အမြဲ Purify ဖြစ်အောင် လုပ်နေတာကို ဇာဂရိယာနုယောဂလို့ ခေါ်တယ်တဲ့ ။
ဘယ်နေရာမှာပဲဖြစ်ဖြစ် လုပ်ရင် ဖြစ်တာပဲ။
ကိုယ့်စိတ်ထဲမှာ မဖြူစင်တဲ့
အတွေးလေးတွေ ဝင်လာတာနှင့်တပြိုင်နက်
အဲဒီအတွေးကို ပြောင်းလွဲပြီးတော့
ဖြူစင်အောင် လုပ်ပေး လိုက်တာပေါ့
စိတ်ဆိုတာ
အတွေးပေါ်မှာ မူတည်ပြီး
ဖြူတာ မည်းတာ ဖြစ်တယ်
အဲဒီတော့ မကောင်းတဲ့ အတွေးတွေ ဝင်ပြီး
မကောင်းတဲ့စိတ်တွေ ဝင်လာလျှင်
ကောင်းတဲ့စိတ်နဲ့ အစားထိုးလိုက်တာပေါ့
ဥပမာအားဖြင့် သူများအပေါ်မှာ
မုန်းတီးနေတဲ့ စိတ်ကလေးဝင်လာရင်
မုန်းနေလို့ ဘာအကျိုးရှိမှာလည်း
မုန်းနေလျှင် ဒေါသပဲ
ဒေါသဆိုတာ အကုသိုလ်ပဲ
အကုသိုလ်ဟာ ငါ့ကိုပဲ
မကောင်းကျိုး ပေးမှာဆိုတဲ့ အတွေးဟာ
ဒေါသကို ဖယ်ရှားပစ်တဲ့ အတွေးပဲ
အဲဒီတော့
တရားကျင့်တယ်ဆိုတာ
ကိုယ့်သန္တာန်မှာရှိတဲ့ သဘာဝ တစ်ခုနှင့်တစ်ခု
ပြန်ချေဖျက်တဲ့ နည်းစနစ်ပဲ
မုန်းတီးတဲ့ နှလုံးသား ပေါ်လာလျှင်
မေတ္တာနှလုံးသားနှင့် အစားထိုးလိုက်တယ်
လောဘ ဖြစ်လာလျှင်
အလောဘနှင့် အစားထိုးတယ်
မောဟဖြစ်လာလျှင်
အမောဟနှင့် အစားထိုးတယ်
အဲဒီ အစားထိုးနေတာသည်ပင်လျှင်
တရားကျင့်နေတာတဲ့
လောဘဖြစ်လျှင် ဖြစ်မှန်းသိလိုက်တယ်
မဖြစ်အောင်ထိန်းတယ်
ဒေါသဖြစ်လျှင် ဖြစ်မှန်းသိပြီးမဖြစ်အောင် ထိန်းတယ်
မောဟဖြစ်လျှင် ဖြစ်မှန်းသိလိုက်တယ်
မဖြစ်အောင် ထိန်းတယ်
အဲဒီလို ထိန်းလိုက်တာကိုပဲ တရားကျင့်နေတယ်
အဲဒါကိုပဲ ဇာဂရိယာနုယောဂ လို့စာပေကျမ်းဂန်မှာ ခေါ်တယ်...
ဒေါက်တာနန္ဒမာလာဘိဝံသ( ပါမောက္ခချုပ်ဆရာတော်ဘုရားကြီး
Credit..
No comments:
Post a Comment