အတ္တမဟုတ်ဘူး အနတ္တ။
သုညကမ္ဘာ၏ သရုပ်ဆောင်မှုများ သက်သက်သာ။
ခန္ဓာငါးပါးဆိုတဲ့ ရုပ်နာမ် ဘဝဇာတ်ခုံပေါ်ဝယ်
ကံဇာတ်ဆရာရဲ့စေလိုရာအတိုင်း
ဝမ်းနည်းလို့ ငိုလိုက်
ဝမ်းသာလို့ ရယ်လိုက်
တဏှာကြိုးဆွဲရာ
ကပြနေကြရသူတွေချည်းပါ။
ငါ သူတပါး ယောက်ျား မိန်းမ လည်း မဟုတ်
အဝိဇ္ဇာဦးဆောင်တဲ့ တဏှာစတဲ့ ကိလေသာအနှောင်အဖွဲ့တွေခိုင်းသမျှ ထားရာနေ စေရာသွား နေကြတဲ့
ပုထုဇဉ်တို့ ဘဝ။
ကိုယ်က သုဘ - တင့်တယ်တယ် ထင်တယ်
ရုပ်ခန္ဓာကြီးက အသုဘ - မတင့်မတယ် ရွံစဖွယ်။
တစ်လလောက် ရေမချိုးပဲထား ဘယ်သူမှ အနားမကပ်ပါ။
နိစ္စ-မြဲတယ် ထင်တယ်။
သူကတော့ အနိစ္စ မမြဲလိုက်တာများ
ဖြစ် တည် ပျက် မျှသာ။ ဘယ်နေရာမှာမှ ရှာမရ။
ဒါကိုပဲ သုခချမ်းသာလို့ထင်ပြန်တယ်။
သို့သော် ဖြစ်လိုက် ပျက်လိုက်နဲ့ ဒုက္ခဆင်းရဲကြီးသာ။
သုည - ဘာမှ မရှိတဲ့ လေဟာနယ်ကြီးမျှသာ။
တခါ ဆုပ်ကိုင်ထားပြီး ငါ ငါ့ဟာဆိုပြီး မမြဲတဲ့အရာကြီးကို ငါ့အတ္တဆိုပြီး။
တကယ်ကတော့ အနတ္တမျှသာ။
🙏🙏🙏
#KhinThuThuAungSan
No comments:
Post a Comment