ရအောင် အိုတတ်ပြီ။
နာတော့လည်း ကုသိုလ်ရအောင် နာတတ်ပြီ။
အဲ့လို ကုသိုလ်ရတယ်ဆိုမှ စွမ်းတာကွဲ့။
ကိုယ်လမ်းကိုယ်သွား မြတ်တရား....
တိပိဋက ယောဆရာတော်
No comments:
Post a Comment