🌿 မအားတာတော့ မအားဘူးပေါ့။
ဒါပေမယ့် မအားတဲ့ကြားကပဲ
ထားသွား ရတာ မဟုတ်လား။
🌿 မရှိတာတော့ မရှိဘူးပေါ့။
ဒါပေမယ့် မရှိတဲ့ကြားကပဲ
ရှိအောင်လှူသွားရမှာ မဟုတ်လား။
🌿 မကြိုက်တာတော့ မကြိုက်ဘူးပေါ့။
ဒါပေမယ့် မကြိုက်တဲ့ကြားကပဲ
မခိုက်အောင်ကြိုးစားရမှာ မဟုတ်လား။
🌿 မမြဲတာတော့ မမြဲဘူးပေါ့။
ဒါပေမယ့် မမြဲတဲ့ကြားကပဲ
အလွဲမများအောင်နေထိုင်ရမှာ မဟုတ်လား။
🌿 ဒုက္ခတော့ ဒုက္ခပေါ့။
ဒါပေမယ့် ဒုက္ခကြားကပဲ
သုခတရားကိုရအောင်ရှာရမှာ မဟုတ်လား။
🌿 အနတ္တတော့ အနတ္တပေါ့။
ဒါပေမယ့် အနတ္တတွေကြားကပဲ
အတ္တတွေမများအောင်လျှော့ချရမှာ မဟုတ်လား။
🌿 ဘဝဆိုတာ ဒါပါပဲ။
🌿 အဆင်မပြေတာတွေကြားကပဲ
ပြေသလို ကြိုးစားကြရမှာပဲလေ။
🌿 စိတ်တိုင်းမကျတာတွေကြားကပဲ
စိတ်ရိုင်းလေးတွေချနိုင်အာင်
လေ့ကျင့်ရမှာပဲလေ။
🌿 အမှားတွေကြားကပဲ တရားတွေ မရှားဖို့
သတိပြုရမှာပဲလေ။
🌿 အဓိကကတော့...
အမှားလေးတွေကနေ
အမှားကြီးတွေ မဖြစ်အောင်၊
🌿 အပြစ်လေးတွေကနေ
အပြစ်ကြီးတွေမဖြစ်အောင်၊
🌿 ကိုယ့်ဘဝကိုယ် တဖြည်းဖြည်းချင်း
ပုံဖော်ထုဆစ်ပြီး ဘဝအနှစ်မမဲ့အောင်
ဓမ္မအသိဆောင်ကြဖို့ပဲ မဟုတ်လား။
မေတ္တာဖြင့်
မနာပ ဒါယီ အရှင်ဝိစိတ္တ🙏🏻
Credit...
No comments:
Post a Comment