“ သပ်ပုရိသဒါန ၅-ပါး ”
~~~~~~~~~~~~
(၁) သဒ်ဓါဒါန
- ကံနှင့်ကံ၏ အကျိုးတရားတို့၌ သက်၀င်ယုံကြည်မှု သဒ္ဓါတရား
ထက်ထက်မြတ်မြတ်ထား၍ လှူဒါန်းခြင်း
(၂) သက်ကစ်စဒါန
- လှူဖွယ်၀တၳုကို သပ်သပ်ရပ်ရပ် ပြု၍လည်းကောင်း၊ အလှူခံ
ပုဂ္ဂိုလ်ကို အရိုအသေပြု၍လည်းကောင်း လှူဒါန်းခြင်း။
(၃) ကာလဒါန
- သူ့အခါနှင့် သူသိ၍ လှူဒါန်းခြင်း။ ဥပမာ - ရဟန်းသံဃာအား
နံနက်အခါဖြစ်လျှင် ဆွမ်းခဲဘွယ်ဘောဇဉ်ကို လှူဒါန်းခြင်း၊
မွန်းလွဲအခါဖြစ်လျှင် အဖျော်ယမကာစတုမဓုစသည်ကို
လှူဒါန်းခြင်းဖြစ်သည်။
(၄) အနဂ္ဂဟိတဒါန
- လှူဖွယ်၀တၳု၌ ငြိတွယ်သောစိတ်လုံး၀မရှိဘဲ မုတ္တစာဂ
လွတ်လွတ်စွန့်ကြဲသော စေတနာရှေ့သွားပြု၍ လှူဒါန်းခြင်း။
(၅) အနုပဟစ်စဒါန
- မိမိ သူတစ်ပါး နှစ်ဦးသားတို့ကို မထိပါးမူ၍ လှူဒါန်းခြင်း။
လောက၌ စီးပွားရေး၊ လူမှုရေး၊ ပညာရေး စသည် ပြိုင်ဘက်
ရှိတတ်သည်။ထိုလောကီစီးပွားရေး၊ လူမှုရေး၊ ပညာရေး
စသည်တို့၌ အပြိုင်အဆိုင်စိတ်ထားမှလည်း တိုးတက်ကြီးပွား
နိုင်သည်။
ဒါနကောင်းမှု ကုသိုလ်ပြုရာ၌ကား ထိုလောကီအပြိုင်စိတ်ကို
ဖယ်ရှားထားရမည်။ အကယ်၍ ဒါနကောင်းမှု မိမိကပြုသောအခါ
“ ငါနှင့် စီပွားပြိုင်ဘက်ငဖြူ ငါလို လှူနိုင်သေးရဲ့လား ” ဤသို့
စသည်ဖြင့် အောက်မေ့နှလုံးသွင်း၍ လှူဒါန်းလျှင် မိမိကိုယ်ကိုကား
မြှောက်ပင့်ခြင်း အတ္တုက္ကံသနလောဘဖြင့် ထိပါး၍ လှူသည်
မည်၏။ ပြိုင်ဘက်လူ ငဖြူကိုကား နှိမ်ခြင်း ပရ၀မ်ဘနဒေါသဖြင့်
ထိပါး၍လှူသည်မည်၏။
ဤကဲ့သို့ မအောက်မေ့ဘဲ “ ငါသည် ဥစ္စာစီးပွား၏အနှစ်သာရ
ဒါနကောင်းမှုကို ပြုရပေပြီ။ ” ဤသို့စသည်ဖြင့် အောက်မေ့၍
လှူလျှင် မထိမပါး လှူသည်မည်၏။ ထိုကဲ့သို့သော အလှူမျိုးကို
လှူရမည်ဟုဆိုလို၏။
ထိုသပ္ပုရိသ ဒါနငါးပါး၏ အချုပ်လင်္ကာကား ...
(၁) သဒ္ဓါကြည်ညို
(၂) ရိုသေလှစွာ
(၃) အခါကိုသိ
(၄) မစွန်းငြိဘဲ
(၅) မထိမပါး ၊ လှူတုံငြား
ငါးပါးသပ္ပုရိသ မြတ်ဒါန။
ထိုသပ္ပုရိသ ဒါနအရာ၌ လှူဒါန်းခြင်းကြောင့် -
စီးပွားဥစ္စာပေါများသော မင်း၊ ပုဏ္ဏား၊ သေေဋ္ဌး၊
သူကြွယ်ဖြစ်ရ၏။
(၁ ) သဒ္ဓါကြောင့် ရုပ်ရည်အဆင်း တင့်တယ်လှပ၏။
(၂) သက္ကစ္စကြောင့် ထိုသူ့စကားကို အများက နာယူကြ၏။
(၃) အခါကိုသိခြင်းကြောင့် လိုအပ်သောအချိန်၌ လိုအပ်သော
ကောင်းကျိုးကို ၀ှန့်၀ှန့်ဖြိုးဖြိုး အကျိုးပေး၏။
(၄) မစွန်းငြိခြင်းကြောင့် အကောင်းကို သုံးဆောင်ရ၏။
(၅) မထိပါးခြင်းကြောင့် ထိုသူ၏စည်းစိမ်ကို ရန်သူမျိုးငါးပါးတို့
အန ္တရာယ် မပြုနိုင်ခြင်း အကျိုးများကို ထူး၍ ရရှိ၏။
ထို၏ဆိုင်ရာ လင်္ကာအချုပ်ကား -
၁။
သဒ္ဓါကြည်လင်၊ လှူဒါန်းလျှင်၊
ရုပ်သွင်အဆင်းလှ။
၂။
ရိုသေလှူငြား၊ သူ့စကား
အများ နာယူကြ။
၃။
အခါသိသဖြင့်၊ လှူတုံလင့်
ချိန်သင့် ကောင်းကျိုးရ။
၄။
မစွန်းငြိတောင်း၊ လှူတုံရှောင်း
အကောင်းသုံးဆောင်ရ။
၅။
မထိမပါး၊ လှူတုံငြားမူ၊ ထိုသည့်သူ၏
ပြောထူများပြား၊ စည်းစိမ်အား
ငါးပါးရန်မခ။
သပ္ပုရိသ ဒါနကျိုးဆက် ဤငါးချက်
နှုတ်တက်ဆောင်ကုန်ကြ။
( သပ္ပုရိသဒါနသုတ်နှင့်အညီ ဖွဲ့စီထားသည်။ )
- ဦးဝိစိတ်တသာရာဘိဝံသ ( ၂- ၇ - ၄၂ )
( တိပိဋကဓရ တိပိဋကဓမ္မဘဏ္႑ာဂါရိက နိုင်ငံတော်သံဃ
မဟာနာယကအဖွဲ့အကျိုးတော်ဆောင်ချုပ်
No comments:
Post a Comment