ဆီမီး၊အလင်းတိုင် လှူရကျိုး ( ၇ ) မျိုး
🕯🕯🕯🕯🕯🕯🕯🕯🕯🕯🕯🕯
၁။ ခန္ဓာကိုယ်မှ အညစ်အကြေး ကင်းစင်ခြင်း။
၂။ အနီးအဝေးကို ကြည့်ရှုက မြင်နိုင်သော အဘိညာဉ်ရခြင်း။
၃။ ကျောက်တောင် အုဌ်တံတိုင်း စသည်ကို ဖောက်ထွင်းမြင်နိုင်သော မျက်စိကို ရရှိခြင်း။
၄။ အမှုကိစ္စတို့ကို ပြုလုပ်ဆောင်ရွက်က မခက်ခဲဘဲ အလွယ်နှင့်ပြီးစီးခြင်း။
၅။ ဉာဏ်ပညာ ကြီးမား ထက်မြက်ခြင်း။
၆။ ခရီးသွားလေရာမှာ မိမိအထက်က အလင်းရောင်များ အမြဲလိုက်ပါခြင်း။
၇။ မဂ်ဉာဏ် ဖိုလ်ဉာဏ်အလင်းရ၍ နိဗ္ဗာန်ကို သိမြင်နိုင်ခြင်း။
"ဆီမီးလှူကျိုး ညစ်ကြေးကင်းစင်
ဒိဗ္ဗစက္ခု ရမူနောင်တွင်
ကျောက်တောင်ထွင်း၍ အလင်းကိုမြင်
ဘယ်ကိစ္စ ခက်ရသူမထင်
ဆီမီးလှူက ကြီးထပညာ
သွားရာရောင်လင်း မယွင်းလိုက်ပါ
မဂ်ဖိုလ်ဥာဏ်ထူး ဆွတ်ခူးမှန်စွာ
နိဗ္ဗာန်နန်း စံမြန်းရလေတာ။"
(တစ်နည်း) ဆီမီးလှူကျိုး ( ၅ )ပါး။
******************************
၁။ တန်ခိုးတေဇော် အာနုဘော်ကြီးခြင်း၊
၂။ ရဲရင့်လျင်မြန်ခြင်း၊
၃။ ထွန်းလင်းတောက်ပအဆင်းလှခြင်း၊
၄။ ဥာဏ်ပညာထက်မြက် ကြီးကျယ်ခြင်း၊
၅။ ကိတ္တိ ၂-ပါးကျော်စောထင်ရှားခြင်း။ ။
( ဤကား အကျိုးများစွာတို့အနက် ထူးကဲသောအကျိုးငါးပါးသာဟု မှတ်ရာ၏။)
(တစ်နည်း) ဆီမီးလှူရကျိုး (၂)ပါး
******************************
ဘုရားရှင်အား စိတ်ထားကြည်ဖြူ ၊
ဆီမီးလျှပ်ပန်း လှူဒါန်းသောသူ ။
စက္ခု မံသ ဉာဏနှစ်ဆူ ၊
ကြည်လင်၏ ဖြစ်ဘိဉာဏ်ကြီးသူ။
( ရှင်းလင်းချက် )
ဘုရားရှင်အား ကြည်ကြည်ဖြူဖြူ ဆီမီးကပ်လှူ
သောသူအား...
၁- မံသစက္ခု = ပကတိမျက်လုံး ကြည်လင်
အားကောင်းခြင်း။
၂- ဉာဏစက္ခု= အသိဉာဏ်မျက်လုံး အားကောင်းခြင်း ဟူသော အကျိုး နှစ်ပါး ရရှိနိုင်သည်။
( တစ်နည်း)ဆီမီးလှူရကျိုး (၃)ပါး
*******************************
ဥစ်စာ ကုလ၊
ပြည့်ဝအင်္ဂါ၊
ပညာကြီးမား၊
ဤသုံးပါး၊
မှတ်သား ဒီပ အကျိုးတည်း။
Cred..ဗုဒ္ဓအရိပ်
No comments:
Post a Comment