" အနိဋ္ဌ " အဆိုးလောကဓံနဲ့ တွေ့တဲ့အချိန်အခါမှာ စိတ်ဓာတ်တွေ အလွန်ကျဆင်းသွားတတ်တယ်။
အများအားဖြင့်ပေါ့လေ..
ကဲ့ရဲ့မယ်ဆိုရင် ခံနိုင်ရည်ရှိကြသော်လည်း ချီးမွမ်းလာပြီဆိုရင်တော့ ခံနိုင်ရည်ရှိတဲ့ပုဂ္ဂိုလ် တော်တော်နည်းတယ်။ မိမိကို သူတပါးက ချီးမွမ်းမယ်ဆိုရင် သဘောကျတဲ့ပုဂ္ဂိုလ်က ပိုများတယ်။
မိမိကို တဖက်သားပုဂ္ဂိုလ်တွေက ကဲ့ရဲ့မယ်ဆိုရင်လည်း စိတ်ထဲမှာ မကျေနပ်တဲ့ပုဂ္ဂိုလ်က လောကမှာ သိပ်များကြတယ်။
ဒါပေမယ့် ရဟန္တာအရှင်မြတ်တို့ရဲ့စိတ်ထားကို ကြည့်လိုက်ရင် ချီးမွမ်းခြင်းကြောင့်လည်း တုန်လှုပ်မှု အနည်းငယ်မျှ မရှိဘူး။ ခံနိုင်ရည်စွမ်းအားတွေ အပြည့်အဝရှိနေတယ်။
ကဲ့ရဲ့ခြင်းတည်းဟူသော အကြောင်းကြောင့်လည်း တုန်လှုပ်မှုမရှိဘူး။ ခံနိုင်ရည်စွမ်းအင်တွေ အပြည့်အဝ ရှိတော်မူကြတယ်။
" ဣဋ္ဌ " လောကဓံနဲ့တွေ့တဲ့အချိန်အခါကျတော့ ဣဋ္ဌလောကဓံကို လာပြီး အခွင့်အရေးပေးနေတဲ့ပုဂ္ဂိုလ်တွေနဲ့တော့ မိမိက လိုက်လျောညီထွေနေတတ်တယ်။
မိမိအပေါ်မှာ "အနိဋ္ဌ " လောကဓံတွေနဲ့ တွေ့ကြုံအောင် လာပြီး ဖန်တီးပေးနေတဲ့ပုဂ္ဂိုလ်ကျတော့ မိမိက ဆန့်ကျင်ဘက် ပြန်ပြီးတော့ လုပ်တတ်ကြတယ်။
ဒါက လောကရဲ့ ဓမ္မတာလေးတွေပဲ။
အဲ့ဒီလိုလိုက်လျောညီထွေကျင့်တတ်ခြင်း ဆန့်ကျင်ဘက်ပြုလုပ်ခြင်း ဆိုတဲ့ ဒီသဘောတရားကို ရဟန္တာအရှင်မြတ်တွေသည် ကျော်လွှားလွန်မြောက်ပြီးဖြစ်တယ်။
ဖားအောက်ဆရာတော်၏ မင်္ဂလသုတ် တိပ်ခွေအပိုင်း- ၉၄ မှ ထုတ်နုတ်ရေးသားသည်။
#ဖားအောက်ဆရာတော်ဘဒ္ဒန္တအာစိဏ္ဏမဟာထေရ်
🙏🙏🙏
#ဒေါ်ကေတုမာလာရေးသားပူဇော်သည်
#
No comments:
Post a Comment